திருமண நாளன்று ஆண் நண்பருடன் ஊர் சுற்றிய இன்ஸ்டா பிரபலம்.. கணவர் வெறிச்செயல்..!

கடலூர், அக்டோபர் 5 : கடலூர் மாவட்டம் பண்ருட்டி அருகே காடாம்புலியூர் சேர்ந்த செந்தில்வேல் என்பவர், தனது காதல் திருமணம் செய்த மனைவி மகேஸ்வரியை கோபத்தில் குளவி கல்லால் தாக்கி, பின்னர் இரும்பு கம்பியால் மூர்க்கமாகத் தாக்கி கொன்ற சம்பவம் பெரும் அதிர்ச்சியை ஏற்படுத்தியுள்ளது.

சம்பவத்துக்குப் பின்னணியாக கள்ளக்காதல், சமூக ஊடகங்களில் ரீல்ஸ் வீடியோக்கள், வழிப்பறி வழக்குகள் உள்ளிட்டவை இருந்ததாக விசாரணையில் தெரியவந்துள்ளது. குற்றவாளியை பண்ருட்டி பேருந்து நிலையத்தில் போலீஸார் கைது செய்தனர்.

நெய்வேலி இந்திரா நகரைச் சேர்ந்த மகேஸ்வரி என்பவர், காடாம்புலியூர் சேர்ந்த செந்தில்வேலை காதலித்து திருமணம் செய்தார். இந்தத் தம்பதிக்கு இரு குழந்தைகள் உள்ளனர். திருமணத்திற்குப் பின், மகேஸ்வரி இன்ஸ்டாகிராம் மற்றும் யூடியூப் தளங்களில் ரீல்ஸ் வீடியோக்களைப் பதிவிட்டு, தனது நடிப்புத் திறமையை வெளிப்படுத்தினார்.

இதன் விளைவாக, குழந்தைகளையும் கணவரையும் புறக்கணித்து பவுசாக உலா வந்ததாகக் கூறப்படுகிறது. இதனால், கணவன்-மனைவி இடையே அடிக்கடி பிரச்சனைகள் ஏற்பட்டன.இதற்கிடையே, செந்தில்வேல் திருநங்கைகளுடன் நெருக்கமாகப் பழகியதாகவும், வழிப்பறி வழக்குகளில் இரண்டு முறை சிறைக்கு அனுப்பப்பட்டதாகவும் தெரியவந்துள்ளது.

இதனால், மகேஸ்வரியின் தாயார், காடாம்புலியூர் சேர்ந்த பிரபல ரவுடி ராம் குமாரை அணுகி, மருமகனுக்கு ஜாமீன் பெற உதவி கோரியுள்ளார். இந்தச் சந்திப்புகளின் விளைவாக, ராம் குமாருக்கும் மகேஸ்வரிக்கும் இடையே நட்பு உருவானது. இது பின்னர் ரகசிய உறவாக மாறியதாக போலீஸ் விசாரணையில் தெரியவந்துள்ளது.

இருவரும் அடிக்கடி தனிமையில் சந்தித்து உல்லாசமாக இருந்ததாகக் கூறப்படுகிறது.இந்த உறவு செந்தில்வேலுக்கு தெரிய வர, அவர் மகேஸ்வரியை கடுமையாகக் கண்டித்தார். ஆனால், மகேஸ்வரி இதைப் பொருட்படுத்தவில்லை.

வாட்ஸ்அப் செயலியில் உடை மாற்றும் வீடியோக்கள், உடல் பகுதிகளின் க்ளோஸ்-அப் காட்சிகள், ஆடையின்றி நடனமாடும் வீடியோக்கள் உள்ளிட்டவற்றை ராம் குமாருக்கு அனுப்பியதாகவும், அவர் அனுப்பிய ஆடியோக்களுக்கு 'ஹார்ட்' எமோஜிகளுடன் பதிலளித்ததாகவும் விசாரணையில் தெரியவந்துள்ளது.

அதிர்ந்த செந்தில்வேல், தனது குழந்தைகளும் இந்தச் வாட்சப் காட்சிகளை பார்த்ததை அறிந்து மிகுந்த மன உளைச்சலுக்கு ஆளானார்.சம்பவத்திற்கு முந்தைய நாள், தம்பதியரின் திருமண நாளன்று கூட மகேஸ்வரி, ராம் குமாருடன் வெளியே சென்று ஊர் சுற்றிவிட்டு வீடு திரும்பினார்.

இதனால் கோபமடைந்த செந்தில்வேல், மனைவியிடம் வாக்குவாதம் செய்தார். ஆனால், மகேஸ்வரி "எனக்கு உடல் முழுவதும் அசௌகரியம்... சத்தம் போடாதீர்கள்... போய் தூங்குங்கள்" என்று உதாசீனப்படுத்தி உறங்கச் சென்றார்.

நிதானத்தை இழந்த செந்தில்வேல், மகேஸ்வரி தூங்கியதும் அருகில் இருந்த குளவி கல்லை எடுத்து அவர் தலையில் வீசினார். இருந்தபோதிலும் கோபம் அடங்கவில்லை. அவர் இரும்பு கம்பியால் மகேஸ்வரியின் தலையில் மீண்டும் தாக்கி, அவரைப் பலி செய்துவிட்டு தப்பி ஓடினார்.

கொலைக்குப் பின், குழந்தைகளை தனது தாயாரின் வீட்டில் விட்டுவிட்டு வெளியூருக்கு தப்பிச் செல்ல முயன்ற செந்தில்வேலை, பண்ருட்டி பேருந்து நிலையத்தில் போலீஸார் கைது செய்தனர்.செந்தில்வேலிடம் நடத்தப்பட்ட விசாரணையில், கள்ளக்காதல், சமூக ஊடகங்களில் கவனம் செலுத்தியது, வழிப்பறி வழக்குகள் உள்ளிட்டவை கொலையின் முக்கியக் காரணங்களாகத் தெரியவந்துள்ளன.

போலீஸார், ராம் குமாரை அழைத்து விசாரிக்கவுள்ளனர். இந்தச் சம்பவம், குடும்ப உறவுகளில் ஏற்படும் பிளவுகள் மற்றும் சமூக ஊடகங்களின் தாக்கம் குறித்து சமூகத்தில் பெரும் விவாதத்தை ஏற்படுத்தியுள்ளது.

Summary in English : In Cuddalore district, Senthilvel from Kadambuliyur murdered his wife Maheswari in a rage-fueled attack with a stone and iron rod. The love-married couple had two children; tensions arose from her social media reels, neglect, and alleged affair with rowdy Ram Kumar, whom she contacted for his jail bails. Senthilvel, a two-time robbery convict, fled but was arrested at Panruti bus stand.