தமிழகமே எதிர்பார்த்த சட்டமன்ற தேர்தல் தேதி! விஜய்யின் தாக்கத்தால் நடந்த மாற்றம்!

சென்னை: தமிழக அரசியல் களத்தில் நடிகர் விஜயின் அரசியல் வருகை பெரும் தாக்கத்தை ஏற்படுத்தியுள்ள நிலையில், 2026 சட்டமன்ற தேர்தலுக்கான வாக்குப்பதிவு தேதி குறித்த தகவல்கள் இணையத்தில் லீக் ஆகியுள்ளதாக வதந்திகள் பரவி வருகின்றன.

அதன்படி, ஏப்ரல் 23ஆம் தேதி வாக்குப்பதிவு நடைபெறும் எனக் கூறப்படுகிறது. அதிகாரப்பூர்வ அறிவிப்பு மார்ச் 15க்குள் வெளியாகலாம் என்றும் தகவல்கள் தெரிவிக்கின்றன.

இதனிடையே, விஜயின் தமிழக வெற்றிக் கழகம் (TVK) கட்சியை தேசிய ஜனநாயகக் கூட்டணி (NDA)யில் இணைக்க முயற்சிகள் நடப்பதாகவும் வதந்திகள் உலா வருகின்றன. 

இந்த வதந்தி ஆளும் திமுக கூட்டணியை அதிர்ச்சியில் ஆழ்த்தியுள்ளதாக அரசியல் வட்டாரங்கள் தெரிவிக்கின்றன.தமிழக சட்டமன்ற தேர்தல் 2026க்கான ஏற்பாடுகள் தீவிரமடைந்துள்ளன. தற்போதைய சட்டமன்றத்தின் பதவிக்காலம் மே 10, 2026இல் முடிவடைய உள்ளது.

தேர்தல் ஆணையம் இன்னும் அதிகாரப்பூர்வ அட்டவணையை அறிவிக்கவில்லை என்றாலும், மார்ச்-ஏப்ரல் மாதங்களில் தேர்தல் நடைபெற வாய்ப்புள்ளதாக தகவல்கள் தெரிவிக்கின்றன.

சமீபத்தில் தேர்தல் ஆணையத்தின் செய்தியாளர் சந்திப்பில் தமிழக தேர்தல் தொடர்பான விவாதங்கள் நடைபெற்றுள்ளன.

இருப்பினும், ஏப்ரல் 23ஆம் தேதி வாக்குப்பதிவு, மே 05-ம் தேதி வாக்கு எண்ணிக்கை என்ற லீக் தகவல் உறுதிப்படுத்தப்படவில்லை. இது வெறும் வதந்தியாக இருக்கலாம் என அரசியல் பார்வையாளர்கள் கருத்து தெரிவிக்கின்றனர்.

மறுபுறம், நடிகர் விஜயின் TVK கட்சி அரசியல் அரங்கில் பெரும் எதிர்பார்ப்பை ஏற்படுத்தியுள்ளது. கட்சி தொடங்கிய பிறகு, NDA கூட்டணியில் இணைக்க பாஜக தலைமை தீவிர முயற்சிகளை மேற்கொண்டு வருவதாக தகவல்கள் வெளியாகியுள்ளன. NDA கூட்டணி 40 இடங்கள் வரை வழங்கத் தயாராக இருப்பதாக கூறப்படுகிறது.

ஆனால், விஜயை முதல்வர் வேட்பாளராக அறிவிக்க வேண்டும், 80க்கும் மேற்பட்ட இடங்கள் வேண்டும் என TVK தரப்பு கோரிக்கை வைத்துள்ளதாக தகவல்கள் தெரிவிக்கின்றன. 

ஆந்திர துணை முதல்வர் பவன் கல்யான் விஜயுடன் பேசி, NDA உடன் இணைய அறிவுறுத்தியதாகவும் வதந்திகள் பரவியுள்ளன.

ஆனால், இந்த வதந்திகளை TVK திட்டவட்டமாக மறுத்துள்ளது. "பாஜக எங்கள் கொள்கை எதிரி, திமுக எங்கள் அரசியல் போட்டியாளர். கூட்டணியில் மாற்றம் இல்லை" என TVK வட்டாரங்கள் தெரிவித்துள்ளன. பாஜக தமிழக தலைவர் அண்ணாமலை இந்த ஊகங்களை நிராகரித்துள்ளார்.

அதிமுக தரப்பும் இதுபற்றி தகவல் இல்லை எனக் கூறியுள்ளது. இருப்பினும், இந்த வதந்தி திமுக கூட்டணியை அதிர்ச்சியில் ஆழ்த்தியுள்ளதாக அரசியல் வட்டாரங்கள் கூறுகின்றன. TVK தனித்துப் போட்டியிடும் என விஜய் ஏற்கெனவே அறிவித்துள்ளார்.

எக்ஸ் தளத்தில் இந்த விவாதங்கள் தீவிரமாக நடைபெறுகின்றன. சிலர் TVK-NDA கூட்டணி ஆட்சி மாற்றத்தை கொண்டுவரும் எனக் கருத்து தெரிவிக்கின்றனர், மற்றவர்கள் இது வெறும் வதந்தி என்கின்றனர். விஜய் தனது கொள்கையில் உறுதியாக இருப்பார் என அவரது ஆதரவாளர்கள் நம்பிக்கை தெரிவிக்கின்றனர்.

ஆனால், தேர்தலை பொறுத்தவரை வெற்றி ஒன்றே இலக்கு, கொள்கை எப்போதுமே இரண்டாம் பட்சம் தான் என்பதை பல தேர்தலில், பல கட்சிகள் உறுதிபடுத்தியுள்ளன. 

காங்கிரஸ் ஆட்சியை எதிர்த்து ஆரம்பமான திமுக, திமுகவின் வாரிசு அரசியலை எதிர்த்து உருவான மதிமுக, திமுக முதலாளிகளின் கட்சி நாங்க தொழிலாளர்களின் கட்சி என கூறிய கம்யூனிஸ்ட் என அனைத்து கட்சிகளும் ஒரே கூட்டணியில் நிற்கின்றன. இங்கே கொள்கை எங்கே இருக்கிறது என்று தேடினாலும் கிடைக்காது.. ஒரே கொள்கை பாஜகவை எதிர்க்க வேண்டும் அவ்வளவு தான்.

அதே போல, விஜய் NDA கூட்டணியில் இருந்து திமுக எதிர்ப்பு வாக்குகளை ஒரே அணியில் அறுவடை செய்ய வேண்டும் என எதிர்பார்ப்புகள் எழுந்துள்ளது. 

தேர்தல் அறிவிப்பு விரைவில் வெளியாகும் என எதிர்பார்க்கப்படுகிறது. இந்த வதந்திகள் தமிழக அரசியலை சூடுபிடிக்கச் செய்துள்ளன. அதிகாரப்பூர்வ தகவல்களுக்காக காத்திருப்போம்.

Summary : Tamil Nadu assembly election 2026 voting is rumored for April 23, with official announcement likely by mid-March. Speculation persists about TVK joining NDA alliance, though both sides deny it. The rumor has created uncertainty in DMK camp, while TVK maintains it will contest independently.