தமிழ் மற்றும் தெலுங்கு சீரியல் மற்றும் திரைப்படங்களில் பிரபலமான நடிகையான பிரகதி மகாவடி, தனது புதிய திரைப்படத்தில் நீச்சல் உடையில் நடிக்க ஒப்புக்கொண்டது ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.
பொதுவாக தாய் மற்றும் குணச்சித்திர வேடங்களில் நடித்து புகழ் பெற்ற பிரகதி, இந்த முடிவால் தனது வழக்கமான இமேஜை உடைத்து புதிய தோற்றத்தில் தோன்றவுள்ளார்.
இந்த செய்தி இணையத்தில் வைரலாக பரவி வருகிறது.பிரகதி மகாவடி, 1994ஆம் ஆண்டு கே. பாக்யராஜின் ‘வீட்ல விசேஷங்க’ திரைப்படத்தில் அறிமுகமானவர்.
அதன்பின், தமிழ், தெலுங்கு, மலையாளம், கன்னடம் என பல மொழி திரைப்படங்களில் நடித்து, குறிப்பாக தெலுங்கு சினிமாவில் 100-க்கும் மேற்பட்ட படங்களில் தோன்றியுள்ளார்.
‘பாபி’, ‘சம்பா’, ‘தூகுடு’, ‘ரேஸ் குர்ரம்’ உள்ளிட்ட படங்களில் தாய் மற்றும் துணை வேடங்களில் நடித்து ரசிகர்களின் மனதை வென்றவர். தற்போது விஜய் டிவியில் ஒளிபரப்பாகும் ‘அரண்மனை கிளி’ சீரியலிலும் முக்கிய பாத்திரத்தில் நடித்து வருகிறார்.
சமூக ஊடகங்களில் எப்போதும் ஆக்டிவாக இருக்கும் பிரகதி, தனது உடற்பயிற்சி மற்றும் நடன வீடியோக்களை அவ்வப்போது பகிர்ந்து வருகிறார். அவரது உடற்பயிற்சி வீடியோக்கள் ரசிகர்களிடையே பெரும் வரவேற்பை பெற்றுள்ளன.
ஆனால், நீச்சல் உடையில் நடிக்கும் முடிவு, அவரது பாரம்பரிய இமேஜுக்கு மாறாக இருப்பதாக ரசிகர்கள் கருதுகின்றனர். சிலர் இதை புதுமையாக வரவேற்றாலும், பலர் இது குறித்து ஆச்சரியமும் விமர்சனங்களையும் தெரிவித்து வருகின்றனர்.
இந்த புதிய பாத்திரம் குறித்து பிரகதி இதுவரை அதிகாரப்பூர்வமாக எதையும் தெரிவிக்கவில்லை. இந்த படம் அவரது தொழில் வாழ்க்கையில் ஒரு முக்கிய திருப்புமுனையாக அமையுமா என்பதை பொறுத்திருந்து பார்க்க வேண்டும்.
இந்த செய்தி, சமூக ஊடகங்களில் தொடர்ந்து விவாதத்தை கிளப்பி வருகிறது.
English Summary: Serial actress Pragathi Mahavadi’s decision to appear in a swimsuit for a film role has shocked fans. Known for traditional roles, her bold choice has sparked debates online. With a career spanning Tamil, Telugu, and Malayalam cinema, this move marks a significant shift, drawing both praise and criticism.
