மத்தியப் பிரதேசத்தின் தார் மாவட்டம், ராஜோத் போலீஸ் ஸ்டேஷன் எல்லையில் உள்ள சின்னஞ்சிறு கிராமம் – கோண்டிகேடா சாரண். அங்கே ஒரு சாதாரண குடும்பம்.
28 வயது தேவகிருஷ்ணா புரோஹித். மிளகாய் வியாபாரி. கடின உழைப்பாளி. அம்மா கேஞ்சி பாய், சகோதரி ஜோதி – இவர்களோடு அமைதியான வாழ்க்கை. ஆனால் அந்த வீட்டில் ஒரு பெண் இருந்தாள் – அவள் பெயர் பிரியங்கா புரோஹித்.
25 வயது. அழகு என்ற பெயரில் தன்னைத்தானே உயர்த்திப் பிடித்தவள். அவள் கணவரைப் பார்த்து வெறுப்போடு சொல்லிக்கொண்டிருந்த ஒரே வார்த்தை: “தும் காலே ஹோ... நீ கருப்பு... எனக்கு தகுதியில்லை... எனக்கு இன்னும் அழகான, சிறந்தவன் வேண்டும்!”
இந்தக் கொடூரம் 2015-ல் தொடங்கியது. இருவரும் 15 வயதில் ‘பால விவாஹ’மாக திருமணம் செய்துகொள்ளப்பட்டனர். பின்னர் கௌனா (வாழ்க்கைத் துணைவியாக வருதல்) முடிந்து 2021-ல் பிரியங்கா தேவகிருஷ்ணாவின் வீட்டுக்கு வந்தாள். ஆனால் அன்றிலிருந்து அந்த வீடு நரகமாக மாறியது.
பிரியங்கா தன் கணவரை நிறவெறியால் இழிவுபடுத்தினாள். “நீ கருப்பா இருக்கிறாய்... என்னைத் தகுதியில்லாதவன்... நான் உனக்கு சமம் இல்லை... எனக்கு வேறு யாராவது அழகானவன் வேண்டும்” என்று தினமும் கேலி செய்தாள்.
சண்டை போட்டாள். வீட்டை விட்டு பெற்றோர் வீட்டுக்குப் போய்விட்டு திரும்பி வந்து மீண்டும் சண்டை. பொய் வழக்கு போடுவதாக மிரட்டினாள். தேவகிருஷ்ணா? அவன் அமைதியாகத் தாங்கினான். “குடும்ப அமைதிக்காக” என்று எல்லாவற்றையும் விழுங்கினான். அவன் தாயும் சகோதரியும் பார்த்து உள்ளம் பதைத்தனர்.
ஆனால் பிரியங்காவுக்கு ஒரு ரகசியம் இருந்தது – கமலேஷ் புரோஹித் என்ற 31-32 வயது ஆசாமி. அவன் திருமணமாகி இரண்டு குழந்தைகள் உள்ளவன். ராஜ்கர் பகுதியில் டாபா நடத்துபவன். 2017-ல் இருந்து பிரியங்காவுடன் தொடர்பு. அவர்கள் இருவரும் ஒருவரை ஒருவர் “அழகு” என்று புகழ்ந்து, தேவகிருஷ்ணாவை “தடையாக” பார்த்தனர்.
2020-ல் இருந்தே ஜோதி சந்தேகப்பட்டாள். “அவள் ஜன்னலில் நின்று கொண்டு, அவன் சாலையில் நடந்து போகும் போது பேசுவாள்” என்று சொன்னாள்.மார்ச் 31, 2026. பிரியங்கா பெற்றோர் வீட்டிலிருந்து திரும்பினாள்.
அன்றே கமலேஷுடன் திட்டம் தீட்டினார்கள். “ஒரு லட்சம் ரூபாய் கொடுத்தால் போதும்” என்று சுரேந்திர பாட்டி என்ற குற்றப் பின்னணி கொண்ட கொலையாளியை ஏற்பாடு செய்தனர். 50 ஆயிரம் முன்பணம் கொடுத்தனர். ஏப்ரல் 7 இரவு – திட்டம் நிறைவேற்றும் நாள்.
அந்த இரவு... தேவகிருஷ்ணா தூங்கிக்கொண்டிருந்தான். பிரியங்கா வீட்டின் முன் கதவை திறந்து வைத்தாள். கொலையாளி உள்ளே நுழைந்தான். கூர்மையான ஆயுதத்தால் தூங்கும் கணவரை சரமாரியாக வெட்டினான். இரத்தம் பெருக்கெடுத்தது. அறையை சீர்குலைத்து, கொள்ளைக்காரர்கள் வந்ததாக காட்சி அமைத்தனர்.
பிரியங்கா? அடுத்த அறையில் “கட்டப்பட்டு” உட்கார்ந்திருந்தாள். கொலையாளி வெளியேறிய பிறகு 15 நிமிடங்கள் காத்திருந்து, பின்னர் அலறினாள். “மூன்று நான்கு கொள்ளையர்கள் வீட்டுக்குள் புகுந்தனர்... என்னை அடித்துக் கட்டினார்கள்... 3.5 லட்சம் ரூபாய் நகைகள், பணம் கொள்ளையடித்தனர்... என் கணவர் எதிர்த்ததால் கொன்றுவிட்டனர்!” என்று கதறினாள்.
போலீஸ் வந்தது. அவள் கண்ணீர் வடித்தாள். கேமராவுக்கு முன் “நான் எல்லா நகைகளையும் கொடுத்தேன்... என் கணவரை காப்பாற்ற முடியவில்லை” என்று நடித்தாள். ஆனால் போலீஸ் சந்தேகப்பட்டது.
வீட்டின் ஒரு அறையில் “கொள்ளையடிக்கப்பட்ட” நகைகள் வீட்டுக்குள் மறைத்து வைக்கப்பட்டிருந்தன. அவளின் மொபைல் கால் ரெக்கார்டுகள் கமலேஷுடன் தொடர்பு காட்டின.
விசாரணையில் அவள் மாட்டினாள். 48 மணி நேரத்தில் உண்மை வெளியானது. “ஆம்... நான்தான் திட்டமிட்டேன். என் காதலன் கமலேஷ் உதவினான். கருப்பு நிறம் எனக்குப் பிடிக்கவில்லை... அவன் எனக்கு தகுதியில்லை, கூலிக்கு ஆள் வைத்து கொலை செய்தேன்..” என்று ஒப்புக்கொண்டாள்.
கொலை நடந்த நேரத்தில் கமலேஷ் உங்கள் வீட்டுக்கு வந்த ஆதாரம் உள்ளதே என இருவரிடமும் தனித்தனியாக கேள்வி எழுப்பப்பட்டது. கதை கட்ட முடியாமல் உடைந்தனர். கணவர் தேவகிருஷ்ணா இறந்த பின் கணவனின் சடலத்தின் முன் கள்ளக்காதலன் மடியில் அமர்ந்து கொண்டு உல்லாசமாக இருந்துருகிறாள் இந்த கொடூர மனம் படைத்த அரக்கி பிரியங்கா. அதை உறுதி படுத்தும் ஆதாரங்களும் கண்டுபிடிக்கப்பட்டன.
இப்போது பிரியங்காவும் கமலேஷும் கைது செய்யப்பட்டுள்ளனர். கொலையாளி சுரேந்திர பாட்டி தலைமறைவு. ஆனால் தேவகிருஷ்ணாவின் குடும்பம்? அவர்கள் உடைந்து போயுள்ளனர்.
சகோதரி ஜோதி கண்ணீருடன் சொன்னாள்: “என் அண்ணன் எல்லாவற்றையும் பொறுத்துக்கொண்டான். ‘நீ கருப்பு... எனக்கு தகுதியில்லை’ என்று அவள் தினமும் இழிவுபடுத்தினாள். குடும்ப அமைதிக்காக அவன் அமைதியாக இருந்தான்.” அம்மா கேஞ்சி பாய் ஆவேசமாகக் கூறினார்: “எல்லா குற்றவாளிகளுக்கும் தூக்கு தண்டனை வேண்டும். வேறு எதுவும் வேண்டாம்... நீதி மட்டுமே!”
இது வெறும் கொலை அல்ல. இது நிறவெறியின் உச்சம். திருமண பந்தத்தின் துரோகம். ஒரு பெண் தன் கணவரை “கருப்பு” என்ற ஒரே காரணத்திற்காக, அவனைத் தூங்கும்போது கொலை செய்ய சதி திட்டமிட்டாள். அவனை அவமானப்படுத்தி, வீட்டை நரகமாக்கி, பின்னர் காதலனுடன் சேர்ந்து கொலையாளியை அனுப்பினாள்.
பின்னர் கண்ணீர் நாடகம் ஆடினாள். இத்தகைய மிருகத்தனம் மனித இதயத்தைப் பிழியும். இந்திய சமூகத்தில் இன்னும் நிறவெறி எவ்வளவு ஆழமாக ஊறியிருக்கிறது என்பதை இந்தக் கொடூரம் உலகுக்கு உணர்த்துகிறது.
பிரியங்கா போன்றவர்கள் சமூகத்தின் அவமானம். அவர்களுக்கு கடுமையான தண்டனை வழங்காவிட்டால், இன்னும் எத்தனை தேவகிருஷ்ணாக்கள் உயிரை இழக்கப் போகிறார்கள்? கோபம் கொப்பளிக்கிறது... இந்தக் கொடூரத்தை மறக்க முடியாது. நீதி வேண்டும்! தேவகிருஷ்ணாவின் ஆன்மா அமைதியடையட்டும். அவரது குடும்பத்துக்கு தைரியம் கொடுக்கட்டும்.
Summary in English : In Madhya Pradesh a woman felt unhappy with her husband's skin tone and planned with another person to remove him from her life. She arranged for someone to enter their home at night while he rested. Later she described the event as a group taking items from the house. Police found links through calls and discovered the hidden items. Both the woman and the other person were taken into custody.
