ஒரு காலத்தில் பள்ளியில் தன்னை அதட்டி, மிரட்டிய ஆசிரியையின் உயிரைப் பிற்காலத்தில் தன் கைகளால் காப்பாற்றிய மருத்துவரின் நெகிழ்ச்சியான கதை இணையத்தில் பரவி வருகிறது.
டெரெக் (அல்லது டேவிட்) என்ற மாணவர் தன் பள்ளிப் பருவத்தில் தனது ஆசிரியையால் அடிக்கடி கடுமையாக அதட்டப்பட்டதாகவும், மிரட்டப்பட்டதாகவும் கூறப்படுகிறது. அந்தக் கடுமையான நடத்தை அவரது மனதில் ஆழமாகப் பதிந்திருந்தது.
ஆனால் காலம் மாறியது. டெரெக் வளர்ந்து சிறந்த மருத்துவராக உருவெடுத்தார். ஒரு நாள், அவரது மருத்துவமனைக்கு அந்தப் பழைய ஆசிரியை உடல்நிலை சரியில்லாமல் அனுமதிக்கப்பட்டார். உயிருக்குப் போராடிக் கொண்டிருந்த அவருக்கு டாக்டர் டெரெக் தீவிர சிகிச்சை அளித்து, உயிரைக் காப்பாற்றினார்.
சிகிச்சை முடிந்த பிறகு, அந்த மருத்துவர் ஒரு கடிதத்தை ஆசிரியையிடம் கொடுத்தார். அதில், “உங்களுடைய மருத்துவமனை கட்டணங்கள் அனைத்தையும் நானே செலுத்துகிறேன்” என்று எழுதியிருந்தார். பின்னர், அவர் தன்னை அறிமுகப்படுத்தினார்: “நான் தான் உங்களுடைய பழைய மாணவன் டேவிட் (டெரெக்)”.
இந்த வெளிப்பாடு அந்த ஆசிரியையை அதிர்ச்சியிலும், நெகிழ்ச்சியிலும் ஆழ்த்தியது. கண்ணீர் மல்க, தன் மாணவனை இறுக்கிக் கட்டிக்கொண்ட அவர், “நன்றி... மிக்க நன்றி!” என்று திரும்பத் திரும்பக் கூறினார்.
மேலும் உணர்ச்சி பொங்க, அந்த ஆசிரியை பின்வருமாறு கூறினார்:“நான் இப்போதுதான் என்னுடைய வாழ்க்கைக்கான அர்த்தத்தை உணர்கிறேன். ஒரு ஆசிரியராக நான் வெற்றி பெற்று விட்டேன்!”
இந்த நிகழ்வு பலரை நெகிழ்ச்சியடையச் செய்துள்ளது. கடுமையான கட்டுப்பாட்டுடன் மாணவர்களை வழிநடத்தும் ஆசிரியர்களின் நோக்கமும், மாணவர்களின் வாழ்க்கையில் அவர்கள் ஏற்படுத்தும் ஆழமான தாக்கமும் இந்தக் கதையில் தெளிவாகப் பிரதிபலிக்கிறது. வெறுப்பை அன்பாக மாற்றும் இந்த மனிதாபிமானக் கதை, உண்மையிலேயே ஊக்கமளிக்கும் ஒன்றாகும்.
ஆசிரியர்-மாணவர் உறவின் அழகை நினைவூட்டும் இந்த நிகழ்வு, சமூக ஊடகங்களில் பெரும் வரவேற்பைப் பெற்று வருகிறது.
English Summary : A former student, who was strictly corrected by his teacher during school days, later became a doctor. When the same teacher was admitted for treatment, he successfully cared for her and covered all her hospital expenses. He then revealed his identity. Deeply moved, the teacher embraced him and felt proud of her role as an educator.
