தெலுங்கானா : திருமண மண்டபம் முழுக்க உறவினர்கள், இசை, மலர்கள் என பரபரப்பாக இருந்தது. நாளை காலை விடிந்ததும் திருமணம் நடக்க இருந்த நிலையில், மணப்பெண்ணின் கண்களில் சந்தேகத்தின் நிழல் படர்ந்தது. அந்த சந்தேகம் அவரது வாழ்க்கையையே காப்பாற்றிய அதிர்ச்சி நிகழ்வு இப்போது தெலுங்கானா போலீசாரை அதிர வைத்துள்ளது.
சம்பவம் தெலுங்கானாவின் ஒரு புறநகர் பகுதியில் நடந்தது. 24 வயதான அனுஷா (பெயர் மாற்றப்பட்டது) எனும் இளம்பெண்ணுக்கு அவரது தாயார் பத்மா (45) மூலமாக ரவி (28) என்பவருடன் திருமணம் நிச்சயிக்கப்பட்டது.
பத்மா அனுஷாவின் நேரடி தாய் கிடையாது. அனுஷாவுடைய அம்மா இறந்து விட, பத்மாவை இரண்டாவதாக திருமணம் செய்து கொண்டார் அனுஷாவின் தந்தை ஜப்பர் சிங். கொரோனா காலத்தில் ஜப்பர் சிங் இறந்துவிட, பத்மாவும், அனுஷாவும் தனிமையில் இருந்தனர்.
குடும்ப சொத்துக்கள் அனைத்தையும் தன்னுடைய மகள் அனுஷாவின் பெயரில் எழுதி வைத்திருந்தார் ஜப்பர் சிங்.
திருமணம் ஏற்பாடுகள் நடந்தது. உறவினர்கள் குவிந்தனர். ஆனால், திருமணத்திற்கு முந்தைய இரவு, அனுஷாவுக்கு ஏதோ சரியில்லை எனத் தோன்றியது. தாயார் பத்மாவும், வருங்கால கணவர் ரவியும் ஒருவருக்கொருவர் பார்த்த விதம், பேசிய விதம், சிரித்த விதம் — இவை அனுஷாவின் மனதில் சந்தேகத்தை ஏற்படுத்தின.;
எந்தப் பெண்ணும் தன் திருமண நாளில் இப்படி ஒரு சந்தேகத்தை எதிர்கொள்ளக் கூடாது என நினைத்த அனுஷா, ஒரு துணிச்சலான முடிவெடுத்தார்.
மென்பொருள் பணியாளரான அனுஷா, ரவியிடம் சாக்கு சொல்லி அவரது செல்போனை வாங்கினார். “ஒரு முக்கிய போன் கால் பண்ண வேண்டும்” எனக் கூறி, தனது அறைக்கு எடுத்துச் சென்று கதவை உள்நோக்கி பூட்டிக்கொண்டார்.;
டெலிட் செய்யப்பட்ட புகைப்படங்கள் மற்றும் வாட்ஸ்அப் சாட்களை மீட்டெடுக்கும் தொழில்நுட்பம் அவருக்கு நன்றாகத் தெரியும். ரீசைக்கிள் பின்னில் மறைந்திருந்த புகைப்படங்களை ரீஸ்டோர் செய்து பார்த்த அனுஷா அதிர்ச்சியில் உறைந்து போனார்.
அந்த புகைப்படங்களில் அவரது தாயார் பத்மாவும், ரவியும் அந்தரங்கமான கோலத்தில் இருந்தனர். உடனடியாக அந்த புகைப்படங்களை தன் வாட்ஸ்அப்புக்கு அனுப்பி வைத்த அனுஷா, அறையில் இருந்து வெளியே வந்தார். ரவியிடம் நேரடியாக புகைப்படங்களை காட்டினார்.
ரவி அதிர்ச்சியில் திகைத்து நின்றார். உடனே அனுஷா“எல்லோரும் இங்கே வாருங்கள்!” எனக் கத்தினார். உறவினர்களை அழைத்து வந்து, “பாருங்கள், இவன் என் தாய் என்ன செய்திருக்கிறாள்” என புகைப்படங்களை காட்டினார். ஆனால் உண்மை வெளியானது வேறு விதமாக.
கோபமடைந்த உறவினர்கள் ரவியை சுற்றி நின்று கடுமையாக தாக்கத் தொடங்கினர். சிலர் பத்மாவையும் கடுமையாக திட்டி அடிக்க முயன்றனர். மண்டபம் கலவரமாக மாறியது.;
உடனடியாக தகவல் அறிந்த போலீசார் மண்டபத்திற்கு விரைந்து வந்து நிலைமையை கட்டுக்குள் கொண்டு வந்தனர்.
போலீஸ் விசாரணையில் பரபரப்பான உண்மைகள் வெளியாயின. பத்மா ஒரு விதவை. தன் கணவரை இழந்த பிறகு மகள் அனுஷாவை தனியாக வளர்த்து வந்தவர். வேலைக்குச் செல்லும் இடத்தில் ரவியுடன் பழக்கம் ஏற்பட்டது. அது படிப்படியாக கள்ளத்தொடர்பாக மாறியது. இருவரும் நீண்ட காலமாக இரகசிய உறவில் இருந்தனர்.
“வெளியில் யாருக்கும் சந்தேகம் வராமல், எப்போதும் உல்லாசமாக இருக்க வேண்டும், சொத்துக்கள் எல்லாம் நம்முடைய கைக்கு வரவேண்டும் என்றால், என் மகளையே நீ திருமணம் செய்துகொள்” என பத்மா ரவியிடம் கூறியதாக விசாரணையில் தெரியவந்தது. அதன்படி, அனுஷாவுக்கு ரவியுடன் திருமணம் நிச்சயிக்கப்பட்டது. இந்தக் கொடூர திட்டத்தை செயல்படுத்த முயன்ற தாயின் செயல் அனைவரையும் அதிர்ச்சியில் ஆழ்த்தியது.
சரியான நேரத்தில் அனுஷாவுக்கு ஏற்பட்ட சந்தேகமும், அவர் எடுத்த துணிச்சலான நடவடிக்கையும் அவரது வாழ்க்கையை காப்பாற்றியது. இருவரும் கைது செய்யப்பட்டு தீவிர விசாரணை நடைபெற்று வருகிறது.
இந்த சம்பவம் திருமணத்துக்கு முன் பெண்களுக்கு ஏற்படும் சந்தேகங்களை கவனமாக ஆராய வேண்டியதன் அவசியத்தை நினைவூட்டுகிறது. ஒரு பெண்ணின் துணிச்சல், அவளது எதிர்காலத்தை மட்டுமல்ல, ஒரு பெரிய சதியையும் தோலுரித்துள்ளது.
English Summary : In Telangana, a bride noticed suspicious interactions between her mother and the groom on the eve of her wedding. Using her technical skills, she recovered deleted photos from his phone showing their close relationship. She confronted them, leading to chaos at the venue. Police investigation revealed the mother had arranged the marriage to continue her long association with the man. The timely action saved the bride's future.
