தயாரிப்பாளர் கே.ராஜன் தற்கொலஐ! மனதை உலுக்கும் புகைப்படங்கள்!

சென்னை : பிரபல தமிழ் திரைப்பட இயக்குனரும், தயாரிப்பாளருமான கே.ஆர். ராஜன் (73) இன்று மாலை சென்னை அடையாறு ஆற்றில் குதித்து தற்கொலை செய்து கொண்டார்.

இந்த சம்பவம் திரையுலகினர் மற்றும் பொதுமக்கள் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது.

பாலத்தில் இருந்து திடீரென குதித்தார்

இன்று மாலை கே.ஆர். ராஜன் தனது காரில் அடையாறு பாலம் வழியாகச் சென்று கொண்டிருந்தார். அப்போது எதிர்பாராதவிதமாக, காரை ஓரமாக நிறுத்துமாறு தனது ஓட்டுநரிடம் கூறியுள்ளார்.

கார் நின்றவுடன் திடீரென கீழே இறங்கிய அவர், கண் இமைக்கும் நேரத்தில் அடையாறு பாலத்தின் மேலிருந்து ஆற்றில் குதித்தார்.

இதனால் பதறிப்போன ஓட்டுநர், உடனடியாக அக்கம் பக்கத்தினரை உதவிக்கு அழைத்து கூச்சலிட்டார். பொதுமக்களின் உதவியுடன் உடனடியாக அடையாறு காவல் துறையினருக்கும், தீயணைப்பு துறையினருக்கும் தகவல் தெரிவிக்கப்பட்டது.

1 மணி நேர தேடலுக்குப் பின் உடல் மீட்பு

தகவல் அறிந்து சம்பவ இடத்திற்கு விரைந்து வந்த அடையாறு போலீசார் மற்றும் தீயணைப்பு படை வீரர்கள், ஃபைபர் படகுகள் மூலம் ஆற்றில் தீவிர தேடுதல் வேட்டையில் ஈடுபட்டனர். சுமார் ஒரு மணி நேரப் போராட்டத்திற்குப் பிறகு கே.ஆர். ராஜனின் உடல் மீட்கப்பட்டது.

அவருடைய உடல் உடற்கூறாய்விற்காக உடனடியாக அரசு மருத்துவமனை சவக்கிடங்கிற்கு அனுப்பி வைக்கப்பட்டுள்ளது.

யார் இந்த கே.ஆர்.ராஜன்?

• திரைப்படப் பின்னணி: 1953-ம் ஆண்டு பிறந்த கே.ஆர். ராஜன், 1972-ல் சென்னை அடையாறு திரைப்படக் கல்லூரியில் திரைப்படச் செயலாக்கப் பிரிவில் பயின்றார்.
• ஆரம்பகால பணி: 1975-ல் பட்டம் பெற்ற பிறகு, சென்னை தூர்தர்ஷன் கேந்திரத்தில் தொழில்நுட்ப வல்லுநராகத் தன் பணியைத் தொடங்கினார். பின்னர் திரைப்படத் துறையில் இயக்குனராகவும் தயாரிப்பாளராகவும் முத்திரை பதித்தார்.
• சமூகப் பணி: வடசென்னையின் சஞ்சீவிராயன் தெரு பகுதியில் நீண்ட காலமாக வசித்து வந்த அவர், அங்கு பெருந்தலைவர் காமராஜர் பெயரில் பள்ளி ஒன்றை நடத்தி வந்ததாக அவருடைய உறவினர்கள் தெரிவித்துள்ளனர்.

தற்கொலைக்கான காரணம் என்ன? போலீசார் விசாரணை

73 வயதான மூத்த கலைஞர் கே.ஆர். ராஜன் எதற்காக இந்த முடிவை எடுத்தார் என்பதற்கான அதிகாரப்பூர்வ காரணங்கள் இன்னும் வெளியாகவில்லை.

முதற்கட்ட தகவலின் அடிப்படையில், நிதி பிரச்சனை மற்றும் பணம் கொடுக்க வேண்டியவர்கள் கொடுக்காமல் இழுத்தடித்தது போன்ற காரணங்களால் கடந்த சில நாட்களாகவே கடும் மன உளைச்சலில் இருந்துள்ளார் என்று கூறுகின்றனர். இது தொடர்பாக அடையாறு போலீசார் வழக்குப்பதிவு செய்து தீவிர விசாரணை மேற்கொண்டு வருகின்றனர்.

அவருடைய குடும்பத்தினருக்கும் உறவினர்களுக்கும் தகவல் கொடுக்கப்பட்டுள்ளது. உறவினர்களிடம் விசாரணை நடத்தப்பட்ட பிறகே தற்கொலைக்கான உண்மையான பின்னணி தெரியவரும் என காவல் துறை தரப்பில் தெரிவிக்கப்பட்டுள்ளது.

தயாரிப்பாளர் கே.ஆர். ராஜனின் மறைவுச் செய்தி கேட்டு அதிர்ச்சியடைந்த திரையுலகினர் மற்றும் உறவினர்கள், சென்னை அரசு மருத்துவமனைக்கும் அவருடைய இல்லத்திற்கும் விரைந்து வண்ணம் உள்ளனர். திரையுலகமே தற்போது ஆழ்ந்த சோகத்தில் மூழ்கியுள்ளது.

Summary : Renowned Tamil film director and producer K.R. Rajan passed away in Chennai after jumping into the Adyar river from a bridge. The seventy-three-year-old filmmaker was traveling in his car when he suddenly stopped the vehicle and took the tragic step. Emergency services recovered his body, and police are investigating the incident.