அஜித் நடிப்பில் ஆகஸ்ட் 8-ம் தேதி வெளியாக உள்ளது நேர்கொண்ட பார்வை படத்தின் தமிழக விநியோக உரிமை பெற்றவர்கள் யார் என்ற விவரத்தை தயாரிப்பாளர் சில நாட்களுக்கு முன்பு தயாரிப்பாளர் போனி கபூர் வெளியிட்டுள்ளார்.
பாலிவுட்டில் அமிதாப்பச்சன், டாப்ஸி உள்ளிட்டோரின் நடிப்பில் வெளியாகி வெற்றி பெற்ற படம் பிங்க். இந்தப் படம் தற்போது போனி கபூர் தயாரிப்பில் அஜித் குமார் நடிப்பில் நேர்கொண்ட பார்வை என்ற பெயரில் தமிழில் ரீமேக் செய்யப்பட்டுள்ளது.
வினோத் இயக்கியுள்ள இந்தப் படத்தில் அஜித் வழக்கறிஞர் கதாபாத்திரத்தில் நடித்துள்ளார். அவரை எதிர்த்து வாதிடும் வழக்கறிஞராக ரங்கராஜ் பாண்டே நடித்துள்ளார்.படத்தில் அஜித்துக்கு ஜோடியாக நடித்து தமிழ் சினிமாவுக்கு என்ட்ரி கொடுக்கிறார் வித்யாபாலன்.
மேலும் ஷ்ரத்தா ஸ்ரீநாத், பிக்பாஸ் போட்டியாளர் அபிராமி, ஆதிக் ரவிச்சந்திரன், டெல்லி கணேஷ் உள்ளிட்டோரும் முக்கிய கதாபாத்திரங்களில் நடித்துள்ளனர்.
இந்த படத்தின் அஜித்தின் கதாபாத்திரத்தின் பெயர் "நீதிதேவன்" எனவும் இவருக்கு ஜோடியாக நடித்துள்ள வித்யாபாலனின் பெயர் "குணவதி தேவன்" எனவும் தகவல்கள் வெளியாகியுள்ளன.
