நடிகர் சிம்பு நடிப்பில் வெளியான “வாலு” திரைப்படத்தில் கவுன்சிலரின் மனைவியாக நடித்ததன் மூலம் பிரபலமானவர் நடிகை அர்ச்சனா ஹரிஷ். சமீபத்திய பேட்டி ஒன்றில், திரைப்படங்களில் விவகாரமான கதாபாத்திரங்களில் நடிக்க தனக்கு இருக்கும் விருப்பத்தை வெளிப்படுத்தி இருக்கிறார்.
குறிப்பாக, கஞ்சா விற்பவள் அல்லது அழுக்கான தோற்றம் கொண்ட பெண் போன்ற கதாபாத்திரங்களில் நடிக்க ஆசைப்படுவதாக அவர் கூறியுள்ளார்.
அர்ச்சனா ஹரிஷ் கூறியதாவது, “திரைப்படங்களில் கஞ்சா விற்கும் பெண் போன்ற கதாபாத்திரங்களில் நடிக்க எனக்கு ஆசை. அழுக்கான புடவை, வெற்றிலை போட்ட வாய், கையில் சுருட்டு என இப்படி ஒரு மோசமான பெண்ணாக நடிக்க நான் தயாராக இருக்கிறேன்.
குட்டையான முடி வைத்துக்கொண்டு ஆண் வேடத்தில் நடிக்கக்கூடிய கதாபாத்திரங்களிலும் நான் நடிக்க தயாராக இருக்கிறேன். அப்படி ஒரு வாய்ப்பு வந்தால் என்னுடைய நீளமான இந்த முடியை வெட்டிக் கொள்ளவும் நான் ரெடி” என்று கூறியுள்ளார்.
அர்ச்சனா ஹரிஷின் இந்த பேச்சு தற்போது இணையத்தில் வைரலாகி வருகிறது. பொதுவாக, நடிகைகள் தங்களுக்கு அழகான மற்றும் கவர்ச்சியான கதாபாத்திரங்களே வேண்டும் என்று விரும்புவார்கள்.
ஆனால், அர்ச்சனா ஹரிஷ் முற்றிலும் மாறுபட்ட, சவாலான கதாபாத்திரங்களில் நடிக்க விரும்புவதாக கூறியிருப்பது பலரையும் ஆச்சரியத்தில் ஆழ்த்தியுள்ளது.
அவரது இந்த வெளிப்படையான பேச்சுக்கு பலரும் ஆதரவு தெரிவித்து வருகின்றனர். நடிகைகள் இதுபோன்று வெவ்வேறு வகையான கதாபாத்திரங்களில் நடிக்க முன்வருவது வரவேற்கத்தக்கது என்று பலரும் கருத்து தெரிவித்துள்ளனர்.
அதே நேரத்தில், சிலர் இது போன்ற கதாபாத்திரங்களில் நடிப்பது அவரது இமேஜை பாதிக்கும் என்று கவலை தெரிவித்துள்ளனர்.
எது எப்படியோ, அர்ச்சனா ஹரிஷின் இந்த பேட்டி சினிமா வட்டாரத்தில் ஒரு பேசுபொருளாக மாறியுள்ளது. அவர் விரும்பும் கதாபாத்திரங்கள் அவருக்கு கிடைக்குமா என்பதை பொறுத்திருந்து பார்ப்போம்.
Loading ...- See Poll Result