திருவள்ளூர் மாவட்டம், கும்மிடிப்பூண்டி அருகே ஆரம்பாக்கத்தில், 2025 ஜூலை 12 அன்று 10 வயது சிறுமி பாலியல் வன்கொடுமைக்கு உள்ளாக்கப்பட்ட சம்பவம் தமிழகத்தில் பெரும் அதிர்ச்சியை ஏற்படுத்தியுள்ளது.
இச்சம்பவத்தில், சிறுமி பள்ளி முடிந்து பாட்டி வீட்டிற்கு செல்லும் வழியில் மர்ம நபரால் கடத்தப்பட்டு, அருகிலுள்ள மாந்தோப்பில் வன்கொடுமை செய்யப்பட்டார்.
சம்பவத்தை அறிந்த பாட்டி, சிறுமியை கும்மிடிப்பூண்டி அரசு மருத்துவமனைக்கு அழைத்துச் சென்றார். பின்னர், பொன்னேரி மற்றும் சென்னை ராஜீவ் காந்தி அரசு மருத்துவமனையில் மேல் சிகிச்சைக்காக அனுப்பப்பட்டார்.
காவல்துறை, சிசிடிவி காட்சிகள் மற்றும் செல்போன் அழைப்பு பதிவுகளை ஆய்வு செய்து, 600 செல்போன் எண்களை விசாரணைக்கு உட்படுத்தியுள்ளது. திருவள்ளூர் எஸ்.பி. மேற்பார்வையில் ஜெயஸ்ரீ, தமிழரசி, புகழேந்தி ஆகிய டிஎஸ்பிக்கள் தலைமையில் 5 தனிப்படைகள் அமைக்கப்பட்டு, ஆந்திர மாநில எல்லையிலும் தேடுதல் வேட்டை நடைபெறுகிறது.
குற்றவாளி குறித்த தகவலுக்கு 5 லட்சம் ரூபாய் சன்மானம் அறிவிக்கப்பட்டுள்ளது. சமீபத்தில், ராஜீவ் காந்தி அரசு மருத்துவமனையில் சிகிச்சை பெறும் உத்தரப் பிரதேசத்தைச் சேர்ந்த ஒருவர், குற்றவாளியைப் போலவே உடை அணிந்திருந்ததால் சந்தேகத்தின் பேரில் விசாரிக்கப்பட்டார்.
ஆனால், அவரது உடையின் வடிவம் மாறுபட்டதால், அவர் குற்றவாளி இல்லை என காவல்துறை உறுதிப்படுத்தியது. 12 நாட்களாக குற்றவாளியைக் கைது செய்ய முடியாமல் காவல்துறை திணறுவதாகவும், இதற்கு எதிர்ப்பு தெரிவித்து அதிமுக மற்றும் பாஜக தலைவர்கள் போராட்டம் நடத்தியுள்ளனர்.சீமான், குற்றவாளியை உடனடியாக கைது செய்ய வலியுறுத்தியுள்ளார்.
English Summary : A 10-year-old girl was assaulted in Arambakkam, near Gummidipoondi, Tiruvallur, on July 12, 2025, causing statewide shock. The police have been searching for the suspect for 12 days using CCTV footage and cellphone records, forming five special teams. A Uttar Pradesh man treated at Rajiv Gandhi Hospital was investigated but cleared. Protests by AIADMK and BJP highlight delays in the arrest.
