பாலிவுட் நடிகை ஐஷ்வர்யா ராய் பச்சன் திருமணத்துக்கு முந்தைய உடலுறவு குறித்த கேள்விக்கு அளித்த பதில் இன்றும் பேசப்படுகிறது.
2005-ம் ஆண்டு அமெரிக்க பிரபல தொகுப்பாளர் ஓப்ரா வின்ஃப்ரியின் ஷோவில் அவர் அளித்த பேட்டியில், இந்திய கலாசாரம் மற்றும் மரபுகள் குறித்து விரிவாகப் பேசினார். இந்த பேட்டி தற்போது மீண்டும் வைரலாகி வருகிறது.
ஐஷ்வர்யா ராய் பச்சனும் அபிஷேக் பச்சனும் 2007-ம் ஆண்டு திருமணம் செய்துகொண்டனர். அவர்களுக்கு 2011-ல் ஆராத்யா பச்சன் என்ற மகள் பிறந்தார்.
சமீப காலமாக இருவருக்கும் இடையே விவாகரத்து வதந்திகள் பரவி வரும் நிலையில், இந்த பழைய பேட்டி மீண்டும் கவனம் பெற்றுள்ளது.
ஓப்ரா ஷோவில் நடந்தது என்ன?
2005-ல் The Oprah Winfrey Show-ல் ஐஷ்வர்யா பங்கேற்றபோது, இந்தியாவில் பொது இடங்களில் அன்பை வெளிப்படுத்துதல் (Public Display of Affection - PDA) குறித்து ஓப்ரா கேள்வி எழுப்பினார்.
ஐஷ்வர்யா பதிலளித்தார்:
“இந்தியாவில் அது பொதுவாகக் காணப்படுவதில்லை. மக்கள் முத்தமிடுவார்கள், ஆனால் அது தனிப்பட்ட விஷயம். தெரு முனைகளில் அல்லது பொது இடங்களில் அதைப் பார்க்க முடியாது. நம் சினிமா வாழ்க்கையை பிரதிபலிக்கிறது.”
இந்தப் பேட்டியின் போது உரையாடல் திருமணத்துக்கு முன் உடலுறவு குறித்த தலைப்புக்கு திரும்பியது. இந்தியாவில் இது பொதுவானதா அல்லது தடை செய்யப்பட்டதா என ஓப்ரா கேட்டார்.
ஐஷ்வர்யா அமைதியாகவும் தெளிவாகவும் பதிலளித்தார்:“Broadly speaking, it isn’t the good thing to do.”(பொதுவாகப் பார்த்தால், அது நல்ல விஷயம் அல்ல.)
இந்த பதில் இந்திய கலாசாரத்தின் பாரம்பரிய மதிப்புகளை பிரதிபலிப்பதாகக் கருதப்பட்டது. இந்திய இளைஞர்கள் குடும்பத்துடன் நெருக்கமாக இருப்பது, மரியாதை மற்றும் பாரம்பரியம் ஆகியவற்றை அவர் வலியுறுத்தினார். எனவே, உடலுறவுக்கு முன்பே திருமணம் செய்வது கட்டாயம் என்பதை விவரிக்கிறார் ஐஸ்வர்யா ராய்.
இந்திய கலாசாரம் பற்றிய தவறான எண்ணங்களை தகர்த்தார்
பேட்டியில் ஐஷ்வர்யா இந்தியர்கள் ஆங்கிலம் பேச மாட்டார்கள் என்ற மேலை நாட்டினரின் தவறான கருத்தை விமர்சித்தார். “இந்தியர்கள் ஆங்கிலம் தெரியாது என்று நினைப்பது எனக்கு அதிர்ச்சியை ஏற்படுத்தியது” என்று கூறினார்.
மேலும், அமெரிக்காவில் இளைஞர்கள் 30 வயதுக்குள் தனியாக வெளியேறி வாழ்வது வழக்கம் என்று ஓப்ரா சொன்னபோது, ஐஷ்வர்யா இந்திய குடும்ப அமைப்பின் முக்கியத்துவத்தை விளக்கினார். “இந்திய கலாசாரத்தில் குடும்ப பிணைப்பு மிக முக்கியம். ஒன்றாக வாழ்வது, தொடர்பில் இருப்பது நமது பாரம்பரியம்” என்றார்.
ஐஷ்வர்யா - அபிஷேக் திருமண வாழ்க்கை
ஐஷ்வர்யா 1994-ல் மிஸ் உலகப் போட்டியில் வென்ற பிறகு உலக அளவில் புகழ்பெற்றார். ‘தேவதாஸ்’, ‘குரு’, ‘ராவண்’ உள்ளிட்ட படங்களில் நடித்து பாலிவுட் ஸ்டாராக உயர்ந்தார். அபிஷேக் பச்சனுடன் ‘குரு’ படத்தின் போது ஏற்பட்ட நட்பு திருமணத்தில் முடிந்தது.
தற்போது அவர்களுக்கு இடையேயான உறவு குறித்த வதந்திகள் அதிகம் உள்ளன. இருப்பினும், இருவரும் இதுவரை அதிகாரப்பூர்வமாக எந்த அறிவிப்பும் வெளியிடவில்லை. அவர்களது மகள் ஆராத்யா தாய்-மகள் உறவுக்கு சிறந்த உதாரணமாகத் திகழ்கிறார்.
ஐஷ்வர்யாவின் இந்த பழைய பேட்டி, இந்திய கலாசாரத்தை உலக அரங்கில் அழகாக விளக்கியதாக இன்றும் பாராட்டப்படுகிறது. அவரது பதில் அந்தக் காலத்து சமூக மதிப்புகளை பிரதிபலித்தாலும், இன்றைய தலைமுறையினரிடையே இந்த விஷயங்கள் குறித்த கருத்துகள் மாறி வருகின்றன என்பதும் குறிப்பிடத்தக்கது.
இந்த செய்தி ரசிகர்களிடையே பல்வேறு கருத்துகளை ஏற்படுத்தியுள்ளது. சிலர் ஐஷ்வர்யாவின் தைரியமான பதிலைப் பாராட்டினர். மற்றவர்கள் இன்றைய சமூக மாற்றங்களுடன் ஒப்பிட்டு விவாதிக்கின்றனர்.
Summary in English : In 2005, Aishwarya Rai Bachchan appeared on The Oprah Winfrey Show and shared insights on Indian traditions and family values. When asked about personal choices before marriage, she replied that broadly speaking, it is not considered appropriate. She highlighted close family bonds and cultural practices in India.
