கோயம்புத்தூரைச் சேர்ந்த இளம் பெண்ணான வைஷ்ணவி, தமிழக வெற்றிக் கழகம் (தவெக) கட்சி தொடங்கப்பட்டதிலிருந்து, நடிகர் விஜய்க்கும், அவரது கட்சிக்கும் ஆதரவாக சமூக வலைதளங்களில் தீவிரமாக கருத்துகளைப் பதிவிட்டு வந்தவர்.
ஆனால், சமீபத்தில் அவர் தவெகவில் இருந்து விலகி, முன்னாள் அமைச்சர் செந்தில் பாலாஜி முன்னிலையில் திராவிட முன்னேற்றக் கழகத்தில் (திமுக) இணைந்தார்.
இந்த முடிவு இணையத்தில் பெரும் சர்ச்சையை கிளப்பியுள்ளது. வைஷ்ணவியின் இந்த நடவடிக்கையை ரசிகர்கள் மற்றும் நெட்டிசன்கள் கடுமையாக விமர்சித்து வருகின்றனர்.
இதனை மையமாக வைத்து, 2026 சட்டமன்றத் தேரலை நோக்கிய அரசியல் காய்நகர்த்தல்கள் குறித்து பல்வேறு விவாதங்கள் எழுந்துள்ளன.
வைஷ்ணவியின் தவெக பயணம் மற்றும் விலகல்
கோவை கவுண்டம்பாளையத்தைச் சேர்ந்த வைஷ்ணவி, தவெகவில் ஒரு வருடத்திற்கும் மேலாக பணியாற்றி வந்தார். இளைஞர்களுக்கு முன்னுரிமை அளிக்கும் கட்சியாக தவெக இருக்கும் என நம்பி, பல இளைஞர்களும் இளம்பெண்களும் இணைந்ததாக அவர் குறிப்பிட்டார்.
ஆனால், கட்சியில் தனது பங்களிப்பு மதிக்கப்படவில்லை என்றும், தொடர்ந்து நிராகரிக்கப்பட்டதால் மன உளைச்சலுக்கு ஆளானதாகவும் அவர் தனது விலகல் அறிக்கையில் தெரிவித்தார். “தவெக இன்னொரு பாஜக” என்று கடுமையாக விமர்சித்த அவர், தனது மக்கள் பணியை திமுகவின் வழியில் தொடர்வதாக அறிவித்தார்.
வைஷ்ணவியின் இந்த முடிவு, விஜய்யின் ரசிகர்கள் மத்தியில் பெரும் அதிர்ச்சியையும் கோபத்தையும் ஏற்படுத்தியது. “விஜய் ரசிகர்களால் பிரபலமானவர், இப்போது திமுகவிற்கு தாவிவிட்டார்” என்று பலர் விமர்சித்தனர்.
சமூக வலைதளங்களில், “நீங்கள் ஆரம்பத்தில் இருந்தே திமுகவை ஆதரித்திருந்தால், இவ்வளவு விமர்சனங்கள் வந்திருக்காது” என்று ரசிகர்கள் கேள்வி எழுப்பினர்.
விஜய்யுடன் தொலைபேசி உரையாடல்
வைஷ்ணவி ஒரு பேட்டியில், அண்ணா பல்கலைக்கழகத்தில் நடந்த பாலியல் தொல்லை விவகாரம் தொடர்பாக தான் வெளியிட்ட வீடியோவை பார்த்து, நடிகர் விஜய் தன்னை தொலைபேசியில் தொடர்பு கொண்டதாக கூறினார்.
“நல்லா பேசுறீங்கமா.. உங்களுடைய உழைப்பு கட்சிக்கு தேவை. உங்களுக்கு உரிய அங்கீகாரம் கிடைக்கும். தொடர்ந்து பணியாற்றுங்கள்,” என்று விஜய் ஊக்கப்படுத்தியதாகவும், ஆனால் அதற்கு பிறகு கட்சியில் தனக்கு உரிய அங்கீகாரம் கிடைக்கவில்லை என்றும் அவர் தெரிவித்தார்.
இது அவரது திமுக இணைப்புக்கு முக்கிய காரணமாக இருந்ததாக கூறப்படுகிறது.
திமுகவில் இணைப்பு: அரசியல் காய்நகர்த்தலா?
வைஷ்ணவியின் திமுக இணைப்பு, 2026 சட்டமன்றத் தேரலை முன்னிட்டு அரசியல் களத்தில் பரபரப்பை ஏற்படுத்தியுள்ளது. முன்னாள் அமைச்சர் செந்தில் பாலாஜி முன்னிலையில், கோவை மாவட்ட தவெக நிர்வாகியாக இருந்த வைஷ்ணவி உள்ளிட்ட 20-க்கும் மேற்பட்ட இளைஞர்கள் திமுகவில் இணைந்தனர்.
இதனைத் தொடர்ந்து, எதிர்க்கட்சியினர், “வைஷ்ணவியின் தாய் காலம் காலமாக திமுகவில் முக்கிய பொறுப்பில் இருப்பவர். செந்தில் பாலாஜிக்கு நெருக்கமானவராக இருக்கும் அவரது தாயின் திட்டமிடலுடன், தவெகவிற்கு அவப்பெயர் ஏற்படுத்துவதற்காக வைஷ்ணவி பயன்படுத்தப்பட்டார்,” என்று குற்றம்சாட்டி வருகின்றனர்.
மேலும், வைஷ்ணவியின் இந்த நடவடிக்கையை, நடிகர் கமலஹாசனின் மக்கள் நீதி மய்யம் (மநீம) கட்சியில் பிரபலமாகி, பின்னர் திமுகவில் இணைந்த பத்மப்ரியாவின் செயல்பாடுகளுடன் ஒப்பிடுகின்றனர்.
2021-ல் கமலஹாசன் தனிக்கட்சி தொடங்கி திமுக கூட்டணிக்கு எதிரான வாக்குகளை பிரித்தார். அது போல, 2026-ல் விஜய்யை பயன்படுத்தி திமுகவிற்கு எதிரான வாக்குகளை பிரிக்க போகிறார்கள்கள் என்று பலரும் சந்தேகம் எழுப்புகின்றனர்.
தவெகவை “பாஜகவின் மற்றொரு வடிவம்” என விமர்சனம்
வைஷ்ணவி, தவெகவை “பாஜகவின் மற்றொரு வடிவம்” என்று விமர்சித்தது, அரசியல் வட்டாரங்களில் பெரும் பரபரப்பை ஏற்படுத்தியது. “தவெகவில் இளைஞர்களுக்கு முன்னுரிமை அளிக்கப்படவில்லை. அதிருப்தியே மிச்சம்,” என்று அவர் கூறியது, தவெகவின் உட்கட்சி அமைப்பு மற்றும் நிர்வாகத்தின் மீது கேள்விகளை எழுப்பியுள்ளது.
இதற்கு பதிலளிக்கும் வகையில், தவெகவின் ஆதரவாளர்கள், “வைஷ்ணவி தனிப்பட்ட அதிருப்தியால் இப்படி பேசுகிறார். தவெகவின் கொள்கைகளும், விஜய்யின் மக்கள் பணியும் தொடர்ந்து மக்களை சென்றடையும்,” என்று பதிலடி கொடுத்தனர்.
2026 தேரல்: அரசியல் களத்தில் புதிய திருப்பம்?
வைஷ்ணவியின் திமுக இணைப்பு, 2026 சட்டமன்றத் தேரலை நோக்கிய அரசியல் களத்தில் புதிய விவாதங்களை தூண்டியுள்ளது.
சிலர், வைஷ்ணவியை விஜய் போட்டியிடவுள்ள தொகுதியில் திமுக களமிறக்க திட்டமிடுவதாகவும், அவரது சமூக வலைதள பிரபலத்தை பயன்படுத்தி விஜய்யை எதிர்கொள்ள முயற்சிக்கலாம் என்றும் கருதுகின்றனர்.
தவெக, திமுக, அதிமுக, நாம் தமிழர் கட்சி என நான்கு முனைப் போட்டி எதிர்பார்க்கப்படும் இந்தத் தேரலில், வைஷ்ணவியின் இந்த முடிவு அரசியல் களத்தை மேலும் சூடுபிடிக்க வைத்துள்ளது.
சாமானிய நெட்டிசன்களின் கருத்து
சமூக வலைதளங்களில், “2026 தேர்தலுக்கு இன்னும் எத்தனை கூத்துகள் பார்க்க வேண்டியிருக்கிறது?” என்று சாமானிய நெட்டிசன்கள் உச்சக் கொட்டி வருகின்றனர்.
“வைஷ்ணவியின் விலகல், தவெகவிற்கு பின்னடைவாக இருக்கலாம். ஆனால், விஜய்யின் மக்கள் செல்வாக்கு இன்னும் வலுவாக உள்ளது,” என்று ஒரு தரப்பு கருதுகிறது. மறுபுறம், “இது திமுகவின் திட்டமிட்ட அரசியல் நாடகம். வைஷ்ணவியை வைத்து தவெகவை பலவீனப்படுத்த முயற்சிக்கின்றனர்,” என்று மற்றொரு தரப்பு விமர்சிக்கிறது.
வைஷ்ணவியின் தவெகவில் இருந்து திமுகவிற்கு மாறியது, தமிழக அரசியல் களத்தில் புதிய விவாதங்களை உருவாக்கியுள்ளது. இது தனிப்பட்ட அதிருப்தியா, அல்லது திட்டமிட்ட அரசியல் காய்நகர்த்தலா என்பது தெளிவாகவில்லை.
ஆனால், 2026 சட்டமன்றத் தேரலுக்கு முன்னோட்டமாக, இந்த சம்பவம் தவெகவின் உட்கட்சி அமைப்பு மற்றும் திமுகவின் அரசியல் உத்திகள் குறித்து முக்கிய கேள்விகளை எழுப்பியுள்ளது.
விஜய்யின் அரசியல் பயணமும், தவெகவின் எதிர்காலமும் இனி எந்த திசையில் செல்லும் என்பதை பொறுத்திருந்து பார்க்க வேண்டும்.
.png)
