சென்னை, தாம்பரம் காவல் ஆணையரகத்திற்கு உட்பட்ட சேலையூர் காவல் நிலைய எல்லைக்கு அருகேயுள்ள கேம்ப் ரோடு பகுதியில், மசாஜ் சென்டர் என்ற பெயரில் சட்டவிரோதமாக பாலியல் தொழில் நடைபெற்று வந்தது தொடர்பாக, காவல்துறையினர் அதிரடி சோதனை நடத்தி, பாஸ்கர் என்ற இளைஞரை கைது செய்துள்ளனர்..
இந்த சம்பவம் தொடர்பாக வெளியான வீடியோ மற்றும் ஆடியோ, சமூக வலைதளங்களில் வைரலாகி, பெரும் பரபரப்பை ஏற்படுத்தியுள்ளது.
பொதுமக்களின் புகாரின் அடிப்படையில், சேலையூர் காவல் நிலைய போலீசார், கேம்ப் ரோடு பகுதியில் உள்ள மசாஜ் சென்டரில் சோதனை நடத்தினர். இதில், மசாஜ் சென்டர் என்ற பெயரில் பாலியல் தொழில் நடைபெற்று வந்தது உறுதியானது..
இதனையடுத்து, இந்த மையத்தை நடத்தி வந்த பாஸ்கரை காவல்துறையினர் கைது செய்து விசாரணை மேற்கொண்டனர். விசாரணையின்போது, பாஸ்கர் அதிர்ச்சி தரும் தகவலை வெளியிட்டார்..
கடந்த எட்டு மாதங்களாக, தனது சட்டவிரோத செயல்பாடுகளை மறைக்க, உதவி ஆணையர் முருகேசனுக்கு மாதம் 30,000 ரூபாயும், உதவி ஆய்வாளர்களான மாறி மற்றும் பிரேமுக்கு தலா 10,000 ரூபாயும் லஞ்சமாக வழங்கியதாகவும், மேலும் சிலருக்கும் பணம் கொடுத்ததாகவும் கூறினார்..
இந்த குற்றச்சாட்டு, ஆடியோ பதிவாக வெளியாகி, சமூக வலைதளங்களில் பரவி, காவல்துறை மீது கேள்விகளை எழுப்பியுள்ளது.தாம்பரம் காவல் ஆணையரகம், இந்த வழக்கு தொடர்பாக தீவிர விசாரணையை முன்னெடுத்துள்ளது.
பாஸ்கரின் குற்றச்சாட்டுகளை அடிப்படையாகக் கொண்டு, லஞ்சம் பெற்றதாக கூறப்படும் அதிகாரிகள் குறித்து ஆய்வு செய்யப்படுகிறது. மேலும், இந்த மையத்தில் பாலியல் தொழிலில் ஈடுபடுத்தப்பட்ட பெண்கள் குறித்த விவரங்களும் சேகரிக்கப்பட்டு வருகின்றன..
சென்னையில் மசாஜ் சென்டர்கள் மற்றும் ஸ்பாக்கள் என்ற பெயரில் பாலியல் தொழில் நடைபெறுவது தொடர்ச்சியான பிரச்னையாக உள்ளது. 2024 செப்டம்பரில், கோயம்புத்தூரில் 72 ஸ்பாக்கள் மூடப்பட்டன..
சென்னையிலும் இதுபோன்ற மையங்களுக்கு எதிராக காவல்துறை அவ்வப்போது நடவடிக்கை எடுத்து வருகிறது. இந்த சம்பவம், சட்டவிரோத நடவடிக்கைகளை கட்டுப்படுத்துவதற்கு காவல்துறையின் உள்ளக அமைப்பில் மேலும் ஒழுங்கு தேவை என்பதை வெளிப்படுத்துகிறது.
Summary in English : In Selaiyur, near Tambaram, police raided a massage center on Camp Road, uncovering illegal prostitution. The operator, Bhaskar, was arrested. A viral audio revealed Bhaskar’s claim of paying ₹30,000 monthly to Assistant Commissioner Murugesan and ₹10,000 each to inspectors Mari and Prem for eight months. Police are investigating.
