கணவர், கள்ளக்காதலன் இருவருடனும் சேர்ந்து மது அருந்திய பெண்.. இறுதியில் அரங்கேறிய கொடூரம்..

லக்னோ : உத்தரப்பிரதேச மாநிலத்தில் வாடகை வீட்டில் வசித்து வந்த ஒரு இளம் தம்பதிக்கு இடையே ஏற்பட்ட குடும்பப் பிரச்சனை, கொடூர கொலையாக மாறி நாட்டையே அதிர்ச்சியில் ஆழ்த்தியுள்ளது.

வாடகை வீட்டில் தன்னுடைய கணவர் மற்றும் மூன்று குழந்தைகளுடன் தங்கி இருந்த 32 வயது பெண் ஒருவர் செய்துள்ள கொடூரம் நாட்டையே கதி கலங்க வைத்திருக்கிறது. உண்மை சம்பவங்களை அடிப்படையாகக் கொண்டு உருவாக்கப்பட்ட க்ரைம் கதை இது. சம்பவம் நடந்த இடங்கள் மற்றும் பெயர்கள் கற்பனை.

கள்ளக்காதலில் வீழ்ந்த மனைவி பிரியா (32), தனது கணவன் ராம் (35) ஐ இரும்புப் பெட்டியால் தாக்கி கொன்று, உடலை நீல நிற பிளாஸ்டிக் டிரம்மில் மறைத்துவிட்டு, கள்ளக்காதலன் விக்ரம் (28) மற்றும் மூன்று மகன்களுடன் அருகிலுள்ள மாநிலத்துக்கு தப்பியோடிய சம்பவம் பரபரப்பை ஏற்படுத்தியுள்ளது.

ராம் மற்றும் பிரியா தம்பதி, 2015-ல் காதலித்து திருமணம் செய்துகொண்டனர். மின்சார உதிரிபாகங்கள் தயாரிக்கும் தொழிற்சாலையில் ராம் பணியாற்ற, பிரியா உதவியாளராக வேலை செய்தார். இவர்களுக்கு ஆரவ் (8), விவான் (6), யுவான் (4) என்ற மூன்று மகன்கள் உள்ளனர்.

சொற்ப வருமானத்தில் குடும்பத்தை கஷ்டப்பட்டு நடத்தி வந்த இவர்கள், ஆறு மாதங்களுக்கு முன் தொழிற்சாலைக்கு அருகில் வாடகை வீட்டுக்கு இடம்பெயர்ந்தனர்.இரண்டு தளங்கள் கொண்ட அந்த வீட்டின் முதல் தளத்தில் ராம் குடும்பம் தங்கியிருக்க, தரைத்தளத்தில் வீட்டு உரிமையாளர் ராஜேஷ் (வயது 55) வசித்து வந்தார்.

ராஜேஷின் மகன் விக்ரமும் அடிக்கடி அங்கு வருவார். வேலை முடிந்து வீட்டுக்கு வந்த பிறகு, ராம் - பிரியா தம்பதி குழந்தைகளை தூங்க வைத்துவிட்டு மொட்டை மாடியில் சென்று மது அருந்துவது வாடிக்கையாக இருந்தது.இதை கவனித்த விக்ரம், "நானும் சேர்ந்து குடிக்கலாமா?" என்று கேட்டு, விலையுயர்ந்த மதுபானங்களுடன் மொட்டை மாடிக்கு வந்தார்.

ஆரம்பத்தில் ராம் சம்மதித்தாலும் பிரியா மறுத்தார். முதல் நாள் விக்ரம் வரும்போது பிரியா வீட்டுக்குள் சென்றுவிட்டார். ஆனால் பின்னர் நாட்களில் பிரியாவும் விக்ரமுடன் சேர்ந்து மது அருந்த ஆரம்பித்தார்.ராம் அதிக மது குடித்து மயங்கி விழுந்தால், விக்ரம் பிரியாவுடன் தனிமையில் பேசி ஆசைகளை வெளிப்படுத்தினார்.

ஒருகட்டத்தில் பிரியா விக்ரமின் "அன்பில்" வீழ்ந்தார். மூவரும் மது அருந்திய பிறகு ராம் மயங்கியதும், பிரியாவும் விக்ரமும் வீட்டுக்குள் சென்று உல்லாசமாக இருப்பது வாடிக்கையானது.ஒரு நாள் இரவு, மது போதையில் ராம் சிறுநீர் கழிக்க எழுந்தார். திரும்பி வந்து பார்த்தபோது, மூன்று குழந்தைகளும் மொட்டை மாடியில் தூங்கிக் கொண்டிருந்தனர்.

சந்தேகமடைந்த ராம் வீட்டுக்குள் சென்று பார்த்தபோது, பிரியா விக்ரமுடன் உடலுறவில் ஈடுபட்டிருந்ததை பார்த்து அதிர்ச்சியடைந்தார்.உடனே மூவருக்கும் கடும் வாக்குவாதம் மூண்டது. வாக்குவாதம் கைகலப்பாக மாறியது. கோபமடைந்த பிரியா, அருகிலிருந்த இரும்புப் பெட்டியால் ராமின் தலையில் பலமாக அடித்தார்.

ரத்த வெள்ளத்தில் துடித்த ராம் உயிரிழந்தார்.பீதியடைந்த பிரியா, விக்ரமுடன் சேர்ந்து ராமின் உடலை நீல நிற டிரம்மில் போட்டு மூடினார். பின்னர் மூன்று குழந்தைகளுடன் விக்ரமும் சேர்ந்து அங்கிருந்து தப்பி, அருகிலுள்ள மாநிலத்துக்கு சென்றுவிட்டனர்.

சம்பவத்துக்கு மூன்று நாட்களுக்குப் பிறகு, மொட்டை மாடியில் இருந்து வரும் அதீத துர்நாற்றத்தால் சந்தேகமடைந்த வீட்டு உரிமையாளர் ராஜேஷ் டிரம்மை திறந்து பார்த்தார். உள்ளே ராமின் உடல் இருந்ததை கண்டு அதிர்ச்சியடைந்தார்.உடனே மகன் விக்ரமுக்கு போன் செய்தார். "நீ எங்கே இருக்கிறாய்?" என்று கேட்டதும், விக்ரம் "இனிமேல் வரமாட்டேன், இந்த ஊரில் இருக்க மாட்டேன், தொடர்பு வேண்டாம்" என்று கூறி போனை துண்டித்துவிட்டார்.

காவல்துறையினர் விசாரணையை தொடங்கி, பிரியாவையும் விக்ரமையும் கைது செய்து சிறையில் அடைத்தனர். தற்போது மூன்று சிறு குழந்தைகளும் ஆதரவற்ற நிலையில் தவித்து வருகின்றனர். தந்தை இறந்துவிட்ட நிலையில், தாய் சிறையில் இருப்பதால், உறவினர்களிடம் ஒப்படைக்கப்பட உள்ளதாக போலீசார் தெரிவித்தனர். 

இந்த கொடூர சம்பவம் உத்தரப்பிரதேச மாநில மக்களிடையே பெரும் அதிர்ச்சியை ஏற்படுத்தியுள்ளது. கள்ளக்காதல் எந்த அளவுக்கு கொடூரமாக மாறும் என்பதற்கு இது ஒரு உதாரணம் என்று சமூக ஆர்வலர்கள் கவலை தெரிவித்துள்ளனர்.

Summary : In Uttar Pradesh, Priya (32), entangled in an affair with landlord's son Vikram (28), murdered her husband Ram (35) by striking him with an iron box after he caught them together. She hid the body in a blue drum, fled with Vikram and their three sons, but was later arrested. The orphaned children are now helpless.