தமிழ் தொலைக்காட்சி உலகில் மாபெரும் வரவேற்பைப் பெற்ற ரியாலிட்டி நிகழ்ச்சியான பிக்பாஸ் தமிழ், தனது ஒன்பதாவது சீசனை ஆரம்பிக்க உள்ளது. கடந்த எட்டு சீசன்களை வெற்றிகரமாக நிறைவு செய்த இந்நிகழ்ச்சி, பிரபலங்களின் திறமை, விறுவிறுப்பான டாஸ்க்குகள் மற்றும் தனித்துவமான கருப்பொருளால் உலகளவில் புகழ் பெற்றுள்ளது.
இந்த ஆண்டு, மக்கள் செல்வன் விஜய் சேதுபதி மீண்டும் தொகுப்பாளராக இணைந்து, ரசிகர்களுக்கு மறக்க முடியாத அனுபவத்தை வழங்க உள்ளார்.பிக்பாஸ் தமிழ் 2017இல் விஜய் தொலைக்காட்சியில் தொடங்கி, நெதர்லாந்தின் பிக் பிரதர் நிகழ்ச்சியை அடிப்படையாகக் கொண்டு உருவாக்கப்பட்டது.
இதில், பிரபலங்கள் மற்றும் சமூக ஊடக செல்வாக்கு மிக்கவர்கள் உள்ளிட்ட போட்டியாளர்கள், சுமார் 100 நாட்கள் ஒரு பிரமாண்ட வீட்டில் தங்கி, தொலைத்தொடர்பு வசதிகள் இன்றி தங்கள் திறமைகளை வெளிப்படுத்த வேண்டும்.
.jpg)
சமையல், வீட்டு பராமரிப்பு, கழிவறை சுத்தம் போன்ற பணிகளை குழுவாக செய்ய வேண்டும். ஒவ்வொரு போட்டியாளரும் நுண்பேசி (மைக்ரோபோன்) அணிந்து, தொலைக்காட்சி, தொலைபேசி, இணையம் போன்றவற்றை பயன்படுத்த அனுமதி இல்லை.
முதல் ஏழு சீசன்களை கமல்ஹாசன் தொகுத்து, தனது தனித்துவமான நடையால் ரசிகர்களை கவர்ந்தார். எட்டாவது சீசனில், கமல்ஹாசன் சினிமா பணிகளால் விலக, விஜய் சேதுபதி தொகுப்பாளராக இணைந்து, இயல்பான, கலகலப்பான நடையால் பாராட்டுகளைப் பெற்றார்.
.jpg)
இதனைத் தொடர்ந்து, ஒன்பதாவது சீசனையும் அவரே தொகுக்க உள்ளார். அக்டோபர் முதல் வாரத்தில் தொடங்கவிருக்கும் இந்நிகழ்ச்சி, விஜய் டிவி மற்றும் டிஸ்னி+ ஹாட்ஸ்டாரில் மாலை 6 மணி முதல் நேரலையாக ஒளிபரப்பாகும்.பிக்பாஸ் வீடு, சென்னை EVP ஃபிலிம் சிட்டியில் அமைந்து, இந்த சீசனில் அரண்மனையைப் போல வடிவமைக்கப்பட்டுள்ளது.
கார்டன் ஏரியா, உடற்பயிற்சி கூடம், உடல் உழைப்பு டாஸ்க்குகளுக்கான இடம் என தனித்தனி பகுதிகளுடன் நவீன வசதிகள் இணைக்கப்பட்டுள்ளன. இந்த வீட்டின் புகைப்படங்கள் சமூக வலைத்தளங்களில் வைரலாகி, ரசிகர்களின் ஆர்வத்தை தூண்டியுள்ளன.
.jpg)
இந்தியில் சல்மான் கான், மலையாளத்தில் மோகன்லால், கன்னடத்தில் கிச்சா சுதீப், தெலுங்கில் நாகார்ஜுனா ஆகியோர் தொகுக்க, இந்தி பிக்பாஸ் 19 ஆகஸ்ட் 24இல் தொடங்கியது. தமிழ் சீசன் 9இன் பிரமாண்ட தொடக்கத்திற்கு ரசிகர்கள் ஆவலுடன் காத்திருக்கின்றனர்.
.jpg)
