தமிழ்நாட்டின் முன்னணி ஃபாரன்சிக் மருத்துவர் ஒருவர் அளித்த பேட்டியில், கஸ்டோடியல் டெத், டவுரி டெத், போஸ்ட்மார்ட்டம் நடைமுறைகள், எதிர்கால ரோபோடிக் போஸ்ட்மார்ட்டம் உள்ளிட்ட பல முக்கிய விஷயங்களை விரிவாக விளக்கியுள்ளார். இந்த பாட்காஸ்ட் எபிசோடில் பொதுமக்களின் சந்தேகங்களுக்கு தெளிவான பதில்கள் அளிக்கப்பட்டன.
கஸ்டோடியல் டெத் விசாரணை
கஸ்டோடியல் டெத் (சிறையில் அல்லது காவலில் இறப்பு) நிகழ்ந்தால், வருவாய்த் துறை அதிகாரிகள் (தாசில்தார் அல்லது அதற்கு மேல்) விசாரணைக்கு உத்தரவிடுகின்றனர்.
இரண்டு ஃபாரன்சிக் டாக்டர்கள் போஸ்ட்மார்ட்டம் செய்ய வேண்டும். முழு செயல்முறையும் வீடியோ பதிவு செய்யப்படும் — உடலைத் திறப்பதில் இருந்து தைக்கும் வரை.
வெளிப்புற காயங்கள், உள்ளுறுப்புகளின் நிலை, இயற்கை நோய்கள் (லிவர் சிரோசிஸ், இதயப் பிரச்னை போன்றவை) ஆகியவற்றை விரிவாகப் பரிசோதித்து, இறப்புக்கு காயங்களா, நோய்களா அல்லது இரண்டும் சேர்ந்ததா என ஒப்பியன் தரப்படும். இரண்டு டாக்டர்கள் ஈடுபடுவதால் தவறு ஏற்படும் வாய்ப்பு மிகக் குறைவு என்று டாக்டர் தெரிவித்தார்.
டவுரி டெத் கேஸ்களும் இரு டாக்டர்கள் தேவை
திருமணமான பெண் 7 ஆண்டுகளுக்குள் அசாதாரண முறையில் இறந்தால் (தற்கொலை உட்பட) டவுரி டெத் வழக்காகக் கருதப்படும்.
இதிலும் வருவாய்த் துறை விசாரணை மற்றும் இரண்டு டாக்டர்களின் போஸ்ட்மார்ட்டம் கட்டாயம்.
பேய், பிசாசு பற்றிய கேள்விக்கு தெளிவான பதில்
30-40 ஆண்டு அனுபவத்தில் எந்த பேய் அல்லது பிசாசையும் நேரில் பார்க்கவில்லை என்று டாக்டர் உறுதியாகக் கூறினார்.
இரவு நேரங்களில் கூட மார்ச்சரியில் பணியாற்றியுள்ளதாகவும், அனைத்தும் அறிவியல் அடிப்படையிலானவை என்றும் வலியுறுத்தினார்.
போஸ்ட்மார்ட்டம் நேரம் & பாய்சன் கேஸ்கள்
- பொதுவாக பகல் நேரத்தில் மட்டுமே போஸ்ட்மார்ட்டம் செய்யப்படும். உடலின் நிற மாற்றங்கள் (விஷத்தின் தன்மைக்கேற்ப) சரியாகப் புரிய பகல் வெளிச்சம் அவசியம்.
- பாய்சன் குடித்து இறந்தால் விஷத்தை கண்டறிய முடியும். ஆனால், தானாகக் குடித்தாரா அல்லது வலுக்கட்டாயமாக ஊற்றப்பட்டதா என்பதை காயங்கள் இல்லாதபோது கண்டுபிடிப்பது கடினம். சாட்சிகள் அல்லது சூழ்நிலை ஆதாரங்கள் தேவை.
எதிர்காலத்தில் ரோபோடிக் போஸ்ட்மார்ட்டம்?
ரோபோடிக் சர்ஜரி போல முயற்சிகள் நடைபெறுவதாகவும், ஆனால் தலை, மார்பு, வயிறு ஆகிய மூன்று பகுதிகளையும் முழுமையாக ரோபோ மூலம் செய்வது இன்னும் சாத்தியமாகவில்லை என்றும் கூறினார்.
சுவாரஸ்யமான இரு கேஸ்கள்
1. கிணற்றில் மிதந்த உடல்: முதலில் மர்டர் (302) எனக் கொண்டு வரப்பட்டது. ஆனால் ட்ரக்கியாஸ்டமி (தொண்டையில் ஓட்டை) இருந்ததைப் பார்த்து, கேன்சர் நோயாளி தற்கொலை செய்ததாக மாற்றப்பட்டது.
2. ரோடு அக்சிடென்ட்:கார் விபத்த்தில் உடல் சிதறி, எலும்பு கூட கிடைக்கவில்லை. காரும் முழுமையாக எரிந்து விட்டது. அப்படிப்பட்ட நிலையில் சிறு எலும்பு துண்டு மற்றும் துணியைக் கொண்டு பெண் என்றும், உயரம் சுமார் 145-155 செ.மீ. என்றும் அடையாளம் காணப்பட்டது. இன்சூரன்ஸ் கிளைம் கூட வெற்றியடைந்தது.
போஸ்ட்மார்ட்டம் ஏன் அவசியம்?
இயற்கை மரணம் அல்லாத (விபத்து, தற்கொலை, பாய்சன், வேலை இட விபத்து) அனைத்து இறப்புகளுக்கும் காரணம் தெரிய வேண்டும்.
இன்சூரன்ஸ், காம்பன்சேஷன், சட்ட நடவடிக்கைக்கு இது மிக முக்கியம். குடும்பத்தினருக்கு உரிய உரிமைகள் கிடைக்க இது உதவுகிறது.
இரவு நேரத்தில் போஸ்ட்மார்ட்டம் ஏன் செய்யப்படுவதில்லை?
தமிழ்நாட்டின் அனுபவமிக்க ஃபாரன்சிக் மருத்துவர் ஒருவர், பிரேத பரிசோதனை இரவு நேரத்தில் ஏன் தவிர்க்கப்படுகிறது என்பதற்கான மருத்துவ காரணத்தை தெளிவாக எடுத்துரைத்துள்ளார்.
இன்றைய அதிநவீன மின்விளக்குகள் மற்றும் தொழில்நுட்ப வசதிகள் இருந்தபோதிலும், இந்த விதிமுறை இன்னும் கடைபிடிக்கப்படுவதாக அவர் தெரிவித்தார்.
மருத்துவரின் விளக்கம்:
“ஒரு நபர் எப்படி இறந்தார் என்பதை உறுதிப்படுத்துவதில் உள்ளுறுப்புகளின் நிற மாற்றங்கள் மிக முக்கியப் பங்கு வகிக்கின்றன. உதாரணமாக:
- மூச்சுத் திணறல் (ஆக்ஸிஜன் பற்றாக்குறை) காரணமாக இறந்தவர்களின் உறுப்புகள் நீல நிறத்தில் (bluish) இருக்கும்.
- சயனைடு போன்ற வலுவான விஷங்கள் உட்கொண்டால் உள்ளுறுப்புகள் அடர் சிவப்பு நிறத்தில் (dark red) மாறிவிடும்.
- விபத்து அல்லது பிற காரணங்களுக்கும் தனித்தனி நிற மாற்றங்கள் ஏற்படும்.
இந்த நிறங்களை சரியாக அடையாளம் காண்பதுதான் இறப்பின் உண்மையான காரணத்தை தீர்மானிப்பதில் முக்கியம்” என்று டாக்டர் கூறினார்.
பகல் வெளிச்சத்தின் அவசியம்
பகல் வேளையில் இயற்கையான சூரிய வெளிச்சத்தில் இந்த நிற மாற்றங்களை துல்லியமாகப் பார்க்க முடியும். ஆனால் இரவு நேரத்தில் மின்விளக்குகளின் ஒளியில் இந்த நிறங்கள் சரியாகத் தெரியாது. சிறிய வித்தியாசங்களை கூட கண்டறிவது கடினம்.
அழகான உதாரணம் கொடுத்த டாக்டர்:
“வீட்டுப் பெண்கள் புடவை கடைக்குச் சென்று புடவை வாங்கும்போது, கடையின் மின்விளக்கு வெளிச்சத்தில் ஒரு நிறத்தில் தெரியும். அதே புடவையை வெளியில் சூரிய ஒளியில் எடுத்துப் பார்த்தால் வேறு நிறத்தில் தெரியும்.
அதனால்தான் ‘ஒரு நிமிடம் வெளியில் எடுத்துப் பார்த்துவிட்டு வருகிறேன்’ என்று சொல்வார்கள். அதேபோலத்தான் பிரேத பரிசோதனையும். தீவிர சந்தேகம் இருந்தால் பிரேதத்தை சூரிய வெளிச்சத்துக்கு எடுத்துச் சென்று பரிசோதிக்க வேண்டியிருக்கும். இரவில் அந்த வாய்ப்பே கிடையாது.”
அதனால்தான் இரவு நேர போஸ்ட்மார்ட்டம் தவிர்க்கப்படுகிறதுஇந்த மருத்துவ காரணத்தினாலேயே, அவசியமில்லாத வரையில் இரவு நேரத்தில் பிரேத பரிசோதனை செய்யப்படுவதில்லை என்று டாக்டர் வலியுறுத்தினார்.
இந்த விளக்கம் பொதுமக்களிடையே பெரும் விழிப்புணர்வை ஏற்படுத்தியுள்ளது. அறிவியல் அடிப்படையில் மிகத் துல்லியமான முடிவுகளை வழங்க வேண்டும் என்பதற்காகவே ஃபாரன்சிக் துறை இந்த விதிமுறையை கடுமையாகப் பின்பற்றுகிறது.
Summary : Forensic experts avoid night-time post-mortem examinations because organ colour changes provide vital clues about the cause of death. Natural daylight allows accurate observation of these shades, while artificial lights may not show them clearly. This practice ensures precise findings, similar to checking fabric colours in sunlight.
