"அவரு காப்பாத்திடுவருன்னு தான் இப்படி பண்ணேன்" - பிரியாணியால் நேர்ந்த விபரீதம்..! - பகீர் சம்பவம்..!


செங்கல்பட்டு மாவட்டம் மாமல்லபுரம் அருகே பூஞ்சேரியைச் சேர்ந்தவர்கள் மனோகரன் மற்றும் அவரது மனைவி செளமியா தம்பதி. இவர்கள், இருவரும் 13 ஆண்டுகளுக்கு முன் காதல் திருமணம் செய்து கொண்ட இந்த தம்பதிக்கு 11 வயதில் ஒரு மகளும், 9 வயதில் ஒரு மகனும் உள்ளனர்.

மனோகரன், மாமல்லபுரத்தில் சிற்பக் கலைக்கூடம் ஒன்றில் பணிபுரிகிறார். செளமியா நுாறு நாள் வேலைத் திட்டத்தில் பணிபுரிந்து வந்தார். வியாழக்கிழமை மதியம், மனைவியையும் குழந்தைகளையும் பைக்கில் அழைத்துச் சென்று வீட்டில் விட்டார்.

அப்போது, அவரது பக்கத்து வீட்டினர், மனோகரனிடம் 150 ரூபாய் கொடுத்து தங்களுக்குப் பிரியாணி வாங்கித் தந்து உதவும் படி கேட்டுள்ளனர் அதைக் கேட்ட செளமியாவும் பிரியாணி சாப்பிட்டு ரொம்ப நாள் ஆகிடுச்சி என்றும் தனக்கும் குழந்தைகளுக்கும் பிரியாணி வாங்கித் தரும்படியும் கணவரிடம் கேட்டுள்ளார்.

ஊரடங்கால் ஏற்கனவே வருமானம் இல்லாத நிலையில் தற்போது பிரியாணி வாங்கும் அளவுக்குப் பணமில்லை என்று கூறி விட்டு சென்ற மனோகரன் பக்கத்து வீட்டிற்கு மட்டும் பிரியாணி வாங்கிக் கொடுத்து விட்டார்.

பின்னர் வீட்டில் அமர்ந்து குழந்தைகளுடன் சாப்பிட்டார். அப்போது கணவன் - மனைவி இடையே சின்னச் சண்டை ஏற்பட்டுள்ளது. ஆத்திரத்தில் மனோகரன், செளமியாவைப் பார்த்து உன்னை எனக்குப் பிடிக்கவில்லை என்று கூறியுள்ளார்.
அதனால் தான் இப்படி அடிக்கடி சண்டை போட்டுகிட்டே இருக்க என்றும் கூறியுள்ளார்.

இதனால், கோபமடைந்த செளமியா, கணவரின் இருசக்கர வாகனத்தில் இருந்த பெட்ரோலை கேனில் பிடித்து மொட்டை மாடிக்கு சென்று அங்கு ஊற்றி தீக்குளித்தார்.

அலறல் சத்தம் கேட்டு மனோகரன் உள்ளிட்டவர்கள் அவரை மீட்டு செங்கல்பட்டு அரசு மருத்துவமனைக்கு கொண்டு சென்றனர். வழியில், உறவினர்கள் செளமியாவிடம் ஏன் இப்படி செய்தாய் எனக் கேட்க, "என்னை உனக்கு புடிக்கலன்னு அவரு சொன்னாரு. அதனால, விளையாட்டாக தான் இப்படி பண்ணேன்.

அவரு காப்பாத்திடுவாருன்னு நெனச்சிகிட்டு தான் இப்படி பண்ணேன் என்று அழுதபடி கூறியுள்ளார் செளமியா. மேலும், அவரையும், புள்ளைங்களையும் விட்டுப் பிரிஞ்சு போறது மிகவும் வேதனையாக இருப்பதாகவும் கூறியுள்ளார்.

80 சதவீத தீக்காயங்களுடன் அனுமதிக்கப்பட்ட செளமியா சிகி்ச்சை பலனின்றி வியாழக்கிழமை இரவே உயிரிழந்து விட்டார். மாமல்லபுரம் போலீசார் இயற்கைக்கு மாறான மரணம் என வழக்குப்பதிவு செய்து விசாரி்தது வருகின்றனர்.

"அவரு காப்பாத்திடுவருன்னு தான் இப்படி பண்ணேன்" - பிரியாணியால் நேர்ந்த விபரீதம்..! - பகீர் சம்பவம்..! "அவரு காப்பாத்திடுவருன்னு தான் இப்படி பண்ணேன்" - பிரியாணியால் நேர்ந்த விபரீதம்..! - பகீர் சம்பவம்..! Reviewed by Tamizhakam on June 27, 2020 Rating: 5
Powered by Blogger.