இணையத்தில் எது எப்போது ட்ரெண்ட் ஆகும் என்பதை யாராலும் கணிக்க முடியாது. இணையவாசிகள் தங்களுக்குப் பிடித்த விஷயங்களை இயல்பாகவே ட்ரெண்ட் செய்துவிடுகின்றனர்.
சில ஆண்டுகளுக்கு முன் «கிருபை» பாடல் வைரலானது. தற்போது ஒடியா மொழி பாடல் «சீ சீ சீ ரே நானி சீ» இந்தியா முழுவதும் ட்ரெண்டிங்கில் உள்ளது.
பாடல் உருவான விதம்
«சீ சீ» பாடல் 1992 இல் உருவாக்கப்பட்டது. «பலிபுல்» என்ற நாட்டுப்புறப் பாடல் தொகுப்பில் இது இடம்பெற்றுள்ளது. மொத்தம் 8 பாடல்கள் கொண்ட இந்த தொகுப்பில், «சீ சீ» பாடலும் ஒன்று.
ஒடியா இசைக் கலைஞர் சத்ய நாராயணன் இதை எழுதி, இசையமைத்து, பாடியுள்ளார். ஒடிசாவின் மரபுகளை மக்களிடம் கொண்டு சேர்க்க வேண்டும் என்ற நோக்கத்துடன் அவர் இந்த ஆல்பத்தை உருவாக்கினார்.
காதல் தோல்வி பாடலான இதற்கு, இணையவாசிகள் முதலில் ட்ரோல் வீடியோக்களை உருவாக்கினர். ஆரம்பத்தில் கிண்டல் செய்தாலும், போகப் போக பாடல் பலரது மனதை கவர்ந்தது. பின்னர், அதனை பாசிட்டிவாக ட்ரெண்ட் செய்யத் தொடங்கினர்.
இணையவாசிகளின் பங்களிப்பு
தமிழில், இந்தப் பாடலுக்கு ஏற்ற பாடலைத் தேர்ந்தெடுத்து, அதனுடன் இணைத்து பகிர்ந்து வருகின்றனர். ஒடியா மொழியில் உள்ள «சீ சீ» பாடலின் தமிழ் அர்த்தத்தை கண்டுபிடித்து, பாடல் மெட்டுக்கு ஏற்றவாறு பாடி, அதையும் பதிவிட்டு வருகின்றனர்.
அதிர்ச்சி தகவல்
இவ்வளவு பிரபலமான பாடலை உருவாக்கியவர் குறித்த தகவல் இணையவாசிகளுக்கு அதிர்ச்சியை ஏற்படுத்தும் வகையில் உள்ளது.
யூடியூப் மற்றும் பாடல் உருவாக்கியவரின் மரணம்
சித்தார்த் சம்பல்பூரி என்ற யூடியூப் சேனலில் 6 ஆண்டுகளுக்கு முன் பதிவேற்றப்பட்டதன் மூலம், பாடல் பல லட்சம் மக்களைச் சென்றடைந்துள்ளது. இந்த ஆண்டு ஜனவரியில் இருந்து பாடல் ட்ரெண்ட் ஆகத் தொடங்கியது.
துரதிர்ஷ்டவசமாக, பாடலை உருவாக்கிய சத்ய நாராயணன் கடந்த 2012 ஜூன் 25 அன்று உடல்நலக் குறைவால் இறந்துவிட்டார். பாடல் வெளியாகி 33 ஆண்டுகள் கழித்தும், ஒரு தலைமுறை கடந்தும், அவரது இசை பலரது கவனத்தை ஈர்த்து, பாராட்டுகளைப் பெற்று வருகிறது. அவர் தனது இசையால் இன்னும் வாழ்ந்து கொண்டிருக்கிறார் என்று பாடலில் நடித்தவர் கூறுகிறார்.
«சீ சீ சீ ரே நானி» பாடல் இணையவாசிகளின் மனதை வென்றுள்ளது. சத்ய நாராயணன் மறைந்தாலும், அவரது இசை என்றும் நிலைத்திருக்கும்.
Loading ...- See Poll Result