சாதிப்பாசத்தில் தவெக அமைச்சர்! கொந்தளிக்கும் நிர்வாகிகள்! என்ன நடக்குது சேலத்தில்?
தமிழக போக்குவரத்துத்துறை அமைச்சர் விஜய் தமிழன் பார்த்திபன் (சேலம் தெற்கு எம்.எல்.ஏ. மற்றும் த.வெ.க. சேலம் மத்திய மாவட்ட செயலாளர்) மீது, ஆட்சிக்கு வந்த மூன்று மாதங்களுக்குள்ளேயே கட்சிக்குள் சாதி ரீதியான பிளவை ஏற்படுத்துவதாக புகார்கள் எழுந்துள்ளது என பிரபல பத்திரிக்கையான நக்கீரன் செய்தி வெளியிட்டுள்ளது பெரும் பரபரப்பை ஏற்படுத்தியுள்ளது. தகவலின் படி, அமைச்சர் விஜய் தமிழன் பார்த்திபன் தனது சொந்த சமூகத்தினருக்கு மட்டும் முக்கியத்துவம் அளித்து, பிற சமூகத்தினரை (குறிப்பாக கொங்கு வெள்ளாளர் கவுண்டர், வன்னியர் உள்ளிட்டோர்) ஒதுக்கி வைப்பதாக சேலம் மாவட்ட த.வெ.க. நிர்வாகிகள் குற்றம்சாட்டுகின்றனர். பின்னணி விஜய் தமிழன் பார்த்திபன் நீண்டகாலமாக விஜய் ரசிகர் மன்றத் தலைவராக இருந்தவர். அதனால் த.வெ.க. பொதுச்செயலாளர் புஸ்ஸி ஆனந்துடன் அவருக்கு நெருக்கம் உள்ளது. இந்த நெருக்கத்தைப் பயன்படுத்தி, பிற கட்சிகளிலிருந்து த.வெ.க.வில் இணைந்த செல்வாக்குள்ள பிரமுகர்களை ஒதுக்கி, தனது சமூகத்தினருக்கு பொறுப்புகள் வழங்குவதாக குற்றச்சாட்டு எழுந்துள்ளது. 1. ஓமலூர் தொகுதி அ.தி.மு.க.வில் மூன்று முறை எம்.எல்.ஏ.வாக இருந்த பல்பாக...