கோபிச்செட்டிப்பாளையம் (கோபி) தொகுதியில் அதிமுக பொதுச் செயலாளர் எடப்பாடி கே. பழனிசாமி (ஈபிஎஸ்) தேர்தல் பிரச்சாரம் மேற்கொண்டபோது, முன்னாள் அமைச்சரும், முன்னாள் அதிமுக எம்எல்ஏவுமான கே.ஏ. செங்கோட்டையன்ஐ கடுமையாக விமர்சித்துப் பேசினார்.
செங்கோட்டையன் பெயரை நேரடியாகக் குறிப்பிடாமல், “இங்கு செங்கோட்டையன் என்ற ஒருத்தர் இருந்தார்” என்று தொடங்கிய ஈபிஎஸ், அவரைப் பற்றி இதுவரை பேசாததாகக் கூறினார்.
“கழக நிர்வாகிகள் இரவு பகல் பாராமல், தலைவர் காலத்திலும் அம்மா காலத்திலும் ரத்தத்தை விரிய மண்ணில் சிந்தி உழைத்ததால்தான் அவர் எம்எல்ஏ ஆனார்.
நீங்கள் எல்லோரும் பாடுபட்டுதான் அவர் எம்எல்ஏ ஆனார்” என்று கூறிய ஈபிஎஸ், பின்னர் “சுயநலம், திமிர், அகங்காரம்” காரணமாக அவரை கட்சியிலிருந்து வெளியேற்ற வேண்டிய சூழல் ஏற்பட்டதாகத் தெரிவித்தார்.
கட்சிக் கட்டுப்பாடு அவசியம்
“கட்சிக்கு கட்டுப்பாடு தேவையா இல்லையா? கட்சிக் கட்டுப்பாட்டை மீறினால் யாராக இருந்தாலும் நீக்கப்பட வேண்டும். அம்மா காலத்திலும், தலைவர் காலத்திலும் அதிமுக அப்படித்தான் கடைபிடித்தது. அதையே நாங்களும் கடைபிடித்தோம்” என்று அவர் வலியுறுத்தினார்.
ஈபிஎஸ் மேலும் கூறியதாவது:
“கோபி செட்டிப்பட்டி நகரத்தில் ஒருத்தர் கூட எனக்கு அடையாளம் தெரியாது என்று அவர் வசித்திருந்தார். ஒரு ஆளை என்னைப் பார்க்க விட மாட்டார். நகரச் செயலாளரைக்கூட நான் அப்போதுதான் பார்த்தேன். என்னை வந்து பார்க்கும்போது ‘இவர்தான் நகரச் செயலாளர்’ என்று தெரிந்தது.
அப்படி ஒரு மோசமான குணம் படைத்தவர். ஒரு நல்ல சட்டை போட்டுக்கொண்டு போனால்கூட பொறுக்காது. நீங்கள் கஷ்டப்பட்டு சம்பாதித்து வாங்கிய சட்டையைப் போட்டுக்கொண்டு போனாலும் பொறுக்காத ஆள்.”
குடும்பப் புகார் மற்றும் அமைச்சர் பதவி
“இந்தப் பகுதியில் சிந்து ரவிச்சந்திரன் என்ற நிர்வாகியை பொட்டி கட்டி அனுப்பி வைத்தார். டிஸ்ட்ரிக்ட் சேர்மன் கந்தசாமியை கட்சியைவிட்டு போக வைத்தார்” என்று குற்றம் சாட்டினார்.
மேலும், ஜெயலலிதா முதலமைச்சராக இருந்தபோது செங்கோட்டையனுக்கு அமைச்சர் பதவி கொடுத்தபோது, அவருடைய மனைவியும் மகனும் தலைமைச் செயலகத்துக்கு வந்து “கேவலமான புகார்” கொடுத்ததாகவும், அதனால் அம்மா (ஜெயலலிதா) அவரை மோசமான மனிதர் என்று கூறி செங்கோட்டையன் மனைவி, மகன் இருவரும் தலைமை செயலக அறையை விட்டு கீழே இறங்கும் முன்பே சென்கொட்டையனுடைய அமைச்சர் பதவியை பறித்தார்..
அம்மாவே மோசமான ஆள் சொன்ன பிறகும் கூட, கட்சி வேண்டும், நட்பு வேண்டும் என்ற முறையில் நான் முதலமைச்சரானபோது என் அமைச்சரவையில் சேர்த்ததுதான் என் தப்பு. அந்த ஆளுக்கு வீதியில் வரக்கூடிய ஒரு அதிமுக தொண்டனை பார்த்து கை எடுத்துக் கும்பிடும் யோக்கியதை இருக்கிறதா?” என்று கேள்வி எழுப்பினார்.
நன்றி மறத்தல்
“ஒரு காலத்தில் நல்ல நண்பராக இருந்தோம். அந்த நட்பின் அடிப்படையில் நான் அவருக்கு வாய்ப்பு கொடுத்தேன். ஆனால் நன்றி மறப்பது நன்றுக்கு அல்ல. அன்றை மறப்பது அன்றுக்கு அல்ல என்று ஐயன் திருவள்ளுவர் சொன்னார். இது மாதிரியான மனிதர்களை மன்னிக்க முடியுமா?” என்று ஈபிஎஸ் கேட்டார்.
இந்தப் பேச்சின்போது செங்கோட்டையன் பேசிய ஒரு வீடியோவையும் ஈபிஎஸ் காட்டி விளக்கினார்.
பின்னணி:
கே.ஏ. செங்கோட்டையன் அதிமுகவில் இருந்து நீக்கப்பட்ட பின்னர், தமிழக வெற்றிக் கழகம் (தவெக / TVK) தலைவர் விஜய் தலைமையிலான கட்சியில் இணைந்தார். இதனைத் தொடர்ந்து கோபி தொகுதியில் (அவரது முன்னாள் தொகுதி) ஈபிஎஸ் இந்தக் கடுமையான தாக்குதலை நடத்தினார்.
இந்தப் பிரச்சாரம் 2026 தமிழ்நாடு சட்டமன்றத் தேர்தல் பின்னணியில் நடைபெற்றது.
Summary in English : Edappadi Palaniswami addressed a campaign rally in Gobichettipalayam. He spoke about former MLA K.A. Sengottaiyan without naming him directly. Palaniswami said party workers worked hard for his success as legislator. He added that party discipline required action when rules were not followed. He mentioned past differences including family complaints during previous government. He noted their earlier friendship and his decision to give opportunity. He stated that forgetting gratitude is not right.
