ஹைதராபாத் : கடந்த இரண்டு ஆண்டுகளுக்கு முன்பு நடந்த சினிமாவை மிஞ்சும் திருப்பங்கள் கொண்ட ஒரு உண்மை கதையைத்தான் இங்கே பார்க்கபோகிறோம்.
விரைவாக பணம் தேவைப்பட்டதால், சமூக வலைதளத்தில் கிட்னி விற்பனை விளம்பரத்தைப் பார்த்து தொடர்பு கொண்ட ஆந்திரா பிரதேசத்தைச் சேர்ந்த நர்சிங் மாணவி யாமினி, சைபர் கிரிமினல்களின் மோசடியில் 16 லட்சம் ரூபாய் இழந்தார். இந்தச் சம்பவம், ஏழை மாணவர்கள் மீதான சைபர் மோசடிகளின் கொடூரத்தை வெளிப்படுத்தியுள்ளது.
குன்று மாவட்டத்தைச் சேர்ந்த 20 வயது யாமினி, ஹைதராபாத்தில் நர்சிங் படிப்பைத் தொடர்ந்து வந்தார். அவரது தந்தை வழங்கிய ஏ.டி.எம் கார்ட்டைப் பயன்படுத்தி, ஆன்லைனில் கடிகாரங்கள், உடைகள் உள்ளிட்ட பொருட்களை வாங்கியதில் சுமார் 2 லட்சம் ரூபாய் செலவழித்தார்.
இதைத் தந்தை கவனிப்பதற்குள், கணக்கில் திருப்பி டெபாசிட் செய்ய வேண்டும் என்ற நெருக்கடியில், அவர் விரைவான பணம் சம்பாதிக்கும் வழியைத் தேடினார்.அப்போதுதான் சமூக வலைதளத்தில் ஒரு விளம்பரம் அவரது கண்ணைப் பறித்தது. "அவசரமாக கிட்னி தேவை – நன்கொடையாளருக்கு 7 கோடி ரூபாய்!" என்று கூறிய அந்த விளம்பரம், யாமினியை ஈர்த்தது.
அவர் உடனடியாக தொடர்பு கொண்டபோது, "டாக்டர் பிரவீன் ராஜ்" என்று சொல்லிக் கொள்ளும் ஒரு நபர் பதிலளித்தார். அவர் யாமினிக்கு 3.5 கோடி ரூபாய் முன்பணமாக வழங்குவதாகவும், மீதி நடைமுறைக்குப் பிறகு தருவதாகவும் உறுதியளித்தார்.
முதலில் யாமினியின் மருத்துவ அறிக்கையை கோரிய டாக்டர் பிரவீன் ராஜ், அது ஏற்றுக்கொள்ளக்கூடியது என்று தெரிவித்தார். ஆனால், அடுத்து அவர் சொன்னது அதிர்ச்சியளித்தது. "நீங்கள் தகுதியானவராக இருப்பதால், போலீஸ் சரிபார்ப்பு மற்றும் வரி கட்டணமாக 16 லட்சம் ரூபாய் செலுத்துங்கள்" என்று கூறினார்.
இது மிகப்பெரிய சதிவலை என தெரியாத யாமினி, தந்தை வங்கி கணக்கில் இருந்து அந்தத் தொகையை உடனே அனுப்பினார். ஆனால், பணத்தைத் திரும்பக் கேட்டபோது, "டெல்லி சென்று பெற்றுக்கொள்ளுங்கள்" என்று போலி முகவரி ஒன்றை அளித்தனர்.
அங்கு சென்ற யாமினி, எதுவும் இல்லை என்பதை உணர்ந்தார்.இதற்கிடையே, நவம்பர் மாதத்தில் ஏ.டி.எம் மூலம் 16 லட்சம் ரூபாய் இழந்ததை அறிந்த யாமினியின் தந்தை, அவரை வீட்டுக்கு வரச் சொன்னார்.
பயந்து ஹைதராபாத் ஹாஸ்டலில் இருந்து தப்பி ஓடிய யாமினி, நட்பர் வீட்டில் ஆந்திராவின் என்டிஆர் மாவட்டத்தில் உள்ள ஜகாய்யாப்பேட்டாவில் மறைந்திருந்தார்.போலீஸ் விசாரணையில், சைபர் கிரிமினல்கள் சிட்டிபாங்க் கணக்கில் 3 கோடி ரூபாய் மாற்றியதாகக் காட்டி, வரி மற்றும் சரிபார்ப்புக்காக யாமினியை ஏமாற்றியது தெரியவந்தது.
இது ஹைதராபாத்தில் நடந்த பெரிய சைபர் மோசடிகளில் ஒன்றாகக் கருதப்படுகிறது. போலீசார், யாமினியின் புகாரின் அடிப்படையில் வழக்குப் பதிவு செய்து, குற்றவாளிகளைத் தேடி வருகின்றனர்.இந்தச் சம்பவம், சமூக வலைதளங்களில் பரவும் போலி விளம்பரங்களின் ஆபத்தை எச்சரிக்கையாக அமைந்துள்ளது. குறிப்பாக, பொருளாதார நெருக்கடியில் இருக்கும் இளைஞர்கள் எளிதில் பலியாகின்றனர்.
நிபுணர்கள், அத்தகைய விளம்பரங்களை நம்பாமல், போலீஸ் அல்லது சைபர் கிரைம் அமைப்புகளை அணுகுமாறு அறிவுறுத்துகின்றனர். யாமினியின் குடும்பம் இப்போது உளவியல் ரீதியாகவும் பாதிக்கப்பட்டுள்ளது என்று தெரிகிறது.
இந்த மோசடி, இந்தியாவில் அதிகரிக்கும் சைபர் கிரிம்களின் புதிய உதாரணமாக அமைந்துள்ளது. அரசு அமைப்புகள், இத்தகைய திட்டமிட்ட மோசடிகளுக்கு எதிராக விழிப்புணர்வு பிரச்சாரங்களை தீவிரப்படுத்த வேண்டும் என்ற கோரிக்கை எழுந்துள்ளது.
எப்படி போலியான விளம்பரம் என கண்டுபிடிப்பது என்று கேட்கிறீர்களா..? ஈஸியாக சம்பாதிக்கலாம்.. எளிமையாக சம்பாதிக்கலாம்.. கஷ்டமே இல்லை.. என்று யாரவது உங்களிடம் சொன்னால்.
சரி, பாக்கலாம் என்று நழுவி விடுங்கள். இங்கே யாருக்கும் ஈஸியா பணம் வராது. பணம் என்பது கடின உழைப்பின் அங்கீகாரம். எனவே, ஈஸியாக பணம் சம்பாதிக்கலாம் என்ற எந்த விளம்பரத்தையும் பின் தொடராதீர்கள்.
Summary in English : Andhra Pradesh nursing student Yamini, 20, lost 16 lakhs in a kidney donation scam. Desperate to repay her father's ATM debt from impulsive online shopping, she responded to a social media ad promising 7 crores for her kidney.
Posing as Dr. Praveen Raj, fraudsters demanded fees for police verification and taxes, then vanished. Terrified, she fled to a friend's hideout; police have registered a case against the cyber criminals.
