சத்யம் “செல்லமே” பாட்டுல பாத்தா மாதிரி..! – தன் தொழிலுக்கு தன்னையே மாடல் ஆக்கிய நயன்தாரா..!

நடிகை நயன்தாரா அழகு சாதன பொருட்களை விற்பனை செய்யும் புதிய தொழில் ஒன்றை தொடங்கி இருக்கிறார்.

இந்த தொழிலுக்கு 9 ஸ்கின் என்று பெயர் வைத்திருக்கிறார். இதற்காக தனி இணையதளத்தையும் ஆரம்பித்திருக்கும் நடிகை நயன்தாரா இந்த தொழிலில் முனைப்புடன் ஈடுபட தயாராகி வருகிறார் என்று தெரிகிறது.

ஏற்கனவே பாலிவுட் நடிகைகள் சிலர் இணைந்து இது போன்ற அழகு சாதன பொருட்களை தயாரிக்கும் நிறுவனத்தை தொடங்கியிருந்தனர்.

அந்த நிறுவனத்தின் விளம்பர நிகழ்ச்சிகளில் கலந்து கொண்டார் நடிகை நயன்தாரா. அப்போது கிடைத்த யோசனையின் அடிப்படையில் தற்போது தானும் புதிய அழகு சாதன பொருட்களை தயாரித்து விற்பனை செய்யும் நிறுவனம் ஒன்றை தொடங்கி இருக்கிறார்.

ஏற்கனவே நடிகை கீர்த்தி சுரேஷ் அழகு சாதன பொருட்களான லிப்ஸ்டிக், பேஸ் மாஸ்க், முகம் பொலிவு பெற செய்யும் எண்ணெய்கள் போன்றவற்றை தயாரித்து விற்பனை செய்து வருகிறார்.

அந்த வகையில் நடிகை நயன்தாராவும் தன்னை அதில் ஈடுபடுத்தி கொண்டிருக்கிறார். இந்நிலையில், இந்த தொழிலின் விளம்பர மாடலாக தன்னையே ஈடுபடுத்திக் கொண்டிருக்கிறார் நடிகை நயன்தாரா.

சத்யம் திரைப்படத்தில் செல்லமே செல்லமே என்ற பாடலில் நடிகை நயன்தாராவின் அழகு எப்படி இருந்ததோ அதே அழகுடன் தற்பொழுது போஸ் கொடுத்திருக்கும் புகைப்படங்கள் இணையத்தில் வைரலாகி வருகின்றது.

Follow @ Google News : செய்திகளை உடனுக்குடன் பெற்றிட கூகுள் செய்திகள் பக்கத்தில் தமிழகம் இணையதளத்தை  ஃபாலோ செய்யுங்கள்.