தமிழ் சினிமாவின் சூப்பர் ஸ்டாரான ரஜினிகாந்த் நடிப்பில், இயக்குநர் லோகேஷ் கனகராஜ் இயக்கத்தில் உருவாகி வரும் கூலி திரைப்படம் மிகுந்த எதிர்பார்ப்பை ஏற்படுத்தியுள்ளது.
இப்படத்தில் நாகர்ஜுனா, உபேந்திரா, ஸ்ருதி ஹாசன், சத்யராஜ், சவுபின் ஷாகிர், ரெபா மோனிகா ஜான், ஆமிர் கான் (கௌரவ தோற்றம்) உள்ளிட்ட பல முன்னணி நடிகர்கள் நடிக்கின்றனர்.
சன் பிக்சர்ஸ் தயாரிப்பில், அனிருத் ரவிச்சந்தர் இசையமைப்பில், ஆகஸ்ட் 14, 2025 அன்று திரையரங்குகளில் வெளியாகவுள்ள இப்படம், தங்கக் கடத்தல் மாஃபியாவை மையமாகக் கொண்ட அதிரடி த்ரில்லராக உருவாகியுள்ளது.
இந்நிலையில், கூலி படத்தின் இரண்டாவது பாடலான “மோனிகா… லவ் யூ மோனிகா” என்ற பாடல் ஜூலை 11, 2025 அன்று மாலை 6 மணிக்கு வெளியானது. இந்தப் பாடலில் நடிகை பூஜா ஹெக்டே சிறப்பு தோற்றத்தில் (ஐட்டம் டான்ஸ்) நடனமாடியுள்ளார்.
சிகப்பு நிற உடையில், தனது கவர்ச்சியான தோற்றத்துடன், தொடை அழகு தெரியும் வகையில் பூஜா அசத்தலான நடனத்தை வெளிப்படுத்தியுள்ளார். இந்தப் பாடல், அனிருத் ரவிச்சந்தரின் இசையில், விஷ்ணு இடவன் எழுதிய வரிகளுடன், சாண்டி மாஸ்டரின் நடன அமைப்பில், விசாகப்பட்டினம் துறைமுகப் பகுதியில் படமாக்கப்பட்டுள்ளது.
பாடலில் சவுபின் ஷாகிர் மற்றும் ரிஷிகாந்த் ஆகியோரும் பூஜாவுடன் இணைந்து நடனமாடியுள்ளனர்.இந்தப் பாடலின் ப்ரோமோ ஜூலை 9, 2025 அன்று வெளியானபோது, ரசிகர்கள் மத்தியில் பெரும் எதிர்பார்ப்பை ஏற்படுத்தியது.
முழு பாடல் வெளியான பிறகு, பூஜா ஹெக்டேவின் கிளாமரான தோற்றமும், பாடலின் துள்ளலான இசையும் இணையத்தில் வைரலாகி, ரசிகர்களிடையே பரவலாகப் பேசப்பட்டு வருகிறது. சமூக வலைதளங்களில், “பூஜாவின் சிகப்பு உடையில் அசத்தல் நடனம்,” “மோனிகா பாடல் காவாலாவை மிஞ்சும்,” என்று ரசிகர்கள் புகழ்ந்து வருகின்றனர்.
ஆனால், லோகேஷ் கனகராஜ் இதற்கு முன் தனது படங்களில் ஐட்டம் பாடல்களை தவிர்த்தவர் என்பதால், இந்த முடிவு சில ரசிகர்களிடையே விமர்சனத்தையும் எழுப்பியுள்ளது. பூஜா ஹெக்டே, ரங்கஸ்தலம் மற்றும் F3 படங்களில் நடனமாடிய சிறப்பு பாடல்களுக்கு பிறகு, கூலி படத்தில் மீண்டும் தனது நடனத் திறமையால் கவனம் ஈர்த்துள்ளார்.
இந்தப் பாடல், ஜெயிலர் படத்தின் “காவாலா” பாடலைப் போலவே மாபெரும் வெற்றி பெறும் என எதிர்பார்க்கப்படுகிறது. கூலி படத்தின் முதல் பாடலான “சிக்கிடு” ஏற்கனவே வெளியாகி, சராசரி வரவேற்பை பெற்ற நிலையில், “மோனிகா” பாடல் படத்தின் எதிர்பார்ப்பை மேலும் உயர்த்தியுள்ளது.
Summary in English: The highly anticipated Tamil film Coolie, starring Rajinikanth and directed by Lokesh Kanagaraj, features a stellar cast including Nagarjuna, Upendra, Shruti Haasan, Sathyaraj, Soubin Shahir, and a cameo by Aamir Khan.
