மாதத்தில் அந்த மூன்று நாள் இப்படித்தான் இருப்பேன்.. என்னை தேவி**யா என்று சொன்னாலும் கவலை இல்லை.. வித்யா பாலன் பேச்சு..

சமீபத்திய ஒரு நிகழ்ச்சியில் நடிகை வித்யா பாலனிடம் அவரது இன்ஸ்டாகிராம் பக்கத்தில் ரசிகர்கள் எழுதும் கடுமையான கருத்துகள் குறித்து கேள்வி எழுப்பப்பட்டது. 

பாலிவுட் நடிகைகளிடம் இதுபோன்ற கேள்விகள் அடிக்கடி வருவதும், அவர்கள் நேரடியாகப் பதில் சொல்வதும் வழக்கமாகிவிட்டது. அந்த வரிசையில் வித்யா பாலனும் தனது பக்கத்தில் வரும் கருத்துகளைத் தொகுத்துக் காட்டி, அதற்குத் தன் நிலையைத் தெளிவாகச் சொன்னார்.

ஒரு ரசிகர், “மாதத்தில் அந்த மூன்று நாட்கள் உங்களுக்கு எப்படி இருக்கும்?” என்று பீரியட்ஸ் நேரம் பற்றிக் கேட்டிருந்தார். 

இதற்கு வித்யா பாலன் நேரடியாகப் பதிலளித்தார்.“அந்த நேரத்தில் நான் மிகவும் கோபமாக இருப்பேன். சௌகரியமாக இருக்காது. மனநிலை மாறிக்கொண்டே இருக்கும். உடல் வலி அதிகமாக இருக்கும். எப்போது இந்த மூன்று நாட்கள் முடியும் என்றுதான் காத்திருப்பேன். தெரிந்துகொண்டீர்களா? இதைத் தவிர வேறு ஏதாவது தெரிய வேண்டுமா? இதைத் தெரிந்துகொண்டு நீங்கள் என்ன செய்யப் போகிறீர்கள் என்பதை அறிய நான் ஆவலாக இருக்கிறேன்,” என்றார்.

அடுத்ததாக ஒருவர், திரைப்படங்களில் அவர் அணியும் ஆடைகளைச் சுட்டிக்காட்டி, அதேபோல் எப்போதும் அணிவாரா என்று கேட்டு, அதில் கடுமையான வார்த்தையையும் சேர்த்து எழுதியிருந்தார். 

அதற்கு வித்யா பாலன் அமைதியாகவும் உறுதியாகவும் பதில் சொன்னார்.“என்னை தேவி*யா என்று அழைக்க வேண்டும் என்று நீங்கள் விரும்பினால், தைரியமாக அப்படி அழையுங்கள். அதைப் பற்றி எனக்குக் கவலையே இல்லை. ஏனென்றால் அதைப் பற்றிக் கவலைப்பட எனக்கு நேரமில்லை,” என்றார்.

இதைத் தொடர்ந்து மற்றொருவர், “உங்கள் நடவடிக்கைகள் பெண்ணியம் பேசுபவராக இருக்கிறது. அந்த வரிசையில் நீங்கள் ஆண்களை வெறுக்கும் நபராக மாறிவிடுவீர்களோ என்ற அச்சம் இருக்கிறது,” என்று பதிவு செய்திருந்தார்.

இதற்கு வித்யா பாலன் ஒரு வரியில் முடித்தார்.“நான் ஆண்களை Hate செய்பவள் கிடையாது. ஆண்களை Eat செய்பவள். எனக்கு அது மிகவும் பிடிக்கும்.”வித்யா பாலன் நீண்ட காலமாக உடல் தோற்றம், பெண்களின் சுயமரியாதை, சமூக ஊடகக் கருத்துகள் குறித்து வெளிப்படையாகப் பேசி வருபவர். 

இந்தப் பதில்களும் அதே நேர்மையுடன் வந்திருக்கின்றன. கேள்விகளைத் தவிர்க்காமல், நகைச்சுவையுடனும் தெளிவுடனும் பதில் சொல்லும் அவரது பாணி மீண்டும் ஒருமுறை பேசுபொருளாகி இருக்கிறது.

ரசிகர்களின் கருத்துகளுக்கு இப்படி நேரடியாகப் பதில் சொல்வது எளிதல்ல. ஆனால் வித்யா பாலன் அதைத் தயங்காமல் செய்திருக்கிறார். அந்த மூன்று நாட்களின் உடல்நிலை, ஆடை குறித்த கருத்து, பெண்ணியம் குறித்த அச்சம் — மூன்றையும் ஒரே நிகழ்ச்சியில் சந்தித்து, தன் நிலையைத் தெளிவாக்கியிருக்கிறார்.

Summary : At a recent event Vidya Balan answered harsh Instagram comments. On those three days each month she described anger, discomfort, mood changes and pain, then asked what the commenter planned next. She said she had no time for clothing slurs. She does not hate men, she eats them.