மத போதகர் ஜான் ஜெபராஜ் சமீப காலமாக பல்வேறு சர்ச்சைகளில் சிக்கி வருகிறார். அவர் மீது போக்சோ சட்டத்தின் கீழ் பாலியல் புகார் அளிக்கப்பட்டிருப்பது ஒருபுறம் இருக்க, இந்த புகார் பின்னணியில் பல திடுக்கிடும் தகவல்கள் இணையத்தில் பரவி வருகின்றன.
ஒரு தரப்பினர் ஜான் ஜெபராஜ் தவறு செய்திருப்பதாக உறுதியாக நம்புகின்றனர். அதே நேரத்தில், மற்றொரு தரப்பினர் ஜான் ஜெபராஜ் தனது மனைவியால் திட்டமிட்டு சிக்க வைக்கப்பட்டதாக கூறுகின்றனர்.
ஜான் ஜெபராஜ் மீது அவரது மனைவிக்கு இருக்கும் தனிப்பட்ட விரோதம் காரணமாக, தனது உறவினர்களான இரண்டு சிறுமிகளை வைத்து பொய்யான புகார் அளிக்க தூண்டியதாகவும் அவர்கள் குற்றம் சாட்டுகின்றனர். இந்த விவகாரத்தில் நீதிமன்றமும் நீதித்துறையும் என்ன முடிவெடுக்கப் போகிறது என்பதை பொறுத்திருந்து தான் பார்க்க வேண்டும்.
இந்நிலையில், ஜான் ஜெபராஜ் செய்த சில "லீலைகளை" அவரது மனைவி வீடியோ பதிவு செய்து வைத்திருப்பதாகவும், அந்த வீடியோக்கள் வெளியாகும் பட்சத்தில் ஜான் ஜெபராஜின் உண்மை முகம் வெளிச்சத்துக்கு வரும் என்றும் சமூக வலைத்தளங்களில் தகவல்கள் பரவி வருகின்றன.
சில மங்கலான வீடியோ காட்சிகளும் இணையத்தில் உலா வருகின்றன. ஆனால், அதில் இருப்பது ஜான் ஜெபராஜ் தானா என்பதை உறுதியாக கூற முடியவில்லை.
இந்த விவகாரம் இத்துடன் முடிவடைவதில்லை. ஜான் ஜெபராஜ் தனது மனைவி மட்டுமின்றி, சக பாதிரியார்களாலும் பழிவாங்கப்படுவதாக ஒரு தகவல் பரவலாக பேசப்படுகிறது. சில பாதிரியார்கள் செய்த தவறுகளை ஜான் ஜெபராஜ் அறிந்திருந்ததாகவும், ஆனால் அவர் அவற்றை வெளியில் சொல்லவில்லை என்றும் கூறப்படுகிறது.
இதற்கிடையில், ஜான் ஜெபராஜுக்கும் மற்ற பாதிரியார்களுக்கும் இடையே உள்ள சிலர், ஜான் ஜெபராஜ் அந்த ரகசியங்களை வெளியிட்டுவிட்டார் என்றும், இதன் காரணமாக பல பாதிரியார்களுக்கு சிக்கல் வரப்போகிறது என்றும் வதந்திகளை பரப்பி விட்டதாக சொல்லப்படுகிறது.
இதனை நம்பிய சில பாதிரியார்கள், ஜான் ஜெபராஜை பழிவாங்கும் நோக்கத்தில் அவரது மனைவி மூலம் இந்த வழக்கை தொடுத்து அவருக்கு நெருக்கடி கொடுத்திருப்பதாகவும் மாறுபட்ட தகவல்கள் இணையத்தில் வைரலாகி வருகின்றன.
இந்த விவகாரம் நாளுக்கு நாள் சூடு பிடித்துக் கொண்டிருக்கிறது. உண்மை என்னவென்று தெரியாமல் பலரும் தங்களது கருத்துக்களை சமூக வலைத்தளங்களில் பதிவிட்டு வருகின்றனர்.
இந்நிலையில், தலைமறைவாக இருந்து வந்த ஜான் ஜெபராஜ் சமீபத்தில் காவல்துறையினரால் கைது செய்யப்பட்டிருப்பது குறிப்பிடத்தக்கது. இந்த கைது சம்பவம் மேலும் பல கேள்விகளையும் சந்தேகங்களையும் எழுப்பியுள்ளது. இனி வரும் நாட்களில் இந்த விவகாரம் எந்த மாதிரியான திருப்பங்களை சந்திக்கப் போகிறது என்பதை பொறுத்திருந்து பார்ப்போம்.