முறை தவறிய காதலியுடன் ஜெய்சங்கர் பட ஸ்கெட்ச்.. வழுக்கி விழுந்த மனைவி! “இந்த மாமனோட மனசு..”

திருவள்ளூர் மாவட்டம், பொன்னேரி அருகே பெரும்பேடு கிராமத்தில் பி.எட். இரண்டாம் ஆண்டு பயின்று வந்த 20 வயது இளம்பெண் ஒருவரை கணவன் கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

பெரியபாளையம் அடுத்த பூரிவாக்கம் கிராமத்தைச் சேர்ந்த கௌசல்யா (20) என்பவருக்கும், பொன்னேரி பெரும்பேடு கிராமத்தைச் சேர்ந்த கொத்தனார் வேலை செய்யும் ராஜேஷ் (31) என்பவருக்கும் கடந்த ஐந்து மாதங்களுக்கு முன்பு உறவினர் முறையில் திருமணம் நடைபெற்றது. திருமணத்திற்குப் பிறகும் கௌசல்யா பொன்னேரியில் உள்ள தனியார் கல்லூரியில் பி.எட். படிப்பைத் தொடர்ந்து வந்தார்.

கடந்த சனிக்கிழமை (பிப்ரவரி 7, 2026) மாலை ராஜேஷ் வேலைக்குச் சென்றுவிட்டு வீடு திரும்பியபோது, தனது மனைவி கௌசல்யா சமையலறையில் எண்ணெய் வழுக்கி விழுந்து தலையில் அடிபட்டு உயிரிழந்துவிட்டதாகக் கூறி, மாமனார் முருகனுக்கு தகவல் தெரிவித்தார். 

மேலும், மருத்துவமனைக்கு அழைத்துச் சென்றபோது டாக்டர்கள் உயிரிழந்துவிட்டதாகக் கூறியதாகவும் அவர் தெரிவித்தார்.

ஆனால், சம்பவ இடத்திற்கு விரைந்து வந்த கௌசல்யாவின் தந்தை முருகன், மகளின் தலையில் மட்டுமின்றி முகம் உள்ளிட்ட பகுதிகளிலும் காயங்கள் இருந்ததைக் கண்டு சந்தேகம் கொண்டார். இது இயற்கையான விபத்து அல்ல என்று கருதி, பொன்னேரி காவல் நிலையத்தில் புகார் அளித்தார்.

புகாரின் பேரில் பொன்னேரி போலீசார் ராஜேஷை காவல் நிலையத்திற்கு அழைத்துச் சென்று தீவிர விசாரணை நடத்தினர். விசாரணையில் திடுக்கிடும் உண்மைகள் வெளியாகின:

• ராஜேஷுக்கு, செங்குன்றம் அடுத்த காந்தி நகரைச் சேர்ந்த தீபிகா (21) என்பவருடன் தவறான தொடர்பு இருந்து வந்துள்ளது. தீபிகா ராஜேஷின் தங்கை முறை உள்ள சித்தியின் மகள் என்று கூறப்படுகிறது. 
• இத்தொடர்பை அறிந்த இரு குடும்பத்தினரும் கண்டித்ததால், தடையை நீக்கும் வகையில் ராஜேஷுக்கும் கௌசல்யாவுக்கும் அவசரமாகத் திருமணம் நடத்தி வைக்கப்பட்டது.
• திருமணத்திற்குப் பிறகும் ராஜேஷ் தீபிகாவுடனான தொடர்பைத் தொடர்ந்து வந்துள்ளார்.
• கௌசல்யா உயிருடன் இருக்கும் வரை தங்களால் ஒன்றாக இருக்க முடியாது எனக் கருதிய ராஜேஷும் தீபிகாவும் சேர்ந்து கொலைத் திட்டம் தீட்டியதாகத் தெரியவந்துள்ளது.
• தீபிகா ராஜேஷை தூண்டியதாகவும், சம்பவ நாளில் ராஜேஷ் வேலைக்குச் சென்றது போல வெளியே சென்று, யாருக்கும் தெரியாமல் வீடு திரும்பி, கௌசல்யாவைத் தாக்கி, தலையணையால் முகத்தை அழுத்தி மூச்சுத் திணற வைத்து, திமிறியபோது அடித்து சித்திரவதை செய்து கொலை செய்துள்ளார்.
• கொலைக்குப் பிறகு சமையலறையில் எண்ணெய் ஊற்றி, வழுக்கி விழுந்து தலையில் அடிபட்டு இறந்தது போல நாடகமாடி, மாமனாருக்கு தகவல் தெரிவித்துள்ளார்.

பிரேத பரிசோதனை அறிக்கையிலும் கொலைக்கான அறிகுறிகள் உறுதியாகியுள்ளன. 

இதையடுத்து பொன்னேரி போலீசார் ராஜேஷ் மற்றும் தீபிகா ஆகியோரை கைது செய்து, கொலை, கொலைக்கு தூண்டுதல், சதி உள்ளிட்ட பிரிவுகளில் வழக்குப்பதிவு செய்து, நீதிமன்றத்தில் ஆஜர் செய்து சிறையில் அடைத்துள்ளனர்.

இச்சம்பவம் பெரும்பேடு மற்றும் சுற்றுவட்டார பகுதிகளில் பெரும் சோகத்தையும் அதிர்ச்சியையும் ஏற்படுத்தியுள்ளது. 

குறிப்பாக, கௌசல்யாவை "மாமா, மாமா" என பாசமாக அழைத்து, மாமனார்-மாமியார் மீது அளவுகடந்த பாசம் கொண்டிருந்த நிலையில், இத்தகைய கொடூரம் நடந்திருப்பது மக்களை மேலும் அதிர்ச்சிக்குள்ளாக்கியுள்ளது.

Summary in English : Ponneri, Perumbedu, newlywed, B.Ed student, suspicious death, kitchen incident, head injury, police complaint, arrest, investigationIn Ponneri, a 20-year-old newlywed woman studying B.Ed. died at home. Her husband informed family that she slipped in the kitchen and sustained head injury. Her father suspected foul play due to visible injuries and lodged a police complaint. Investigation led to the arrest of the husband and another woman.