தமிழக போக்குவரத்துத்துறை அமைச்சர் விஜய் தமிழன் பார்த்திபன் (சேலம் தெற்கு எம்.எல்.ஏ. மற்றும் த.வெ.க. சேலம் மத்திய மாவட்ட செயலாளர்) மீது, ஆட்சிக்கு வந்த மூன்று மாதங்களுக்குள்ளேயே கட்சிக்குள் சாதி ரீதியான பிளவை ஏற்படுத்துவதாக புகார்கள் எழுந்துள்ளது என பிரபல பத்திரிக்கையான நக்கீரன் செய்தி வெளியிட்டுள்ளது பெரும் பரபரப்பை ஏற்படுத்தியுள்ளது.
தகவலின் படி, அமைச்சர் விஜய் தமிழன் பார்த்திபன் தனது சொந்த சமூகத்தினருக்கு மட்டும் முக்கியத்துவம் அளித்து, பிற சமூகத்தினரை (குறிப்பாக கொங்கு வெள்ளாளர் கவுண்டர், வன்னியர் உள்ளிட்டோர்) ஒதுக்கி வைப்பதாக சேலம் மாவட்ட த.வெ.க. நிர்வாகிகள் குற்றம்சாட்டுகின்றனர்.
பின்னணி
விஜய் தமிழன் பார்த்திபன் நீண்டகாலமாக விஜய் ரசிகர் மன்றத் தலைவராக இருந்தவர். அதனால் த.வெ.க. பொதுச்செயலாளர் புஸ்ஸி ஆனந்துடன் அவருக்கு நெருக்கம் உள்ளது. இந்த நெருக்கத்தைப் பயன்படுத்தி, பிற கட்சிகளிலிருந்து த.வெ.க.வில் இணைந்த செல்வாக்குள்ள பிரமுகர்களை ஒதுக்கி, தனது சமூகத்தினருக்கு பொறுப்புகள் வழங்குவதாக குற்றச்சாட்டு எழுந்துள்ளது.
1. ஓமலூர் தொகுதி
அ.தி.மு.க.வில் மூன்று முறை எம்.எல்.ஏ.வாக இருந்த பல்பாக்கி கிருஷ்ணன் (கொங்கு வெள்ளாளர் கவுண்டர்) தன் மகன் ராமச்சந்திரனுக்கு த.வெ.க. சீட் எதிர்பார்த்தார். ஆனால் விஜய் தமிழன் பார்த்திபன் புஸ்ஸி ஆனந்திடம் அழுத்தம் கொடுத்து சீட்டைத் தடுத்துவிட்டார்.
அதற்குப் பதிலாக நாட்டுக்கவுண்டர் சமூகத்தைச் சேர்ந்த அதியமானை வேட்பாளராக்கினார். இதற்காக “வெயிட்டான ஸ்வீட் பாக்ஸ்” பரிசாக வழங்கப்பட்டது என்று பேசப்பட்டது. ராமச்சந்திரன் தன்னுடைய மனக்குமுறலைத் தெரிவித்தபோதும் அமைச்சர் கண்டுகொள்ளவில்லை என்று கூறப்படுகிறது.
2. சங்ககிரி தொகுதி
த.வெ.க. வடமேற்கு மாவட்ட செயலாளர் செந்தில்குமார் (கொங்கு வெள்ளாளர், விசைத்தறி தொழிலதிபர்) போட்டியிட்டார். வெற்றி பெற்றால் இந்து சமய அறநிலையத்துறை அமைச்சராக வாய்ப்பு என்ற எதிர்பார்ப்பு இருந்தது என கூறப்படுகிறது. ஆனால் விஜய் தமிழன் பார்த்திபன் தனது ஆதரவாளர்களான ஆதிகேசவன், இளம்பரிதி ஆகியோர் மூலம் அவரைத் தோற்கடிக்க முயன்றதாக குற்றச்சாடுகள் எழுந்தன.
கட்சி நிகழ்ச்சிகளில் செந்தில்குமாரின் பெயர்/படத்தைக் கூட ஒதுக்கியதாகக் கூறப்படுகிறது. ஆதிகேசவன் (அரிசி கடத்தல் வழக்கில் கைதியாக இருந்தவர்) சாதிப்பாசத்தில் முக்கியத்துவம் பெற்றதாகக் குறிப்பிடப்பட்டுள்ளது.
3. சேலம் வடக்கு தொகுதி
முன்னாள் அ.தி.மு.க. எம்.எல்.ஏ. எஸ்.இ. வெங்கடாசலம் (கொங்கு வெள்ளாளர்) த.வெ.க.வில் இணைந்தார். சீட் கேட்டபோது ஒதுக்கப்பட்டார். வேட்பாளர் அருண்குமார் திடீரென மாறியது, விஜய் தமிழன் பார்த்திபன் அ.தி.மு.க. தரப்பில் பொய் புகார் அளித்ததாகவும் செய்தியில் உள்ளது.
4. மற்ற பகுதிகள்
மகுடஞ்சாவடி உள்ளிட்ட சில ஒன்றியங்களில் வன்னியர் சமூக நிர்வாகிகளை ஒதுக்கி, தனது சமூகத்தினருக்கு பொறுப்புகள் வழங்கியதாகவும். அவரது மனைவி பிரியா (மாநில மகளிர் அணி இணைச் செயலாளர்) சேலம் மாநகராட்சி மேயராக்கப்பட வேண்டும் என அன்புக்கட்டளை போட்டதாகவும் கூறப்படுகிறது.
நிர்வாகிகளின் எதிர்வினை
சேலம் மாவட்ட த.வெ.க. நிர்வாகிகள் நக்கீரன் பத்திரிக்கையிடம் பேசியதன் படி,“விஜய்யை நம்பித்தான் இந்தக் கட்சியில் சேர்ந்தோம். ஆனால் சேலம் மத்திய மாவட்ட செயலாளர் தொடர்ந்து எங்களை புறக்கணிப்பது ஏமாற்றத்தை அளிக்கிறது. இதையெல்லாம் விஜய்யின் கவனத்திற்கு எப்படி கொண்டு செல்வதென்று எங்களுக்கும் தெரியவில்லை.”
அதேசமயம், ஆதிகேசவன் (அமைச்சரின் ஆதரவாளர்) இது குறித்து தனது கடுமையான மறுப்பை பதிவு செய்துள்ளார். “அமைச்சர் தமிழன்பார்த்திபன் அண்ணன் யாரிடமும் சாதி, மதம் பார்த்துப் பழகுவதில்லை…” கட்சிக்கு வேண்டாதவர்கள் கிளப்பிவிடும் வதந்தி இது என கூறியுள்ளார்.
ஒட்டுமொத்த நிலை
த.வெ.க. ஆட்சிக்கு வந்த பிறகு சேலம் மாவட்டத்தில் உள்ளக அதிருப்தி அதிகரித்துள்ளதாக நக்கீரனின் இந்த செய்தி சுட்டிக்காட்டுகிறது. கட்சிக்குள் சாதி அடிப்படையிலான பிளவு உருவாகும் அபாயம் இருப்பதாக நிர்வாகிகள் கவலை தெரிவித்துள்ளனர் எனவும் கூறப்படுகிறது.
இந்த செய்தி சமூக ஊடகங்களில் பெரும் விவாதத்தை ஏற்படுத்தியுள்ள நிலையில். இதை கவனித்த நெட்டிசன்கள், இது நக்கீரன் வெளியிட்ட செய்தி ஒன்று போதும் இது திரிக்கப்பட்ட செய்தி என்று கூறுவதற்கு. தேர்தலில் தவெக வெற்றி பெற்ற போது, என்னால் பொறுத்துக்கொள்ள முடியவில்லை என வீடியோ வெளியிட்டு கதறினார் நக்கீரன் கோபால்.
அவரின் பத்திரிக்கையில், தவெகவுக்கு எதிரான புரட்டு கதைகள் வெளியாவதை கண்டு வியப்படைய தேவையில்லை. தவெக மற்றும் அமைச்சர்கள் மக்கள் பணியில் தீவிரம் காட்டி வரும் நிலையில், அவர்களின் பெயருக்கு களங்கம் ஏற்படுத்தும் முயற்சி தான் இது எனவும் கருத்துக்களை பதிவிட்டு வருகின்றனர்.
இது பற்றி உங்களுக்கு கருத்து என்ன? என்பதை கமெண்ட் செக்ஷனில் பதிவு செய்யுங்கள்.
Summary in English : Tamil Nadu Transport Minister Vijay Thamizhan Parthiban, also TVK Salem Central District Secretary, faces allegations of favoring his own community in party appointments and candidate selections. Functionaries in Salem report dissatisfaction over the sidelining of other community leaders in Omalur, Sankagiri and nearby areas within months of the new government.
