பெங்களூரு நகரின் அமைதியான பகுதியில், ஒரு கொடூரமான கொலை சம்பவம் நடந்து அதிர்ச்சியை ஏற்படுத்தியது. ஜயதேவா இதய நோய் ஆராய்ச்சி மருத்துவமனையில் பணியாற்றி வந்த 39 வயது நர்ஸ் மமதா எச்.எல்., தனது வாடகை வீட்டில் கழுத்து அறுக்கப்பட்ட நிலையில் ரத்த வெள்ளத்தில் சடலமாகக் கிடந்தார். இந்தச் சம்பவம் டிசம்பர் 25, 2025 அன்று காலையில் வெளிச்சத்துக்கு வந்தது.
மமதாவின் அரைத்தோழி வேலைக்குச் சென்றிருந்த நேரத்தில், அவர் தனியாக வீட்டில் இருந்தார். காலையில் தோழி திரும்பி வந்தபோது, வீட்டுக்கதவு பூட்டியிருந்தது. அண்டை வீட்டுக்காரர்களுக்கு தகவல் தெரிவிக்கப்பட்டது. ஜன்னல் வழியே எட்டிப்பார்த்தபோது, நடுவீட்டில் மமதா ரத்த வெள்ளத்தில் உயிரிழந்து கிடந்த அதிர்ச்சிகரமான காட்சி தெரிந்தது. உடனடியாக போலீசாருக்கு தகவல் தெரிவிக்கப்பட்டது.
குமாரசாமி லேஅவுட் போலீஸார் சம்பவ இடத்துக்கு விரைந்து வந்து, சடலத்தை மீட்டு பிரேத பரிசோதனைக்கு அனுப்பி வைத்தனர். ஆரம்ப விசாரணையில், மமதாவின் கழுத்தில் ஆழமான காயங்கள் இருந்தது தெரியவந்தது. கொலை செய்யப்பட்டதற்கான அறிகுறிகள் தெளிவாகத் தெரிந்தன.
சம்பவ இடத்துக்கு வந்த இளைஞர் ஒருவர், மமதாவின் உறவினர் போல நடித்து கதறி அழுதார். "யார் இப்படி செய்தது? கொலையாளியை உடனே பிடித்து தண்டனை கொடுங்கள்!" என்று போலீசாரிடம் புலம்பினார். அவர் பெயர் சுதாகர், 25 வயது இளைஞர். அதே மருத்துவமனையில் நர்ஸாகப் பணியாற்றி வந்தவர்.
போலீசார் சந்தேகம் கொண்டு, அப்பகுதியில் உள்ள சிசிடிவி காட்சிகளை ஆய்வு செய்தனர். அதில், சுதாகர் மமதாவின் வீட்டுக்கு சென்று வந்த காட்சிகள் தெளிவாகப் பதிவாகியிருந்தன. மேலும், மமதாவின் செல்போனை ஆய்வு செய்தபோது, அடிக்கடி சுதாகரிடம் இருந்து கால்கள் வந்திருந்தது தெரியவந்தது. கடைசியாக அழைத்த நம்பரும் சுதாகருடையதே.
இதனால் சுதாகர் மீது சந்தேகம் வலுப்பட்டது. அவரை காவல் நிலையத்துக்கு அழைத்து விசாரித்தபோது, உண்மைகள் ஒவ்வொன்றாக வெளியாகின.
பிரகதிபுரா பகுதியைச் சேர்ந்த மமதாவும், கத்ரிகுப்பேவைச் சேர்ந்த சுதாகரும் அதே மருத்துவமனையில் சக ஊழியர்களாக இருந்தனர். மமதா சித்ரதுர்கா மாவட்டத்தைச் சேர்ந்தவர், சுதாகர் ஹாசன் மாவட்டத்தைச் சேர்ந்தவர்.
வேலையில் நெருக்கமான நட்பு, பின்னர் காதலாக மாறியது. கிட்டத்தட்ட ஒரு வருடமாக இருவரும் கணவன்-மனைவி போல தனிமையில் சுற்றி வந்தனர், அடிக்கடி உல்லாசமாக இருந்துள்ளனர்.
ஆனால், சுதாகருக்கு வீட்டில் 23 வயதனா வேறொரு பெண்ணுடன் நிச்சயதார்த்தம் நடந்தது. இதைத் தெரிந்துகொண்ட மமதா, "நீ என்னைத்தான் கல்யாணம் செய்ய வேண்டும். வேறு யாரையும் ஏற்க மாட்டேன். இல்லையென்றால் நம் உறவை எல்லோரிடமும் சொல்லி உன்னை அசிங்கப்படுத்துவேன்" என்று மிரட்டினார்.
சுதாகர், "நான் உன்னை உண்மையாகக் காதலிக்கவில்லை. டைம் பாஸுக்கு மட்டுமே. உனக்கு என்னைவிட வயது அதிகம், உன்னுடைய உறுப்புகள் எல்லாம் தளர்ந்து போயிடுச்சு, கல்யாணம் செய்ய மாட்டேன்" என்று கூறி விலக முயன்றார். ஆனால் மமதா ஒப்புக்கொள்ளவில்லை. இருவருக்கும் அடிக்கடி வாக்குவாதம் ஏற்பட்டது.
டிசம்பர் 24 இரவு, மமதாவின் தோழி வெளியூர் சென்றிருந்த நேரத்தில், சுதாகர் அவரது வீட்டுக்கு சென்றார். "தயவுசெய்து என்னை விட்டுவிடு, இனி வரமாட்டேன்" என்று கெஞ்சினார். ஆனால் மமதா பிடிவாதமாக மறுத்தார்.
வாக்குவாதம் முற்ற, கோபத்தில் சுதாகர் சமையலறையில் இருந்த கத்தியை எடுத்து மமதாவின் கழுத்தில் பலமாகக் குத்தினார். ரத்த வெள்ளத்தில் சுருண்டு விழுந்த மமதா, சம்பவ இடத்திலேயே உயிரிழந்தார்.
கொலைக்குப் பிறகு, கொள்ளை போல தோன்றச் செய்ய மமதாவின் தங்கச் சங்கிலியை எடுத்துக்கொண்டு தப்பியோடினார் சுதாகர். பின்னர் நாடகமாடி போலீசாரிடம் புலம்பினார்.
ஆனால் சிசிடிவி மற்றும் செல்போன் ஆதாரங்களால் உண்மை வெளிப்பட்டது. சுதாகரை போலீசார் கைது செய்து சிறையில் அடைத்தனர். கொலை வழக்கு பதிவு செய்யப்பட்டுள்ளது.
இந்தச் சம்பவம் காதல் உறவுகளில் ஏற்படும் துரோகத்தின் கொடூர முகத்தை வெளிக்காட்டியுள்ளது. பெங்களூரு மக்கள் அதிர்ச்சியில் உள்ளனர்.
Summary in English : In Bengaluru, 25-year-old Sudhakar executed his 39-year-old colleague and lover Mamatha after she opposed his engagement to another woman and threatened to expose their six-year affair. He staged grief at the scene but was caught via CCTV footage and phone records.
.png)
