பெங்களூரு, 2009... ஒரு பள்ளியின் அமைதியான கல்விச் சூழல் திடீரென பெரும் பரபரப்புக்குள்ளானது. 12ஆம் வகுப்பு படித்து வந்த மாணவி லாவண்யா (பெயர் மாற்றப்பட்டது) காலை வகுப்பின் நடுவில் “கழிவறைக்குச் செல்கிறேன்” என்று சொல்லிவிட்டு வெளியே சென்றாள். ஆனால் இரண்டு மணி நேரம் கடந்தும் அவள் வகுப்புக்கு திரும்பவில்லை.
முதலில் சந்தேகம் கொண்ட நண்பர்கள் கழிவறைப் பகுதிக்குச் சென்று பார்த்தனர். ஒரு அறையின் கதவு உள்பக்கமாகப் பூட்டப்பட்டிருந்தது. உள்ளே இருந்து வினோதமான சத்தம் கேட்டது.
பயந்துபோன மாணவிகள் உடனடியாக ஆசிரியர்களுக்கு தகவல் கொடுத்தனர். ஆசிரியர்கள் பலமுறை கதவைத் தட்டியும், அழைத்தும் பலனில்லை. இறுதியில் போலீசாருக்கு தகவல் தெரிவிக்கப்பட்டது.
பள்ளியில் பரபரப்பு அதிகரித்த நிலையில், உள்ளே இருந்து ஒரு பிறந்த குழந்தையின் அழுகை சத்தம் வெளியே கேட்டது. மொத்த பள்ளியும் அதிர்ச்சியில் உறைந்தது. மாணவர்களின் பாதுகாப்பைக் கருத்தில் கொண்டு பள்ளி நிர்வாகம் உடனடியாக விடுமுறை அளித்து மாணவர்களை வெளியேற்றியது.
போலீசார் விரைந்து வந்து கதவை உடைத்து உள்ளே நுழைந்தபோது கண்ட காட்சி அவர்களையே அதிர்ச்சியில் ஆழ்த்தியது.
லாவண்யா மயக்க நிலையில் தரையில் கிடந்தாள். அருகில் ஒரு நவம்பிறந்த குழந்தை ரத்த வெள்ளத்தில் அழுதுகொண்டிருந்தது. உடனடியாக இருவரும் மருத்துவமனைக்கு அழைத்துச் செல்லப்பட்டனர்.
மருத்துவர்கள் சோதனை செய்ததில் லாவண்யா அதிகப்படியான இரத்தப்போக்கு காரணமாக உயிரிழந்திருப்பது உறுதியானது. குழந்தை உயிருடன் இருந்தது.
விஷயம் காட்டுத்தீ போல பரவியது. பள்ளியில் இருப்பவர்கள் தான் இந்த கொடூரத்திற்கு காரணமாக இருக்க முடியும் என்று பேச்சுகள் எழுந்தன. அக்கம் பக்கத்து கிராமத்தினர் ஒன்று திரண்டு பள்ளியை அடித்து சிதைத்தனர்.
விசாரணையில் வெளியான உண்மை
போலீசார் வழக்குப் பதிவு செய்து விசாரணையைத் தீவிரப்படுத்தினர். விசாரணையில் பெரும் அதிர்ச்சி காத்திருந்தது. லாவண்யாவின் தந்தை மீண்டும் திருமணம் செய்துகொண்டதால் அவரது இரண்டாவது மனைவி மீனா (பெயர் மாற்றப்பட்டது) இந்த மாணவிக்கு சித்தியாக இருந்தார்.
விசாரணையில் மீனா, லாவண்யாவை தவறான பாதையில் செலுத்தி பணம் சம்பாதிக்கப் பயன்படுத்தியிருப்பது தெரியவந்தது.
அதன் விளைவாகவே லாவண்யா கர்ப்பமாகியிருந்ததும் வெளியானது. இந்தச் சம்பவம் பெங்களூரு முழுவதும் பெரும் பரபரப்பை ஏற்படுத்தியது.
மீனா போலீசாரால் கைது செய்யப்பட்டு சிறையில் அடைக்கப்பட்டார். முழு விசாரணையும் நடைபெற்று வருகிறது.
இந்தச் சம்பவம் பெற்றோர்களுக்கு ஒரு பெரிய எச்சரிக்கையாக அமைந்தது. குழந்தைகளின் நலனில் கவனம் செலுத்த வேண்டியதன் அவசியத்தை இது மீண்டும் நினைவூட்டுகிறது.
English Summary : In 2009 Bangalore, a 12th standard girl went to the school restroom and did not return for nearly two hours. Her friends heard strange sounds and alerted teachers. Police broke open the locked door and found the girl unconscious with a newborn baby. She passed away due to excessive bleeding. Investigation revealed her stepmother’s involvement in the matter. The stepmother was arrested.
