பிகில் படத்தைத் தொடர்ந்து விஜய் நடிப்பில் உருவாகி வரும் படம் ‘தளபதி 64’. லோகேஷ் கனகராஜ் இயக்கத்தில் சேவியர் பிரிட்டோ தயாரித்து வரும் இந்தப் படத்துக்கு இன்னும் பெயர் சூட்டவில்லை.
சமீபத்தில் பூஜையுடன் தொடங்கிய இந்தப் படத்தின் படப்பிடிப்பு சென்னையில் தொடங்கி நடைபெற்று வருகிறது. இந்தப் படத்தில் நாயகியாக மாளவிகா மேனனும், வில்லனாக விஜய்சேதுபதியும் நடிக்கின்றனர்.
இவர்களுடன் மலையாள நடிகர் ஆண்டனி வர்கீஸ், சாந்தனு , ஸ்ரீமன், சஞ்சீவ், ஸ்ரீநாத் உள்ளிட்டோரும் ஒப்பந்தம் செய்யப்பட்டுள்ளனர். அனிருத் இசையில் சத்யன் சூரியன் ஒளிப்பதிவு செய்யும் இந்தப் படத்தின் படப்பிடிப்பு மும்முரமாக நடைபெற்று வரும் நிலையில் ஷூட்டிங் ஸ்பாட்டில் விஜய்யைக் காண அவரது ரசிகர்கள் குவிந்து வருகின்றனர்.
இந்நிலையில், இந்த படத்தில் பிக்பாஸ் சீசன் 3 நிகழ்ச்சி மூலம் பிரபலமான மாடல் நடிகர் தர்ஷன் நடிக்கவுள்ளதாக தகவல்கள் வெளியாகியுள்ளனர். பிக்பாஸ் நிகழ்ச்சியில் கலந்து கொண்டு பெரும்பாலான ரசிகர்களை கவர்ந்த தர்ஷனுக்கு பட வாய்புகள் குவிந்து வருகின்றன. இவரை ஹீரோவாக வைத்து படம் எடுக்க சில இயக்குனர் இவரை அணுகியுள்ளதாகவும் தகவல்கள் கசிந்துள்ளன.
.jpg)
