கள்ளக்குறிச்சி, நவம்பர் 4: டிக்டாக் செயலியில் அறிமுகமான பெண்ணை விசாரணை செய்யாமல் திருமணம் செய்து, ஆறு ஆண்டுகள் குடும்பம் நடத்திய நிலையில், அவளின் முந்தைய நான்கு திருமண மோசடிகளை அறிந்து அதிர்ச்சியடைந்த சிவகுமார்.
தன்னை 5வது கணவனாக ஏமாற்றிய மனைவி காளீஸ்வரி, இப்போது 6வது கணவருடன் சென்று மாயமானார். இரண்டு குழந்தைகளுடன் தவித்து நிற்கும் இந்த 5வது கணவன், போலீஸ் மற்றும் ஆட்சியரிடம் புகார் அளித்தும் நடவடிக்கை இல்லாததால் தற்கொலை முயன்றார்.
வடிவேலு காமெடி பாணியான இந்த திருமண மோசடி சம்பவம், சமூக ஊடகங்களில் பரபரப்பை ஏற்படுத்தியுள்ளது.கள்ளக்குறிச்சி மாவட்டம் சங்கராபுரம் அருகே மூரார்பாளையம் கிராமத்தைச் சேர்ந்த சிவகுமார் (35), சென்னை துறைமுகத்தில் ஓட்டுனராக பணியாற்றி வருகிறார். 2019ஆம் ஆண்டு டிக்டாக் செயலியில் அறிமுகமான மதுரை மாவட்டம் டி.குன்னத்தூர் கிராமத்தைச் சேர்ந்த காளீஸ்வரி (30) என்பவருடன் பழக்கம் உருவானது.
போன் மூலம் பேசிய காளீஸ்வரி, "முதல் கணவர் பிரிந்து சென்றார், தாய் இறந்துவிட்டேன், சித்தி கொடுமை செய்கிறார்" என கதறி அழுதார். இரக்கத்தால் தூண்டப்பட்ட சிவகுமார், அவளைத் திருமணம் செய்துகொண்டார். இந்தத் தம்பதிக்கு ஒரு ஆண், ஒரு பெண் என இரண்டு குழந்தைகளும் பிறந்தனர். ஐந்து ஆண்டுகள் மகிழ்ச்சியாக வாழ்ந்தனர்.
ஆனால், காளீஸ்வரி அடிக்கடி "உறவினர்களைப் பார்க்க ஆந்திரா போகிறேன்" என கூறி குழந்தைகளுடன் பயணம் மேற்கொண்டார். சில மாதங்களுக்கு முன், யாருக்கும் தெரியாமல் குழந்தைகளை விட்டு மாயமானார். போனில் தொடர்பு கொள்ள மறுத்தவர், சிவகுமாரை தவிக்க வைத்தார்.
சங்கராபுரம் காவல் நிலையத்தில் "மனைவி காணாமல் போனார்" என புகார் அளித்தார். போலீஸ் தொலைபேசி மூலம் அழைத்து விசாரித்தபோது, காளீஸ்வரி "தன்னுடைய விருப்பத்தால் சென்றேன், காணாமல் போகவில்லை" என வாக்குமூலம் கொடுத்து சென்றார்.
வழக்கு முடிவடைந்தது.இதனால் கோபமடைந்த சிவகுமார், காளீஸ்வரியின் தாய் மகாலட்சுமியை மதுரையில் சந்தித்தார். "நீங்கள் உண்மையான தாயா?" எனக் கேட்டதும் கண்கலங்கிய மகாலட்சுமி, "ஆம், 10 மாதம் சுமந்து பெற்ற மகள்" என உறுதிப்படுத்தினார். "அவள் உங்களை சித்தி என ஏமாற்றியுள்ளார். ஏற்கனவே 4 திருமணங்கள் நடந்துள்ளன, நீங்கள் 5வது கணவன். முதல் கணவர் பிரிந்ததாகவே சொன்னார்" என அதிர்ச்சி தகவல் தெரிவித்தார்.
மகாலட்சுமியின் கணவர்கள் பட்டியல்:
- வெங்கடேசன்,சென்னை
- சுரேஷ்குமார்,கோயம்புத்தூர்
- ஜெயராஜ்,
- லிங்குசாமி,
- சிவகுமார்,
- மணிகண்டன், ஆம்பூர்
முதல் நான்கு கணவர்களுடைய திருமண புகைப்படங்களையும் காட்டி உறுதிப்படுத்தினார். "இப்போது ஆம்பூர் மணிகண்டனுடன் 6வது திருமணம் செய்து வாழ்கிறார்" என மேலும் அதிர்ச்சியளித்தார். மேலும், "அவள் ஏமாற்றிய நான்கு கணவர்களில் இருவர் இறந்துவிட்டனர்" எனவும் தெரிவித்தார்.
ஆதாரங்களுடன் சிவகுமார் சங்கராபுரம் காவல் நிலையம், கள்ளக்குறிச்சி காவல் கண்காணிப்பாளர் அலுவலகம், விழுப்புரம் மண்டல காவல்துறை தலைவர் அலுவலகம் உள்ளிட்ட இடங்களில் புகார் அளித்தார். ஆனால், நடவடிக்கை இல்லை.
52 நாட்கள் கழித்து, "எந்தத் தகவலும் இல்லை, ரெண்டு போலீஸ் போட்டு துரத்துவோம்" என அச்சுறுத்தப்பட்டதாக சொல்லும் சிவகுமார், கார்நம்பர் கொடுத்தும் டிரேஸ் செய்யப்படவில்லை என புலம்பினார்.
"எல்லா அதிகாரமும் என்கிட்ட இருக்கு, ஆனா கேச் எடுக்க மாட்டாங்க. குழந்தைகளோட சூசைடு பண்ணிக்கேன்" என வீடியோவில் அழுதார். உறவினர்கள் தடுத்தனர். இறுதியாக, கள்ளக்குறிச்சி மாவட்ட ஆட்சியரிடம் புகார் அளித்தார்.
5வது கணவனின் வேதனை: "அம்மா அம்மா என அழுது கதறுகின்றன குழந்தைகள்"
ஆட்சியரிடம் புகார் அளிக்கும் போது சிவகுமார் கூறியது:"இதுவரைக்கும் 52 நாளா நான் என் பசங்கள தூக்கிட்டு அழிஞ்சிட்டு இருக்கறேன். எந்த ஒரு தகவலுமே, நடவடிக்கையுமே இல்லை. கேட்டா 'ரெண்டு போலீஸ் போட்டு விடுறேன், போங்க'ன்னாங்க.
கார் நம்பர் கொடுத்தேன், ட்ரேஸ் அவுட் பண்ணல. எல்லா அதிகாரமே என்கிட்ட இருக்கு சார், ஆனா எந்த கேசுமே எடுக்க மாட்டாங்க. நான் குழந்தைகளோட சூசைட் பண்ணிக்கேன்.
'நீ போய் செத்து போயிடு, எங்களுக்கு என்ன நீ பூமிக்கு இருந்து பாரம்'ன்னு சொன்னாங்க. இந்த மாதிரி தகவல் சொன்னா மனசாட்சி செல்லல. வந்து என் பசங்கள வச்சிட்டு மருந்து வாங்கிட்டு வந்து வீடியோ போட்டேன், ஸ்டேஷனுக்கே அனுச்சு விட்டேன். அப்பயும் நடவடிக்கை எடுக்கல."மேலும், காளீஸ்வரி வீட்டை விட்டு வெளியேறும்போது 3 சவரன் தங்க நகைகள், 3 லட்சம் ரூபாய் பணம் எடுத்துச் சென்றதாகவும், அக்கம்-பக்கம் 60,000 முதல் 7 லட்சம் வரை கடன் வாங்கியதாகவும் தெரிவித்தார்.
"இரண்டு மாசமா கடன் வாங்கி சாப்பிட்டுட்டு இருக்கேன். வேலைக்கு போகல, குழந்தைகளை விட்டு போக முடியாது" என அவர் கூறினார். தனது இரு குழந்தைகளையும் போலீஸிடம் ஒப்படைத்து, "குழந்தைகள் நல பாதுகாப்பு விடுதியில் சேர்த்து பாதுகாக்க வேண்டும்" என வேதனை தெரிவித்தார்.
6வது கணவர் மணிகண்டன் கூறியது: "இப்ப வந்து என் வீட்ல நகை, மூணு சவரன் தங்க நகை எடுத்துட்டே போயிட்டாங்க. அக்கம்-பக்கம் பணம் வாங்கிருக்கறாங்க. 60,000-7 லட்சம் வரைக்கும், லோன் ஆறு-ஏழு எடுத்துருக்காங்க. 3 லட்சம் வரைக்கும் வரும் சார்."
போலீஸ் நடவடிக்கை: கைது வேண்டும்
சிவகுமார் கோரிக்கை: "அவங்க எவிடன்ஸ் எல்லாமே இங்க இருக்கு. டேஷன்ல, கலெக்டர் ஆபீஸ்ல, எஸ்பி ஆபீஸ்ல காட்டினேன். அவங்க மேல நடவடிக்கை எடுக்கணும், அரெஸ்ட் வரண்ட் கொடுக்கணும்.
சரியான தண்டனை வாங்கி கொடுக்கணும். என் பசங்க நைட்ல 'அம்மா அம்மா'ன்னு அழுது 50 தடவை கூப்பிடறது என்னால தாங்க முடியல. அவங்கள ஜெயில்ல தண்டனை அனுபவிக்கணும்."இளம்பெண் திருமண மோசடியில் ஈடுபட்டு ஆறாவது கணவருடன் சென்ற நிலையில், 5வது கணவனுக்கு பிறந்த இரண்டு பச்சிளம் குழந்தைகள் தாயில்லாமல் தவிக்கும் காட்சி, காண்போரை கண்கலங்க வைக்கிறது.
கள்ளக்குறிச்சி போலீஸ், இந்தப் புகாருக்கு உடனடி நடவடிக்கை எடுக்கும் என எதிர்பார்க்கப்படுகிறது. சமூக ஊடகங்களில் வைரலாகி வரும் இந்தச் சம்பவம், டிஜிட்டல் ஏமாற்றங்களுக்கு எச்சரிக்கை அளிக்கிறது.
Summary : In a bizarre Kallakurichi marriage scam, Sivakumar married TikTok acquaintance Kaleeswari in 2019, unaware of her four prior husbands. After five years and two children, she fled with gold and cash for her sixth marriage. Police ignored complaints; desperate Sivakumar, kids in tow, approached the District Collector, threatening suicide amid heartbreak.
