சத்தீஸ்கர் மாநிலத்தின் ஒரு சிறிய கல்லூரி நகரத்தில், ரியா சிங் என்ற 20 வயது இளம்பெண் கடந்த ஆறு மாதங்களுக்கு மேலாக காணாமல் போயிருந்தார்.
அவரது குடும்பத்தினர் தினமும் காவல்துறையிடம் சென்று கண்ணீர் விட்டு முறையிட்டனர். ஆனால், வழக்கு கிடப்பில் போடப்பட்டிருந்தது. எந்த தடயமும் இல்லை. எங்கே போனார்? ஏன் போனார்? எதுவும் தெரியவில்லை.
ரியா ஒரு பிரகாசமான மாணவி. கல்லூரியில் அனைவராலும் நேசிக்கப்பட்டவள். ஆனால், அவளுக்கு ஒரு ரகசிய இருந்தது – அவளை ஒருதலைக்காதலில் விழுந்திருந்த அர்ஜுன் மிஸ்ரா என்ற 21 வயது மாணவன்.
அர்ஜுன் அவளை காதலிப்பதாகக் கூறி பலமுறை முயன்றான். ரியா மறுத்துவிட்டாள். அது அவனது மனதில் கொடூர எண்ணத்தைத் தூண்டியது.
ஒரு நாள், கல்லூரி விழா ஒன்றின் போது, அர்ஜுன் ரியாவை தனது வீட்டிற்கு வரும்படி அழைத்தான்.
“கண்டிப்பாக வா, எங்கள் வீட்டில் சிறப்பு விழா இருக்கு” என்று மிரட்டல் கலந்த இனிமையுடன் சொன்னான். ரியா நம்பி வந்தாள். ஆனால், அவள் எதிர்பார்க்காத கொடூரம் அங்கு காத்திருந்தது.
ஆள் அரவமற்ற ஒரு பகுதியில், அர்ஜுன் ரியாவை பாலியல் வன்கொடுமை செய்தான். அவள் எதிர்த்தபோது, தலையில் பயங்கரமாக அடித்து கொலை செய்தான்.
பயத்தில் நடுங்கிய அவன், உடலை அப்புறப்படுத்த வேண்டும் என்று நினைத்தான். ஆனால், உடலை எங்கு வைப்பது? அவன் தனது ஊருக்கு ஒதுக்குப்புறமாக இருந்த ஒரு பழைய, கைவிடப்பட்ட பால் அடைந்த கட்டிடத்தில் (அது வேறொருவருக்கு சொந்தமானது) 3 அடி ஆழத்தில் புதைத்தான்.
“எப்போதாவது இந்த வீட்டை இடித்து புதுப்பித்தால்... நான் சிக்கிவிடுவேன்” என்ற பயம் அவனை வாட்டியது. ஆறு மாதங்கள் கழிந்தன. உடல் எப்போது கண்டுபிடிக்கப்படும் என்ற அச்சத்தில் அவன் தவித்தான்.
அர்ஜுன் இணையத்தில் தேட ஆரம்பித்தான். “உடலை அடையாளம் தெரியாமல் எப்படி அழிப்பது?” என்று தேடினான். ஹாலிவுட் படங்களில் வரும் காட்சிகள் அவன் மனதை ஆக்கிரமித்தன – ஹைட்ரோகுளோரிக் அமிலம் (Hydrofluoric acid) அல்லது சல்ப்யூரிக் அமிலத்தில் உடலை மூழ்க வைத்தால் எலும்புகள் கூட கரைந்துவிடும் என்று படித்தான். அவன் 150 லிட்டர் அமிலம் தேவை என்று முடிவு செய்தான்.
ஒரு யூடியூப் வீடியோவில், அமிலத்தின் தன்மை பற்றி பேசும் ஒரு வீடியோவைப் பார்த்தான். கமெண்ட் பகுதியில், அவன் எழுதினான்:“எனக்கு 150 லிட்டர் இந்த அமிலம் தேவை. எங்கே கிடைக்கும்?”
அந்த சேனல் உரிமையாளர் அதைப் பார்த்து அதிர்ந்தார். “பெரிய நிறுவனங்கள் கூட இவ்வளவு அளவு கேட்பதில்லையே... இது ஏதோ சந்தேகம்” என்று நினைத்தார். உடனடியாக கமெண்ட் செய்தார்: “தொடர்பு கொள்ளுங்கள்” என்று ஒரு தொலைபேசி எண்ணைக் கொடுத்தார்.
அர்ஜுன் அழைத்தான்.“எதற்கு 150 லிட்டர்?” என்று கேட்டனர்.அவன் அமைதியாக இருந்தான்.“சொல்லுங்கள், இல்லையென்றால் அனுப்ப மாட்டோம்.”தடுமாறியபடி அவன் சொன்னான்: “எங்கள் வீட்டு நாய் இறந்துவிட்டது... அதை கரைக்க வேண்டும்.”
சேனல் உரிமையாளர் உடனடியாக அருகிலுள்ள காவல் நிலையத்தைத் தொடர்பு கொண்டார். “இப்படி ஒரு சந்தேகமான அழைப்பு வந்திருக்கு... விசாரியுங்கள்” என்று புகார் அளித்தார்.
காவல்துறையினர் அர்ஜுனை அழைத்து விசாரித்தனர். அவன் முன்னுக்கு பின் முரணான பதில்களைக் கொடுத்தான். கடுமையான விசாரணையில், இறுதியாக உடைந்தான்.
“ஆறு மாதங்களுக்கு முன்பு... ரியாவை நான் கொலை செய்தேன். அவளை காதலித்தேன்... ஆனால் அவள் மறுத்துவிட்டாள். அதனால்... அவளை கொலை செய்து, அந்த பழைய கட்டிடத்தில் புதைத்தேன். இப்போது எப்போது சிக்குவேனோ என்ற பயத்தில், ஹாலிவுட் படத்தில் வருவது போல அமிலத்தில் கரைக்க திட்டமிட்டேன்” என்று பகீர் வாக்குமூலம் கொடுத்தான்.
விரைந்து சென்ற போலீசார் உடலை மீட்டனர். உடற்கூறு ஆய்வுக்கு அனுப்பினர். ரியாவின் குடும்பத்தினர் கண்ணீரில் மூழ்கினர். அர்ஜுன் கைது செய்யப்பட்டான்.
ஒரு யூடியூப் கமெண்ட்... ஒரு சாதாரண சந்தேகம்... அது ஒரு கொடூர கொலையாளியை சிக்க வைத்தது. சத்தீஸ்கரில் இன்று இந்த சம்பவம் பெரும் அதிர்வலைகளை ஏற்படுத்தியுள்ளது. காதல் என்ற பெயரில் எழுந்த கொடூரம்... இணையம் எப்படி உதவியாக மாறியது என்பதற்கு இது ஒரு அதிர்ச்சி உதாரணம்.
Summary in English : In Chhattisgarh, a 20-year-old college student went missing for over six months. A suspicious YouTube comment led police to arrest a fellow student who confessed to the crime and revealed the location where the body was hidden. The case was solved through this online lead.
.png)
