பிரபல தொலைக்காட்சி சீரியலான கெட்டி மேளம், தமிழக ரசிகர்களிடையே பெரும் வரவேற்பைப் பெற்று வருகிறது.
திங்கள் முதல் வெள்ளி வரை மாலை 6:30 மணிக்கு ஒளிபரப்பாகும் இந்த சீரியல், குடும்பத்தில் நடக்கும் உணர்வுப்பூர்வமான நிகழ்வுகளை யதார்த்தமாக எடுத்துரைப்பதால் பார்வையாளர்களைக் கவர்ந்துள்ளது.
சமீபத்தில் வெளியான ப்ரொமோ காட்சி, கதையில் புதிய திருப்பங்களை உருவாக்கி, ரசிகர்களிடையே பரபரப்பை ஏற்படுத்தியுள்ளது.சீரியலின் தற்போதைய கதைக்களத்தில், சிவராமன் மற்றும் அவரது குடும்பத்தினரைச் சுற்றி முக்கிய நிகழ்வுகள் அரங்கேறுகின்றன.
அஞ்சலி, தனது கணவரின் சைக்கோத்தனமான நடவடிக்கைகளை அறிந்து, அவருக்கு எதிராக பழிவாங்கும் முயற்சியில் ஈடுபட்டுள்ளார். இதற்கிடையில், சிவராமனின் இரண்டாவது மகன், தனது மனைவியின் நகையை கவரிங் நகையாக மாற்றி குடும்பத்தினரை ஏமாற்றியுள்ளார்.
இந்த உண்மையை துளசி கண்டுபிடித்து, வீட்டில் வெளிப்படுத்தியதால் பெரும் புயல் கிளம்பியது. இதனால், குடும்பத்தில் பிளவு ஏற்பட்டு, இரண்டு மகன்களும் நடுவே கோடு போட்டு வாழும் நிலை உருவாகியது.
உச்ச கட்டமாக, யார் அம்மா, அப்பாவை பார்த்து கொள்வது என இரண்டு சகோதரர்களுக்கும் இடையே சண்டை ஏற்படவே, அதை தீர்த்து வைக்க, இரண்டு சீட்டுகளில் அம்மா, அப்பா என எழுதி அதை குலுக்கி போட்டு யார் யாரை கவனித்துக்கொள்ள வேண்டும் என்ற முடிவுக்கு வரலாம் என மனிததன்மையற்ற ஒரு செயலை செய்கின்றனர்.
இந்த சம்பவம் சிவராமனை மிகவும் பாதித்தது. மகனின் தவறான செயலைப் பார்த்து, அவர் தனது மனைவி லட்சுமியையும், தான் பெற்றெடுக்காத மகனையும் அழைத்துக்கொண்டு வீட்டை விட்டு வெளியேறியுள்ளார்.
இந்த திடீர் முடிவு குடும்பத்தில் பெரும் அதிர்ச்சியை ஏற்படுத்தியது. தாய்-தந்தையை காணாமல், அஞ்சலியும் துளசியும் காவல் நிலையத்தில் புகார் அளித்துள்ளனர். இந்த நிகழ்வு, குடும்ப உறவுகளில் ஏற்படும் நம்பிக்கையின்மை மற்றும் மோதல்களை எடுத்துக்காட்டுகிறது.
கெட்டி மேளம் சீரியல், குடும்ப மதிப்புகள், நம்பிக்கை, மற்றும் மன உளைச்சலை மையமாகக் கொண்டு, பார்வையாளர்களை தொடர்ந்து கவர்ந்து வருகிறது. இந்த புதிய திருப்பம், கதையின் அடுத்த கட்டத்தை ஆவலுடன் எதிர்பார்க்க வைத்துள்ளது.
Summary : In Getti Melam serial, Sivaraman leaves home with wife Lakshmi due to family disputes caused by his second son's deceit, swapping real jewelry with fake. Tulasi exposes this, leading to a family split. Anjali and Tulasi file a police complaint, escalating the drama.
