தமிழ் சினிமாவில் ‘சிவா மனசுல சக்தி’ படத்தின் மூலம் பிரபலமான நடிகை அனுயா பகவத், சமீபத்திய பேட்டி ஒன்றில் சுச்சி லீக்ஸ் சர்ச்சை குறித்து மனம் திறந்து பேசியுள்ளார்.
அந்த சம்பவத்தால் தனது சினிமா வாழ்க்கை எவ்வளவு பாதிக்கப்பட்டது, மனநிலை எப்படி சீர்குலைந்தது என்பதை வெளிப்படையாகப் பகிர்ந்துள்ளார்.
யார் இந்த அனுயா பகவத்?
அனுயா ஒய். பகவத் (Anuya Y. Bhagwat) 1989 செப்டம்பர் 6 அன்று துபாயில் பிறந்தவர். புனேவில் உள்ள பி.வி.ஜி. கல்லூரியில் எலக்ட்ரிகல் இன்ஜினியரிங் பட்டம் பெற்றவர். பின்னர் புனேவின் பிலிம் அண்ட் டெலிவிஷன் இன்ஸ்டிடியூட் ஆஃப் இந்தியாவில் (FTII) நடிப்பு பயிற்சி பெற்றார்.
இந்தி திரைப்படமான மகேக் (2007) மூலம் அறிமுகமான இவர், தமிழில் 2009-ல் வெளியான சிவா மனசுல சக்தி படத்தில் ஜீவாவுக்கு ஜோடியாக சக்தி கதாபாத்திரத்தில் நடித்து பெரும் கவனம் பெற்றார். இந்தப் படத்திற்காக விஜய் விருதுகள் சிறந்த அறிமுக நடிகை பிரிவில் பரிந்துரைக்கப்பட்டார்.
அதன்பிறகு மதுரை சம்பவம் (2009), நகரம் (2010), நஞ்சுபுரம் (சிறப்புத் தோற்றம், 2011), நண்பன் (2012), நான் (2012) உள்ளிட்ட படங்களில் நடித்தார். 2017-ல் பிக் பாஸ் தமிழ் முதல் சீசனில் போட்டியாளராக பங்கேற்றார். தற்போதும் திரைப்படங்கள் மற்றும் தொலைக்காட்சி சீரியல்களில் நடித்து வருகிறார்.
சுச்சி லீக்ஸ் சர்ச்சை குறித்து அனுயா கூறியது என்ன?சமீபத்திய பேட்டியில் அனுயா கூறியதாவது:
“அப்படி வெளியான புகைப்படங்களால் என்னுடைய சினிமா வாழ்க்கை மிகவும் பாதிக்கப்பட்டது. அந்த புகைப்படங்கள் அப்போது இருந்த மென்பொருள்கள் கொண்டு செயற்கையாக உருவாக்கப்பட்டவை.
இது எனக்குத் தெரியும். ஆனால் சாதாரணமாக இருக்கக்கூடிய சினிமா ரசிகர்களுக்கு, தொழில்நுட்பம் தெரியாதவர்களுக்கு கண்டிப்பாக புரிய வாய்ப்பில்லை. அப்படி பழகும் இது உண்மை என்று நம்பினார்கள்.
என்னுடைய நண்பர்கள் கூட இதனை உண்மை என்று நம்பினார்கள். அப்படிப்பட்டவர்களை, அதைப் பற்றி என்னிடம் கேள்வி எழுப்புபவர்களை எல்லாம் நான் என்னுடைய வாழ்க்கையிலிருந்து நீக்கினேன்.
சுச்சிலீக்ஸ் புகைப்படங்களை இவருக்கு தான் அனுப்பினேன்?
என்னுடைய மனம் மிகப் பெரிய அளவில் நிம்மதியை இழந்தது. அதனை மீட்டெடுப்பதற்கு நிறைய நேரம் ஆனது. தற்போதும் நான் திரைப்படங்களில், சீரியல்களில் நடித்துக் கொண்டுதான் இருக்கிறேன். ஆனால் அந்த தருணம் எனக்கு ஏற்படுத்திய காயம் மிகப்பெரியது.
எனக்கு திருமணம் ஆகிவிட்டது என்று கூறுகிறார்கள். அந்த புகைப்படங்களை நான்தான் வெளியிட்டேன் என்று கூறுகிறார்கள். அப்படி என்றால் நான் யாருக்கு அந்த புகைப்படங்களை அனுப்பினேன் என்ற தகவல்களையும் அவர்கள் வெளியிட்டிருக்க வேண்டும்.
மாறாக ‘இவருக்கு அனுப்பினார், அவருக்கு அனுப்பினார்’ என்று யாரையும் குறிப்பிடாமல் அந்த புகைப்படத்தை வெளியிட்டார்கள். என்னுடைய சினிமா வாழ்க்கை பாதிக்கப்பட்டது.”
பாதிப்பு மற்றும் மீட்பு
சுச்சி லீக்ஸ் சர்ச்சை (2017-ல் பாடகி சுசித்ராவின் சமூக ஊடகக் கணக்கு ஹேக் செய்யப்பட்டதாகக் கூறப்பட்ட நிகழ்வு) பல கலைஞர்களை பாதித்தது. அனுயாவின் புகைப்படங்கள் மார்ஃப் செய்யப்பட்டு வெளியானதாக அவர் வலியுறுத்துகிறார்.
அதனால் ஏற்பட்ட மன அழுத்தம் காரணமாக சிலகாலம் சினிமாவிலிருந்து விலகி இருந்ததாகவும், குடும்பத்தின் ஆதரவே தன்னை தாங்கி நிறுத்தியதாகவும் முந்தைய பேட்டிகளில் தெரிவித்திருந்தார்.
தற்போது மீண்டும் நடித்து வரும் அனுயா, அந்தக் காயத்தை முழுமையாக மறக்க முடியவில்லை என்றே கூறுகிறார். அதேசமயம், தொழில்நுட்ப வளர்ச்சியால் இதுபோன்ற போலிப் புகைப்படங்கள் உருவாக்கப்படுவதும், சாதாரண மக்கள் அதை உண்மை என நம்பிவிடுவதும் தொடர்ந்து நடக்கும் ஆபத்து என்பதை சுட்டிக்காட்டியுள்ளார்.
அனுயாவின் இந்த வெளிப்படையான பேட்டி, கலைஞர்கள் எதிர்கொள்ளும் தனிப்பட்ட மற்றும் தொழில்முறை சவால்களை மீண்டும் ஒருமுறை நினைவுபடுத்துகிறது.
Summary in English : Actress Anuya Bhagwat recently opened up about the Suchi Leaks controversy, stating that artificially created images using then-available software severely affected her film career. Ordinary fans and even friends believed them to be real. She removed such people from her life. The episode caused major loss of mental peace that took time to restore. She continues acting in films and serials, though the emotional impact remains significant.
