மே 9, 2025 அன்று தமிழ் திரையுலகில் பரபரப்பை ஏற்படுத்தியது, நடிகர் ரவி மோகனின் முன்னாள் மனைவி ஆர்த்தி வெளியிட்ட கடிதம். இதற்கு முன்னதாக, தயாரிப்பாளர் ஐசரி கணேஷின் மகள் திருமணத்தில் ரவி மோகன், பாடகி கெனிஷாவுடன் கலந்துகொண்டது கவனத்தை ஈர்த்தது.
2009-ல் காதலித்து திருமணம் செய்துகொண்ட ரவி மோகனும் ஆர்த்தியும், இரண்டு ஆண் குழந்தைகளை (14 மற்றும் 10 வயது) பெற்றவர்கள். 2024-ல் ரவி மோகன் திருமண உறவிலிருந்து வெளியேறுவதாக அறிவித்து, விவாகரத்துக்கு விண்ணப்பித்தார்.
ஆனால், ஆர்த்தி இதற்கு மறுப்பு தெரிவித்ததால், வழக்கு குடும்ப நீதிமன்றத்தில் உள்ளது. ஆர்த்தியின் கடிதம், ரவி மோகனின் பெயரைக் குறிப்பிடாவிட்டாலும், அவரது பொறுப்பற்ற தன்மை மற்றும் குழந்தைகளை புறக்கணிப்பதாக விமர்சிக்கிறது.
.jpg)
"18 ஆண்டு காதல், விசுவாசத்தை துறந்தவர், குழந்தைகளின் பொறுப்பையும் விட்டுவிட்டார். வீட்டை விட்டு வெளியேற்றப்படுவது வேதனையளிக்கிறது" என்று ஆர்த்தி தெரிவித்தார்.
இந்த கடிதம், அவரது மன உளைச்சலை வெளிப்படுத்துவதாக அமைந்தது. பலரும் ஆர்த்திக்கு ஆதரவாகவும், ரவி மோகனை விமர்சித்தும் கருத்து தெரிவித்தனர்.
குறிப்பாக, கெனிஷாவுடன் திருமண விழாவில் தோன்றியது, அவர்கள் காதலர்கள் என்றும்.. ரவி மோகன் கெனிஷாவை மறுமணம் செய்து கொள்ள இருக்கிறாரா? என்றும் விவாதங்களை தூண்டியது.
இருப்பினும், ரவி மோகன், கெனிஷா தனது நண்பர் என்றும், அவருடன் இணைந்து ஹீலிங் சென்டர் தொடங்குவதாகவும், தனிப்பட்ட வாழ்க்கையில் தலையிட வேண்டாமென்றும் ஏற்கனவே தெளிவுபடுத்தியுள்ளார்.
.jpg)
இந்த விவகாரத்தில் ஆர்த்திக்கு ஆதரவு தெரிவிப்பவர்கள், ரவி மோகனை கடுமையாக விமர்சிக்கின்றனர். விவாகரத்து வழக்கு நிலுவையில் இருக்கும்போது, கெனிஷாவுடன் பொது நிகழ்வுகளில் தோன்றுவது அவருக்கு எதிரான உணர்வுகளை தூண்டியுள்ளது.
ஆனால், ரவி மோகனை ஆதரிப்பவர்கள், அவர் திருமண உறவிலிருந்து சட்டப்படி வெளியேற முயல்வதாகவும், கெனிஷாவுடன் நட்பு கொள்வது தவறில்லை என்றும் வாதிடுகின்றனர்.
மேலும், ஆர்த்தியின் கடிதத்தில் குறிப்பிடப்பட்ட குழந்தைகளின் பொறுப்பு குறித்த புகார், நீதிமன்றத்தில் தீர்க்கப்பட வேண்டிய விஷயம் என்று அவர்கள் கருதுகின்றனர். ரசிகர்களின் கருத்துகள் பிளவுபட்டுள்ளன.
ஆர்த்தியின் உணர்வுகளைப் புரிந்து ஆறுதல் கூறுபவர்கள், ரவி மோகனை கண்மூடித்தனமாக குற்றவாளியாக்குவது தவறு என்று சிலர் எச்சரிக்கின்றனர். பிரபலங்களின் தனிப்பட்ட வாழ்க்கையை அலசுவதில் ஆர்வம் காட்டும் ரசிகர்கள், முழு உண்மைகளை அறியாமல் விமர்சனங்களை முன்வைப்பது நியாயமற்றது.
.jpg)
ஆர்த்தியின் ஆதங்கம் நியாயமானதாக இருந்தாலும், இந்த விவகாரம் நீதிமன்றத்தில் தீர்க்கப்பட வேண்டும். ரவி மோகனும் ஆர்த்தியும் தங்கள் தனிப்பட்ட முடிவுகளுக்கு உரிமையுடையவர்கள் என்றாலும், இதுபோன்ற பொது விவாதங்கள், உணர்வுகளை மேலும் சிக்கலாக்கலாம்.