திருச்சி மாவட்டத்தின் மணப்பாறை அருகே, குளத்துப்பட்டியின் அமைதியான கிராமத்தில், ஒரு சாதாரண குடும்பம் வாழ்ந்து வந்தது. பிரபாகரன் – வயது 32.
டாஸ்மாக் பாரில் ஊழியராக பணியாற்றி, குடும்பத்தை கவனித்து வந்தான். அவனுக்கு அபிராமி என்ற மனைவி. இரு குழந்தைகள் – ஒன்பது வயது மகன், ஆறு வயது மகன். வெளியில் பார்க்கும்போது எல்லாம் சரியாகத் தெரிந்தது. ஆனால் வீட்டுக்குள் ஒரு ரகசியம் புதைந்திருந்தது.
அபிராமிக்கும், அவளது உறவினரான பிரபு என்கிற பப்ளுவுக்கும் நீண்ட காலமாகத் திருமணத்தை மீறிய உறவு இருந்து வந்தது. இரவுகளில் தனிமையில் சந்திப்பு, பேச்சு, தொடர்பு – எல்லாமே ரகசியமாக நடந்து கொண்டிருந்தது. பிரபாகரனுக்கு ஒரு நாள் அது தெரிய வந்தது.
"இது தப்பு, அபிராமி. குடும்பம், குழந்தைகள்... இதெல்லாம் ரொம்ப பெரிய பிரச்சினையாகிடும். தயவு செஞ்சு இதை நிறுத்து," என்று அவன் மென்மையாக, கோபப்படாமல் கேட்டான்.
கண்டிப்பில்லாமல், கனிவுடன் எச்சரித்தான். ஆனால் அபிராமியின் மனதில் அந்த வார்த்தைகள் ஆணியடித்த மாதிரி ஆழமாகப் பதிந்தன – ஆனால் கோபமாக, வெறுப்பாக.
'இவன் இருந்தா எங்களுக்கு இடையூறு தானே... இவனை தீர்த்துவிட்டா, நாம ஃப்ரீயா இருக்கலாமே?' என்ற எண்ணம் அவள் மனதில் வேரூன்றியது. பிரபுவிடம் சொன்னாள். அவனும் சம்மதித்தான். "அடுத்து என்ன செய்யலாம்?" என்று திட்டமிட்டார்கள்.
பிப்ரவரி 12-ம் தேதி இரவு. பிரபாகரன் வேலையில் இருந்து திரும்பினான். அபிராமி அவனை அழைத்தாள். "இன்னிக்கு கொஞ்சம் பேசணும்... எனக்கு என்னமோ திருப்தியே இல்ல.. வெளியே போயிட்டு வரலாமா.." என்று இனிமையாக பேசி கணவனை வெளியே அழைத்து சென்றாள் அபிராமி.. அங்கே, பிரபு, அவனது நண்பன் சரவணன் ஆகியோர் காத்திருந்தார்கள்.
மது – அளவுக்கு அதிகமாகக் கொடுத்தார்கள். நல்லா ஊத்துங்க.. என்று சொல்லி பிரபாகரன் சுயநினைவு இழக்கும் அளவுக்கு ஊத்தி கொடுத்தார்கள். மது போதையில் மட்டையானார் பிரபாகரன்.
சுற்றிலும் இருட்டு, கண்ணுக்கு எட்டிய தூரம் ஆள் இல்லை.. அவர்கள் கழுத்தை நெறித்தார்கள். அந்த போதையிலும், உயிர் பிரியும் வரை போராடினான். ஆனால் மூவரும் சேர்ந்து முடித்து விட்டார்கள். பின்னர் சடலத்தை சாலையோரம் உள்ள புளிய மரத்தடியில் வீசிவிட்டு தப்பினார்கள். "விபத்துல செத்துட்டான்" என்று நாடகமாடத் திட்டமிட்டார்கள்.
மறுநாள் காலை, சடலம் கண்டுபிடிக்கப்பட்டது. போலீசார் வந்தனர். உடற்கூறு ஆய்வில் கழுத்து நெறிக்கப்பட்டிருப்பது தெரிந்தது. கொலை வழக்காக மாறியது. விசாரணை தொடங்கியது.
அபிராமி முதலில் நடித்தாள். "ஐயோ... என் புருஷன் போயிட்டானே!" என்று கண்ணீர் விட்டு அழுதாள். ஆனால் போலீசாரைப் பார்க்கும் போதெல்லாம் கண்கள் டபக் டபக் என்று உருளின. பதில் முரண்பட்டது. "நான் வீட்டுக்குப் போனேன்... இல்ல, அவர் செத்துட்டாரு..." என்று தடுமாறினாள்.
அதட்டல், கிடுக்குப்படி விசாரணை. இறுதியில் உண்மை வெளியே வந்தது. அபிராமியின் வாயிலிருந்து கொடூரமான சதி வெளிப்பட்டது. பிரபு தலைமறைவானான், ஆனால் பின்னர் குற்றவியல் நீதிமன்றத்தில் சரணடைந்தான். சரவணனும் கைது செய்யப்பட்டான்.
மணப்பாறை முழுவதும் அதிர்ச்சி. இரு குழந்தைகளின் தாய், தன் கணவனைத் தீர்த்துக் கட்டிய கொடூரம். தகாத உறவுக்கு இடையூறாக இருந்ததால், காதலனை ஏவி கணவனைக் கொன்ற மனைவி. காதலனுக்கு ஏற்கனவே பல குற்ற வழக்குகள். மூவரும் சிறையில்.
இன்று அந்த குளத்துப்பட்டியில் புளிய மரம் நின்ற இடத்தில் இன்னும் அமைதி இல்லை. காற்றில் ஒரு புலம்பல் கேட்பது போல இருக்கிறது – "காதல் கண்ணில்லை... ஆனால் அது கொலைக்குக் கண்ணா ஆகிவிடக் கூடாது."
இது ஒரு கதை இல்லை. உண்மை. மணப்பாறையை உலுக்கிய கொடூர சம்பவத்தின் நிழல் இன்னும் அங்கு நீள்கிறது.
Summary in English : In Trichy district near Manapparai, a TASMAC employee was found dead by a tree. Police investigation revealed his wife and her associate planned and caused his death due to an extramarital relationship. All involved were arrested
