தல 60 படத்தில் வில்லனாகும் பிரபல பாலிவுட் நடிகர் - அதுவும் இவரா..??? - மாஸ் அப்டேட்.!

‘நேர்கொண்ட பார்வை’ படத்துக்குப் பிறகு அடுத்தப் படத்துக்கு ரெடியாகி விட்டார் அஜீத். ’தல 60’ என்று தற்காலிகமாகப் பெயரிடப்பட்டுள்ள இந்தப் படத்தை ’நேர்கொண்ட பார்வை’யை இயக்கிய ஹெச்.வினோத் இயக்குகிறார். 

அந்தப் படத்தை தயாரித்த, போனி கபூர், ஜீ ஸ்டூடியோஸூடன் இணைந்து தயாரிக்கிறார். இந்த படத்தின் படப்பிடிப்புகள் இந்த மாத இறுதியில் தொடங்கப்படும் என அறிவிக்கபட்டிருந்த நிலையில், படப்பிடிப்பை நவம்பர் மாதத்திற்கு தள்ளி வைத்துள்ளது படக்குழு. 

இந்த படத்தில், பெரும்பாலான காட்சிகள் வெளிநாடுகளில் படமாக்கப்பட இருக்கிறது. அடுத்த வருடம் கோடை விடுமுறையில் படத்தை ரிலீஸ் செய்ய படக்குழு திட்டமிட்டுள்ளது. இந்தப் படத்தில் அஜீத்துக்கு வில்லனாக பிரபல இந்தி நடிகர் அஜய் தேவ்கன் நடிக்க இருப்பதாகக் கூறப்படுகிறது. 

தயாரிப்பாளர் போனி கபூர் அவரிடம் பேசிவருவதாகவும் ஆனால் அஜய்தேவ்கன் தரப்பில் இன்னும் பதிலளிக்கவில்லை என்றும் தெரிகிறது. தொடர்ந்து, அஜீத்தின் 60 வது படத்தில் அவருக்கு வில்லனாக நடிக்க அவரிடம் பேச்சுவார்த்தை நடந்துவருவதாக படகுழுவிற்கு நெருங்கிய வட்டாரங்கள் தெரிவிக்கின்றன.

Advertisement