வாடிவாசல் படப்பிடிப்பு எப்போது..? வெற்றிமாறன் கொடுத்த ஹாட் அப்டேட்..!

இயக்குநர் வெற்றிமாறன் இயக்கத்தில் நடிகர் சூர்யா நடிப்பில் உருவாகும் பிரம்மாண்ட திரைப்படம் "வாடிவாசல்". 

இந்த திரைப்படத்திற்கான அறிவிப்பு வெளியாகி பல வருடங்கள் ஆனாலும், படப்பிடிப்பு தொடங்குவதில் தாமதம் ஏற்பட்டது ரசிகர்களை ஏக்கத்தில் ஆழ்த்தியது. 

வெற்றிமாறன், விடுதலை பாகம் 1 மற்றும் பாகம் 2 திரைப்படங்களின் பணிகளில் தீவிரமாக இருந்ததால் "வாடிவாசல்" படப்பிடிப்பு தள்ளிப்போனது. 

இருப்பினும், சமீபத்தில் தயாரிப்பாளர் கலைப்புலி எஸ். தாணு, "வாடிவாசல்" திரைப்படம் விரைவில் தொடங்கப்படும் என அதிகாரப்பூர்வமாக அறிவித்திருந்தார். 

இதனால் சூர்யா ரசிகர்கள் மிகுந்த உற்சாகத்தில் இருந்தனர். இந்நிலையில், "வாடிவாசல்" படத்தின் படப்பிடிப்பு எப்போது துவங்கும் என்ற கேள்வி இயக்குநர் வெற்றிமாறனிடம் எழுப்பப்பட்டது. 

அதற்கு பதிலளித்த வெற்றிமாறன், "வாடிவாசல் படத்தின் படப்பிடிப்பு மே அல்லது ஜூன் மாதத்தில் துவங்கும். தற்போது அதற்கான ஆரம்பக்கட்ட தயாரிப்பு பணிகள் தீவிரமாக நடைபெற்று வருகின்றன" என்று உறுதியளித்துள்ளார். 

வெற்றிமாறனின் இந்த பதில் சூர்யா ரசிகர்களுக்கு உற்சாகத்தை அளித்துள்ளது. வெற்றிமாறன் - சூர்யா கூட்டணி மீண்டும் இணைவதால் ரசிகர்கள் மத்தியில் இப்படத்திற்கு மிகப்பெரிய எதிர்பார்ப்பு நிலவுகிறது. 

"வாடிவாசல்" திரைப்படத்தில் இயக்குனரும் நடிகருமான அமீர் முக்கிய கதாபாத்திரத்தில் நடிக்கவுள்ளார். மேலும், இப்படத்திற்கு ஜீ.வி. பிரகாஷ் குமார் இசையமைக்கிறார் என்பது குறிப்பிடத்தக்கது. 

வெற்றிமாறனின் முந்தைய படங்களை போலவே, இந்த படமும் தேசிய விருதுகளை வெல்லும் என ரசிகர்கள் இப்போதே நம்பிக்கை தெரிவித்து வருகின்றனர்.