சிவகங்கை மாவட்டம், திருப்புவனம் அருகே மடப்புரம் பத்ரகாளியம்மன் கோயில் காவலாளியாகப் பணியாற்றிய அஜித்குமார், நகை திருட்டு வழக்கில் விசாரணைக்காக காவல் நிலையத்திற்கு அழைத்துச் செல்லப்பட்டு, காவல்துறையினரால் தாக்கப்பட்டு கொலை செய்யப்பட்ட சம்பவம் தமிழகத்தில் பெரும் அதிர்வலைகளை ஏற்படுத்தியுள்ளது.
இந்த வழக்கு சென்னை உயர்நீதிமன்ற மதுரை கிளையில் விசாரணையில் உள்ள நிலையில், ஐந்து காவலர்கள் கைது செய்யப்பட்டுள்ளனர். இந்நிலையில், சமீபத்தில் நடிகர் ஆர்யா கலந்துகொண்ட நிகழ்ச்சி ஒன்றில், இந்த கொலை குறித்து அவரிடம் கேள்வி எழுப்பப்பட்டது.
ஆர்யா, இந்தக் கேள்வியை பொறுமையாக தலையாட்டி, “வேறு கேள்வி கேளுங்கள் அண்ணா,” என்று பதிலளித்து, அடுத்த கேள்விக்கு நகர முயற்சித்தார். இந்தப் பதில், சமூக வலைதளங்களில் பெரும் விவாதத்தைத் தூண்டியுள்ளது.
இணையவாசிகள், திமுக ஆட்சியில் நடைபெறும் சமூக அவலங்கள் குறித்து திரையுலகினர் வாய் திறக்க தயங்குவதாகவும், ஆர்யாவின் இந்த மவுனம் அதற்கு உதாரணமெனவும் விமர்சித்து வருகின்றனர்.
“திமுகவின் இரும்பு கரம் திரையுலகை அடக்கி வைத்துள்ளது,” என்று சிலர் கருத்து தெரிவித்துள்ளனர். ஆர்யாவின் இந்த அணுகுமுறையைப் பார்த்த ரசிகர்கள், “உனக்கு எதற்கு இவ்வளவு பெரிய மீசை?” என்பது முதல் அச்சில் ஏற்ற முடியாத கடுமையான விமர்சனங்கள் வரை சமூக வலைதளங்களில் பதிவு செய்து வருகின்றனர்.
இந்தச் சம்பவம், திமுக ஆட்சியின் கீழ் காவல்துறை மீதான குற்றச்சாட்டுகள் மற்றும் பொதுமக்களின் அதிருப்தியை மேலும் வெளிச்சத்திற்கு கொண்டுவந்துள்ளது. முழு விசாரணைக்குப் பிறகே இந்த வழக்கின் முழு உண்மைகள் தெரியவரும்.
English Summary: At a recent event, actor Arya dodged a question about the brutal murder of Ajithkumar, a temple guard in Thiruppuvanam, Sivagangai, allegedly killed by police during a theft investigation. Arya's dismissive response, urging for another question, sparked outrage online.
Netizens criticized his silence, alleging DMK's control over the film industry stifles actors from addressing social issues. Fans expressed disappointment with harsh comments, intensifying scrutiny of police actions under DMK rule.