இந்தியா-பாகிஸ்தான் இடையே நிலவும் பதற்றமான சூழல் காரணமாக, அமிர்தசரஸ் மாவட்ட பொது தொடர்பு அலுவலகம் (DPRO) வெள்ளிக்கிழமை அதிகாலை முக்கிய அறிவிப்பு ஒன்றை வெளியிட்டது.
இதில், மக்கள் அனைவரும் வீட்டிற்குள் இருக்கவும், ஜன்னல்களை மூடி, விளக்குகளை அணைத்து, திரைகளை இழுத்து வைக்கவும் அறிவுறுத்தப்பட்டுள்ளனர்.
.jpg)
“பீதி அடைய வேண்டாம். இப்போது சைரன் ஒலிக்கும், சூழல் தெளிவானவுடன் மீண்டும் தகவல் தரப்படும். நமது பாதுகாப்பு படைகள் தீவிரமாக செயல்பட்டு வருகின்றன. மக்கள் வீட்டிற்குள் இருந்து அவர்களுக்கு ஒத்துழைப்பு தர வேண்டும்,” என்று அறிவிப்பில் குறிப்பிடப்பட்டுள்ளது.
இதேவேளையில், ஜம்மு காஷ்மீரின் பூஞ்ச் மற்றும் ராஜோரி மாவட்டங்களில் கட்டுப்பாட்டு கோடு (LoC) அருகே வெள்ளிக்கிழமை அதிகாலை சைரன்கள் ஒலித்தன, வெடிப்பு சத்தங்கள் கேட்டன.
இதனால், ஜம்மு பகுதி முழுவதும் முழுமையான மின்தடை அமல்படுத்தப்பட்டுள்ளது. இந்த நிகழ்வுகள் பிராந்தியத்தில் பதற்றத்தை மேலும் அதிகரித்துள்ளன. மேலும் விவரங்களுக்காக செய்தி நிறுவனமான ANI அறிக்கை குறிப்பிடப்பட்டுள்ளது.
மறுபுறம், எல்லைப் பாதுகாப்பு படை (BSF) வியாழக்கிழமை இரவு 11:00 மணியளவில் சம்பா மாவட்டத்தில் உள்ள சர்வதேச எல்லையில் பெரிய அளவிலான ஊடுருவல் முயற்சியை முறியடித்துள்ளது.
.jpg)
இது குறித்து BSF ஜம்மு தனது X பதிவில், “2025 மே 8 அன்று இரவு 2300 மணியளவில், ஜம்மு காஷ்மீரின் சம்பா மாவட்டத்தில் சர்வதேச எல்லையில் பெரிய ஊடுருவல் முயற்சியை BSF முறியடித்தது,” எனத் தெரிவித்துள்ளது.
இந்த நிகழ்வுகள், ஏப்ரல் 22, 2025 அன்று பாகல்காம் தாக்குதலுக்கு பதிலடியாக இந்திய பாதுகாப்பு படைகள் ‘ஆபரேஷன் சிந்தூர்’ மூலம் பாகிஸ்தானில் உள்ள பயங்கரவாத முகாம்களை தாக்கியதைத் தொடர்ந்து நிகழ்ந்தவை. இந்தத் தாக்குதலில் 26 பேர் கொல்லப்பட்டனர்.
பாகிஸ்தான், கட்டுப்பாட்டு கோட்டில் தொடர்ந்து மீறல்களை மேற்கொண்டு, பூஞ்ச், ராஜோரி உள்ளிட்ட பகுதிகளில் கனரக பீரங்கி தாக்குதல்களை நடத்தி வருகிறது. இதில் 16 பேர் உயிரிழந்தனர், 59 பேர் காயமடைந்தனர்.
.jpg)
இந்தப் பதற்றமான சூழலில், அமிர்தசரஸ் மற்றும் ஜம்முவில் மின்தடை, பள்ளிகள் மூடல், விமான நிலையங்களில் பயணக் கட்டுப்பாடுகள் உள்ளிட்ட பாதுகாப்பு நடவடிக்கைகள் தீவிரப்படுத்தப்பட்டுள்ளன.
மக்கள் அமைதி காக்கவும், பாதுகாப்பு படைகளுக்கு ஒத்துழைப்பு தரவும் அதிகாரிகள் கோரிக்கை விடுத்துள்ளனர். இந்திய பாதுகாப்பு படைகள், எந்தவொரு ஆத்திரமூட்டலுக்கும் உறுதியான பதிலடி கொடுக்க தயாராக உள்ளன.
உச்சகட்டமாக, குட்டி அரக்கன் என்று அழைக்கப்படும் ஹர்பி ட்ரோன்களை பயன்படுத்தவும் தயாராக உள்ளது இந்திய ராணுவம். ஹர்பி ட்ரோன்கள் 200 கிலோமீட்டர் வரை இடை நில்லாமல் பாய்ந்து ரேடாரில் சிக்காமல் இலக்கை துல்லியமாக தாக்கும் திறன் பெற்றவை 35 கிலோ வெடி பொருட்களை தாங்கி செல்லும் இந்த வகை ட்ரோன்கள் தாக்கினால் மிகப்பெரிய சேதம் ஏற்படும் என்பது குறிப்பிடத்தக்கது.