மனைவிக்கு ஏன் குழந்தை பிறக்கல..? ஸ்கேன் செய்த மருத்துவர்.. மிரண்டு போன கணவன்..!

குஜராத்தைச் சேர்ந்த 34 வயது நபர், பல ஆண்டுகளாக திருமணமாகாமல் இருந்த நிலையில், கடந்த ஆண்டு ஜூன் மாதம் திருமணம் செய்து கொண்டார். ஆனால், தற்போது அவரது வாழ்க்கை மோசடி விவகாரத்தால் கேள்விக்குறியாகியுள்ளது.

மணமகளின் வயதை மறைத்து, போலியான ஆவணங்களை வைத்து திருமணம் நடத்தியதாக குற்றச்சாட்டு எழுந்துள்ளது.குஜராத்தின் ஒரு பகுதியில் வசிக்கும் இந்த நபருக்கு, குடும்பத்தினர் பல ஆண்டுகளாக மணப்பெண் தேடி வந்தனர்.

கடந்த ஆண்டு ஒரு 32 வயது பெண்ணை திருமணம் செய்ய முடிவு செய்யப்பட்டது. மணமகள் 1991 மே மாதம் பிறந்தவர் என்று கூறி, பாஸ்போர்ட்டை ஆதாரமாக பெண் வீட்டார் காட்டியதை அடுத்து, மாப்பிள்ளை வீட்டார் திருமணத்திற்கு சம்மதித்தனர்.

இதன்படி, கடந்த ஆண்டு ஜூன் மாதம் திருமணம் வெகு சிறப்பாக நடைபெற்றது.ஆனால், திருமணமாகி ஒரு வருடத்திற்கு மேல் ஆன பிறகும், குழந்தை இல்லாததால் கவலைப்பட்ட தம்பதி, மருத்துவ பரிசோதனைக்கு சென்றனர்.

கணவனுக்கு எவ்வித பிரச்னையும் இல்லை என்று தெரியவந்த நிலையில், மனைவியின் கர்ப்பப்பை சோனோகிராபி பரிசோதனையில் அதிர்ச்சிகரமான உண்மை வெளியாகியது.

மனைவியின் வயது 42 முதல் 45 இருக்கலாம் என்றும், இயற்கையான முறையில் குழந்தை பெற முடியாது என்றும் மருத்துவ அறிக்கை தெரிவித்தது.இதனால் அதிர்ச்சியடைந்த கணவர், மனைவி மற்றும் அவரது குடும்பத்தினர் போலியான ஆவணங்களை வைத்து தன்னை ஏமாற்றியதாக காவல்நிலையத்தில் புகார் அளித்தார்.

இதையடுத்து, மனைவி, மாமனார் உள்ளிட்ட எட்டு பேர் மீது போலீசார் வழக்கு பதிவு செய்தனர். திருமணத்திற்கு முன்பே மாப்பிள்ளை வீட்டார், மணமகளின் கல்வி மற்றும் வயது சான்றிதழ்களை கேட்டபோது, அவை வழங்கப்படவில்லை. திருமணத்தின்போது மற்றும் பின்னர் வங்கி பணிகளுக்காகவும் அசல் ஆவணங்கள் தரப்படவில்லை என்று கூறப்படுகிறது.

இந்த விவகாரம் காவல்நிலையம் வரை சென்றதால், மனைவி தரப்பு மோசடியை ஒப்புக்கொண்டு மன்னிப்பு கேட்டுள்ளது. ஆனால், தன்னை விட 10 வயது மூத்த பெண்ணுடன் ஒரு வருடத்திற்கும் மேலாக வாழ்ந்ததாக கணவர் ஆதங்கம் தெரிவித்துள்ளார்.

இதேபோல், தமிழ்நாட்டின் தாராபுரத்தில் சந்தியா என்ற பெண், தனது வயதை மறைத்து பலரை ஏமாற்றியதாகவும், அவரை ‘தமிழக கல்யாண ராணி’ என்று அழைத்ததாகவும் குறிப்பிடப்பட்டுள்ளது.

இந்நிலையில், இந்த குஜராத் பெண்ணை சமூக வலைதளங்களில் ‘குஜராத் கல்யாண ராணி’ என்று பலரும் பேசி வருகின்றனர்.இந்த சம்பவம், திருமணத்தில் வெளிப்படைத்தன்மை மற்றும் நம்பகத்தன்மையின் முக்கியத்துவத்தை வலியுறுத்துகிறது.

Summary in English : A 34-year-old Gujarat man married a woman claimed to be 32, but a medical check revealed she was 42-45, unable to conceive naturally. Deceived by fake documents, he filed a police complaint against her and her family, exposing a marriage fraud now viral as "Gujarat's Kalyana Rani."