தமிழ் சினிமாவின் மறக்க முடியாத நடிகரும், அரசியல்வாதியுமான கேப்டன் விஜயகாந்த், தனது பெற்றோரின் பெயரில் ஆரம்பித்த ஆண்டாள் அழகர் பொறியியல் கல்லூரி, சமீபத்தில் 50 கோடி ரூபாய்க்கு விற்கப்பட்டதாக செய்திகள் குறித்து பிரபல நடிகர் பயில்வான் ரங்கநாதன் அவர்கள் Metro Mail யூட்யூப் சேனலில் சில தகவல்களை வெளியிட்டுள்ளார்.
இந்த விவகாரம், அவரது குடும்பத்தின் நிதி நிலை மற்றும் அவரது அரசியல், சினிமா மரபு குறித்து பல விவாதங்களை தூண்டியுள்ளது. கேப்டனின் மனைவி பிரேமலதா விஜயகாந்த் மற்றும் அவரது குடும்பத்தினர் இந்த முடிவை எடுத்ததற்கு பின்னால் உள்ள காரணங்கள் குறித்து, பலரும் கேள்வி எழுப்பி வருகின்றனர்.
விஜயகாந்த், தனது ரசிகர்கள் மற்றும் சுற்றத்தாரின் குழந்தைகள் தரமான கல்வி பெற வேண்டும் என்ற நோக்கத்தில், ஆண்டாள் அழகர் கல்லூரியை ஆரம்பித்தார். ஆரம்பத்தில், இந்த கல்லூரி சுதீஷ் நிர்வாகத்தின் கீழ் இயங்கியது, ஆனால் சரியான நிர்வாகமின்மையால் பல சவால்களை எதிர்கொண்டது.
சிலர், இந்த கல்லூரி செயல்படுவதை தடுக்க முயற்சித்ததாகவும், இதனால் கல்லூரி நிர்வாகம் தொடர்ந்து நஷ்டத்தில் இயங்கியதாகவும் கூறப்படுகிறது. இதன் விளைவாக, 50 கோடி ரூபாய் கடனை சமாளிக்க முடியாமல், கல்லூரி தனலட்சுமி பொறியியல் கல்லூரி குழுமத்திற்கு விற்கப்பட்டது.
இந்த விற்பனை, விஜயகாந்தின் குடும்பத்திற்கு எந்தவித லாபமும் இல்லை என்றும், மாறாக கடனை அடைப்பதற்காகவே இந்த முடிவு எடுக்கப்பட்டதாகவும் கூறப்படுகிறது.
விஜயகாந்த் பல இடங்களில் சொத்து வாங்கி போட்டிருக்கிறார். விஜயகாந்த் குடும்பம் வறுமையில் இருக்கிறது என்பது பொய். கல்லூரி என்பது தற்போது வணிக மையமாகி விட்டது. வணிகம் என்றால் லாபம் வரவேண்டும்.
அதை விட்டு எப்போது பார்த்தாலும் பிரச்சனை, நிர்வாகத்தில் சிக்கல், நஷ்டம் என்று இப்படியே தொடர்ந்து இருந்தால் அதை விட்டு தள்ளவே முடிவு செய்வார்கள். அதன் அடிப்படையில் தான் கல்லூரியை விற்று விட்டார்களே தவிர வறுமை காரணம் என்பது காரணமல்ல என்று கூறுகிறார் பயில்வான் ரங்கநாதன்.
ஆனால், விஜயகாந்தின் குடும்பத்திற்கு 1000 கோடி மதிப்புள்ள சொத்துக்கள் பல இடங்களில் உள்ளன பத்து தலைமுறைக்கு உக்காந்து சாப்பிடும் அளவுக்கு சொத்து சேர்த்து வைத்துள்ளார் என்று அந்த சேனலில் தகவல்கள் இடம் பெற்றுள்ளன. மேலும், பல பகுதிகளில் நிலங்கள் வாங்கப்பட்டுள்ளன என்றும் வதந்திகள் பரவுகின்றன.
இந்த சொத்துகள், விஜயகாந்தின் மனைவி பிரேமலதா மூலமாகவே வாங்கப்பட்டதாகவும், அவரது புத்திசாலித்தனமான முடிவுகளால் குடும்பம் நிதி ரீதியாக பலமாக உள்ளதாகவும் கூறப்படுகிறது.
இருப்பினும், இந்த சொத்து வாங்குதல் இப்ராஹிம் ராவுத்தர் உயிருடன் இருந்த காலத்தில் நடக்கவில்லை என்றும், பிரேமலதா குடும்பத்திற்கு தலைமை ஏற்ற பிறகே இவை நடந்ததாகவும் தகவல்கள் தெரிவிக்கின்றன. விஜயகாந்தின் மகன் விஜய பிரபாகரன், சினிமாவில் நடிக்க முயற்சித்தாலும், அவரது படங்களுக்கு எதிர்பார்த்த வரவேற்பு கிடைக்கவில்லை.
கேப்டனின் கடைசி காலத்தில், சினிமா துறையைச் சேர்ந்தவர்கள் அவரை பார்க்க அனுமதிக்கப்படவில்லை என்றும், இது அவரது உடல் நிலை மற்றும் உணர்ச்சி பாதிப்பை கருத்தில் கொண்டு எடுக்கப்பட்ட முடிவாக இருக்கலாம் என்றும் கூறப்படுகிறது.
விஜயகாந்த், எம்ஜிஆர் மற்றும் கருணாநிதியின் தீவிர ஆதரவாளராக இருந்தவர். எம்ஜிஆரின் ரசிகராக இருந்து, பின்னர் கருணாநிதியை முதலமைச்சராக்க பாடுபட்டவர். கருணாநிதியே அவருக்கு திருமணம் செய்து வைத்தார், மேலும் அவரது பெருந்தன்மையான பண்பு, சினிமா மற்றும் அரசியல் துறைகளில் அவரை தனித்துவமாக்கியது.
விஜயகாந்தின் மறைவுக்குப் பிறகு, அவரது கட்சியான தேமுதிக மற்றும் ஆண்டாள் அழகர் கல்லூரியின் நிலை குறித்து பல விமர்சனங்கள் எழுந்துள்ளன. கட்சி முழுக்க குடும்பத்தினரால் நிர்வகிக்கப்படுவதாகவும், தொண்டர்களுக்கு முன்பு இருந்த முக்கியத்துவம் தற்போது இல்லை என்றும் கூறப்படுகிறது.
விஜயகாந்தின் பெருந்தன்மையும், பொதுமக்களுடனான நெருக்கமும் இப்போது குறைந்துவிட்டதாக ரசிகர்கள் வருத்தம் தெரிவிக்கின்றனர். இந்த விவகாரங்கள், 2026 சட்டமன்றத் தேர்தலுக்கு முன் தேமுதிகவின் எதிர்காலத்தை கேள்விக்கு உட்படுத்தியுள்ளன என பேசியுள்ளார் பயில்வான் ரங்கநாதன்.