தமிழ், தெலுங்கில் முன்னணி நடிகையாக வலம் வரும் காஜல் அகர்வால், புதிய படத்தின் மூலம் அடுத்த லெவலுக்கு செல்ல இருக்கிறார். ஹாலிவுட்டுக்கு செல்லும் நடிகர்-நடிகைகள் எண்ணிக்கை அதிகரிக்கிறது.
பிரியங்கா சோப்ரா ஹாலிவுட் படங்களில் நடித்து வருகிறார். அமெரிக்க பாடகர் நிக் ஜோனாசையும் காதலித்து திருமணம் செய்து அங்கேயே குடியேறி இருக்கிறார். ஐஸ்வர்யாராய், தீபிகா படுகோனே ஆகியோரும் ஹாலிவுட் படங்களில் நடித்துள்ளனர்.
நடிகர் நெப்போலியனும் ஹாலிவுட் படத்தில் நடிக்கிறார். ராதிகே ஆப்தேவும் ஆங்கில படத்தில் நடித்து இருக்கிறார். சுருதிஹாசனும் ஆங்கில தொடர் ஒன்றில் நடிக்க ஒப்பந்தமாகி உள்ளார்.
இந்த வரிசையில் இப்போது காஜல் அகர்வாலும் ஹாலிவுட் படத்தில் நடிக்க இருப்பதாக தகவல் வெளியாகி உள்ளது. முன்னணி ஹாலிவுட் இயக்குனர் டைரக்டு செய்யும் இந்த படம் ஆங்கிலம் மற்றும் தெலுங்கு மொழிகளில் உருவாக இருக்கிறது. படப்பிடிப்பை விரைவில் தொடங்க திட்டமிட்டு உள்ளனர்.
இந்த படத்தில் சண்டை காட்சிகளில் நடிகை காஜல் அகர்வால் நடிக்க இருப்பதால் அதற்காக உடலை ஃபிட்டாக வைத்துக்கொள்ள கடுமையான உடற்பயிற்சிகளை நேர்கொண்டு வருகிறார் அம்மணி.
உடற்பயிற்சி கூடத்தில் உடற்பயிற்சி செய்யும் வீடியோ ஒன்றை வெளியிட்டுள்ளார் காஜல் அகர்வால். அந்த வீடியோ ரசிகர்களின் கவனத்தை ஈர்த்து வருகின்றது,
