கனிமொழிக்கு ஒரு நியாயம், எனக்கு ஒரு நியாயமா? களத்தில் அதிரடி அட்டாக் செய்த சுந்தர் சி! மனுஷன் வேற மாறி!

மதுரை : தமிழக சட்டமன்றத் தேர்தலில் மதுரை மத்திய தொகுதியில் அதிமுக கூட்டணி வேட்பாளராகக் களமிறங்கியுள்ள இயக்குநர் சுந்தர் சி, மக்களின் வரவேற்பு மற்றும் ஆதரவைப் பார்த்து வெற்றி 100க்கு 200% உறுதி என்று தெரிவித்தார்.

வேட்புமனு தாக்கல் செய்த பின்னர் அளித்த பேட்டியில் அவர் கூறியதாவது:

“மதுரைக்கு வந்ததிலிருந்து மக்கள் எனக்குக் கொடுக்கும் வரவேற்பும், இரட்டை இலைக்குக் கொடுக்கும் ஆதரவும் பார்க்கும்போது, வெற்றி நிச்சயம் என்ற நம்பிக்கை எல்லோருக்கும் வந்துவிட்டது.

மதுரை மத்திய தொகுதி மக்கள் என்னை வெற்றி வேட்பாளராக இரட்டை இலை சின்னத்தில் வாக்களித்து, எடப்பாடியார் தலைமையில் ஆட்சி அமைய உறுதுணையாக இருப்பார்கள் என்ற பரிபூரண நம்பிக்கை எனக்கு உள்ளது.”

பிரச்சாரம் குறித்து:

பிரச்சாரம் ஏற்கனவே தொடங்கிவிட்டதாகவும், நாளையிலிருந்து (நாளை செயல் வீரர்கள் கூட்டம்) முழு வீச்சில் தொடங்கும் என்றும் அவர் தெரிவித்தார்.

அனைத்து கூட்டணிக் கட்சி தலைவர்கள், செயல் வீரர்கள், நிர்வாகிகள் கலந்துகொள்ளும் கூட்டம் நடைபெறவுள்ளது.

மக்கள் பிரச்சினைகள்:

• 10 ஆண்டுகளாக ஒரே எம்எல்ஏ எந்த நலத்திட்டங்களையும் செய்யவில்லை என்று விமர்சித்த சுந்தர் சி, மக்கள் அடிப்படைத் தேவைகளான நல்ல சாலைகள், குடிநீர், சுகாதாரம், கழிவு நீர் மேலாண்மை, போக்குவரத்து இடையூறு, மேம்பாலங்கள் போன்றவற்றை மட்டுமே கேட்பதாகக் கூறினார்.
• மாநகராட்சி ஊழல், லஞ்சம் உள்ளிட்ட குறைகளைச் சுட்டிக்காட்டிய அவர், மதுரையை மீண்டும் தங்க நகரமாக, தமிழர்களின் தலைநகரமாக மாற்ற வேண்டும் என்று வலியுறுத்தினார்.

“வெளியூர்க்காரன்” விமர்சனத்துக்கு பதில்:

கனிமொழி கருணாநிதியின் “மதுரைக்கு சம்பந்தமில்லாதவர்” என்ற கருத்துக்கு பதிலளித்த சுந்தர் சி, “தூத்துக்குடியில் நின்ற கனிமொழியே சென்னைக்காரர்.அவருக்கு ஒரு நியாயம் எனக்கு ஒரு நியாமா.?

யார் எங்கிருந்து வந்தாலும் நல்லது செய்யும் மனசு இருந்தால் போதும். நான் நல்லது செய்ய வந்திருக்கிறேன். மதுரைக்காரர்கள் எனக்கு பெரிய ஆதரவு கொடுப்பார்கள்” என்றார்.

மேலும், “நான் வெளியூர்க்காரன் என்ற வாதம் பழமையானது. உலகம் சுருங்கிவிட்டது. என் பூர்வீகம் பழனி, அம்மா பக்கம் திருச்சி, பிறப்பு ஈரோடு, வளர்ப்பு கோயம்புத்தூர், பொழப்பு சென்னை... இப்போது மதுரைதான் என் ஊர்.

இனி மாதத்தில் 15 நாட்கள் மதுரையில்தான் இருப்பேன். நானும் மதுரைக்காரன்தான்” என்று உறுதியாகக் கூறினார்.

திரைப்பட vs அரசியல் களம்:

திரைப்படத்தில் வெற்றி பெறுவோமா என்ற சந்தேகம் இருந்ததாகவும், ஆனால் அரசியல் களத்தில் அந்த சந்தேகம் இல்லை என்றும், மதுரை மக்கள் தன்னை வெற்றி பெறச் செய்வார்கள் என்றும் நம்பிக்கை தெரிவித்தார்.

கூட்டணிக் கட்சி நிர்வாகிகளிடையே அமோக ஒற்றுமை இருப்பதாகவும், “வெற்றி ஒன்றே குறிக்கோள்” என்று அனைவரும் ஒன்றுபட்டு பணியாற்றுவதாகவும் அவர் சொன்னார்.

சுந்தர் சி, “எடப்பாடியார் தலைமையில் ஆட்சி அமைய எனக்கு உறுதுணையாக இருக்க மதுரை மத்திய தொகுதி மக்களை அன்புடன் கேட்டுக்கொள்கிறேன்” என்று முடித்தார்.

வெற்றி முழக்கம்: “வெற்றி... வெற்றி... வெற்றி... இரட்டை இலைக்கே!”

இந்த பேட்டி மதுரை அரசியல் களத்தில் புதிய எதிர்பார்ப்பை ஏற்படுத்தியுள்ளது. சுந்தர் சி, அமைச்சர் பி.டி.ஆர். பழனிவேல் தியாகராஜனை (PTR) எதிர்த்து களமிறங்கியுள்ளார்.

Summary : Director Sundar C, contesting from Madurai Central on AIADMK symbol, said campaign has begun and will intensify from tomorrow. He expressed full confidence in victory, citing strong public welcome and support. He promised to address basic issues like roads, water, and sanitation to develop Madurai. He also clarified he now belongs to Madurai.