விஜய் முதுகில் குத்திய காங்கிரஸ்? கடும் அதிருப்தியில் தவெக நிர்வாகிகள்! இந்த கொடுமையை பாருங்க!

தமிழக அரசியல் களத்தில் தற்போது நடிகர் விஜய் தலைமையிலான தமிழக வெற்றிக் கழகம் (தவெக) மற்றும் காங்கிரஸ் கட்சி இடையேயான கூட்டணி விவகாரம் பெரும் சர்ச்சையை ஏற்படுத்தியுள்ளது.

தவெக தரப்பில் இருந்து காங்கிரஸை கூட்டணிக்கு அழைத்ததாகவும், பல நிர்வாகிகள் இதற்கு ஆதரவு தெரிவித்து வந்ததாகவும் தகவல்கள் வெளியாகின.

ஆனால், இந்த முயற்சிகள் அனைத்தும் வெறும் நாடகம் என்றும், திமுகவிடம் கூடுதல் தொகுதிகளைப் பெறுவதற்கும், அதன் மூலம் பெரும் லாபி செய்து கோடிக்கணக்கில் பணம் சம்பாதிப்பதற்காகவே இத்தகைய பேச்சுகள் நடத்தப்பட்டதாகவும் தற்போது உறுதியாகியுள்ளது.காங்கிரஸ் கட்சி தமிழகத்தில் தவெகவுடன் கூட்டணி அமைக்கும் முடிவில் இல்லை என்பது தெளிவாகத் தெரிகிறது.

மாறாக, கேரள சட்டமன்றத் தேர்தலில் நடிகர் விஜய் காங்கிரஸ் கட்சிக்கு ஆதரவு அளித்து பிரசாரம் செய்ய வேண்டும் என்று காங்கிரஸ் தரப்பில் இருந்து பேசப்பட்டதாக தகவல்கள் வெளியாகியுள்ளன.

காங்கிரஸ் மூத்த தலைவர்கள் விஜய்யை கேரளாவில் பிரசாரம் செய்ய அழைத்துள்ளனர், ஏனெனில் கேரளாவில் விஜய்க்கு ரசிகர் பட்டாளம் உள்ளது என்பதால் அங்கு ஆதரவு பெறலாம் என்ற கணக்கு போடப்படுகிறது.

இந்நிலையில், தவெக நிர்வாகிகள் கடைசிவரை கூட்டணி வைப்பதாகக் கூறி தங்கள் கட்சியின் வலிமையை அதிகரித்துக் கொண்டனர் என்றும், ஆனால் காங்கிரஸ் விஜயின் முதுகில் குத்தியுள்ளது என்றும் அரசியல் விமர்சகர்கள் கடுமையாக விமர்சித்து வருகின்றனர்.

தவெக தரப்பு காங்கிரஸுடன் கூட்டணி பேச்சுவார்த்தை நடத்தியபோது, கேரளா, புதுச்சேரி போன்ற மாநிலங்களில் ஆதரவு தருவதாகவும் பேசப்பட்டதாக கூறப்படுகிறது.

ஆனால், காங்கிரஸ் தமிழகத்தில் திமுகவுடன் தொடர்ந்து பேச்சுவார்த்தை நடத்தி வரும் நிலையில், தவெகவை பயன்படுத்தி மட்டுமே தங்கள் கோரிக்கைகளை வலுப்படுத்த முயல்கிறது என்பது தெளிவாகிறது.

திமுக-காங்கிரஸ் இடையே தொகுதி பங்கீடு பேச்சுவார்த்தையில் இழுபறி நீடித்து வரும் சூழலில், காங்கிரஸ் தவெகவுடன் ரகசிய பேச்சு நடத்தியது திமுகவை அழுத்தம் கொடுப்பதற்கான உத்தியாகவே பார்க்கப்படுகிறது.

இறுதியில் காங்கிரஸ் தவெக கூட்டணியை மறுத்து, விஜய்யை கேரளாவில் மட்டும் பயன்படுத்த முயல்வது தவெக தரப்புக்கு பெரும் ஏமாற்றத்தை அளித்துள்ளது.

இந்த சம்பவம் தமிழக அரசியலில் கூட்டணி உத்திகளின் சிக்கலான தன்மையை மீண்டும் வெளிப்படுத்தியுள்ளது. தவெக தனித்து போட்டியிட வேண்டிய நிலைக்கு தள்ளப்பட்டுள்ளதால், 2026 சட்டமன்றத் தேர்தலில் புதிய அணி சமன்பாடுகள் உருவாகலாம் என்ற எதிர்பார்ப்பு எழுந்துள்ளது.

Summary : Actor Vijay's Tamilaga Vettri Kazhagam invited Congress for an alliance in Tamil Nadu. Congress used these talks strategically to negotiate more seats with DMK. Ultimately, Congress declined the alliance in Tamil Nadu and suggested Vijay support them in Kerala elections instead. TVK functionaries feel betrayed by this approach.