கணவரை விவாகரத்து செய்த பின் வயதான நபருடன் மனைவி உல்லாசம்.. யார் என தெரிந்த போது மிரண்டு போன கணவன்..

பிரிட்டனின் பீக்கன்ஸ்ஃபீல்ட் நகரில், ஒரு செல்வந்த குடும்பம் வாழ்ந்து வந்தது. மார்க் கிப்பன், 62 வயதான வெளிச்ச வல்லுநர். எட் ஷீரன், சாம் ஸ்மித் போன்ற பிரபல இசைக் கலைஞர்களுடன் பணியாற்றியவர். அவரது மகன் அலெக்ஸ், 34 வயதில், ஜாஸ்மின் வைல்ட் என்ற இளம் பெண்ணைத் திருமணம் செய்து கொண்டான். ஜாஸ்மினுக்கு 33 வயது, ஒரு ஹேர் டிரெஸர்.

அவர்களுக்கு இரண்டு குழந்தைகள் – ஒன்பது வயது மகளும் ஆறு வயது மகனும். 2021-இல் அலெக்ஸும் ஜாஸ்மினும் விவாகரத்து செய்து பிரிந்தனர். ஆனால், அதன் பிறகு நடந்தது தான் கதையின் திருப்பம். ஜாஸ்மின், தனது முன்னாள் கணவரின் தந்தை மார்க்குடன் நெருக்கமாகி, ரகசியக் காதலில் வீழ்ந்தாள். இருவரும் வெளியூர்களுக்குச் சென்று உல்லாசமாகச் சுற்றினர்.

குடும்பத்தினருக்கு யாருக்கும் தெரியாமல் இந்த உறவைப் பாதுகாத்தனர். மார்க் தனது மனைவியை விவாகரத்து செய்து, சுமார் 8 கோடி ரூபாய் மதிப்பிலான ஆடம்பர வீட்டில் தனியாகக் குடியேறினார். ஜாஸ்மினும் அவருடன் சென்று வாழத் தொடங்கினாள்.

அவர்களது உறவு வெளியே தெரிந்ததும், குடும்பத்தில் பிளவு ஏற்பட்டது. அலெக்ஸ் ஆத்திரமடைந்தான். தனது முன்னாள் மனைவியுடன் தந்தை உறவில் இருப்பதைத் தாங்கிக் கொள்ள முடியவில்லை. 2023-இல், ஒரு வாக்குவாதத்தின் போது அலெக்ஸ் தனது பார்ஷ் காரை ஏற்றி தந்தையைக் கொல்ல முயன்றான். அதற்காக அலெக்ஸ் கைது செய்யப்பட்டு, இரண்டு ஆண்டுகள் சிறைத்தண்டனை அனுபவித்தான்.

இருப்பினும், மார்க்கும் ஜாஸ்மினும் தங்கள் உறவைத் தொடர்ந்தனர். 2025 ஆகஸ்ட் மாதம், அவர்கள் குழந்தைகளுடன் ஃப்ளோரிடாவின் டேவன்போர்ட் நகரிலுள்ள சொல்டெர்ரா ரிசார்ட்டுக்கு விடுமுறைக்குச் சென்றனர். டிஸ்னி வேர்ல்டுக்கு அருகிலுள்ள ஆடம்பர வாடகை வீடு. நீச்சல் குளத்தில் ஓய்வெடுத்துக் கொண்டிருந்தனர்.

ஒரு நாள் மாலை, மது அருந்தியபடி இருவருக்கும் வாக்குவாதம் மூண்டது. காரணம் – மார்க்கின் உயில். அதில் ஜாஸ்மினின் பெயர் இல்லை. சொத்து அனைத்தும் பேரக்குழந்தைகளுக்கே என்று எழுதியிருந்தார். ஜாஸ்மின் ஆத்திரமடைந்து மார்க்கை அறைந்தாள்.

அதனால் கோபமடைந்த மார்க், ஜாஸ்மினின் தலையை வலுக்கட்டாயமாகப் பிடித்து நீரில் மூழ்கடித்தார். பலமுறை தலையை அழுத்தி, மூச்சுத் திணறச் செய்தார். ஜாஸ்மின் போராடினாள். உயிருக்குப் பயந்து கத்தினாள். அவர்களது ஒன்பது வயது மகள் குளத்தில் குதித்து, தாயைக் காப்பாற்ற முயன்றாள். ஆனால் மார்க் அவளையும் தள்ளிவிட்டார்.

அருகில் இருந்த இரு பெண்கள் சம்பவத்தைக் கண்டு, போலீசுக்கு தகவல் கொடுப்போம் என்று கத்தினர். அதனால் தான் மார்க் நிறுத்தினார். போலீசார் வந்து மார்க்கைக் கைது செய்தனர். கொலை முயற்சி மற்றும் தாக்குதல் குற்றச்சாட்டுகள் பதிவு செய்யப்பட்டன.

மார்க், "நான் கொல்ல நினைக்கவில்லை, இருவரும் மதுபோதையில் இருந்தோம்" என்று விளக்கம் அளித்தார். ஜாஸ்மின் உயிர் தப்பினாள். ஆனால் இந்தச் சம்பவம் உலகையே அதிர்ச்சிக்குள்ளாக்கியது.

சமூக வரம்புகளை மீறிய காதல், துரோகம், ஆத்திரம் – எல்லாம் ஒரு குளத்தில் முடிந்தது. பின்னர் வழக்கில் குற்றச்சாட்டுகள் குறைக்கப்பட்டு, மார்க் அபராதம் செலுத்தி விடுதலையானார். கொலை முயற்சி வழக்கு கொடுக்க தயாராக இருந்த ஜாஸ்மின் ஒரு கட்டத்தில் பின் வாங்கினார். பின்னர், மாமானரும், மருமகளும் மீண்டும் ஒன்றாக வாழத் தொடங்கியதாகவும் தகவல்கள் வெளியாகின.

இது ஒரு உண்மைச் சம்பவத்தை அடிப்படையாகக் கொண்ட கதை. வாழ்க்கை சில சமயம் சினிமாவை விட அதிர்ச்சிகரமாக இருக்கும் அல்லவா?

Summary in English : A 62-year-old British lighting technician, Mark Kippen, had a secret affair with his former daughter-in-law, Jasmine Wilde (33), after her 2021 divorce from his son Alex. The pair lived together, leading Alex to attempt murdering his father. In August 2025, during a Florida vacation, Kippen tried to drown Jasmine in a pool over a will dispute, but she survived. He was arrested for attempted murder.