அரசி அவார்ட்ஸ் 2026-ல் "தன்னம்பிக்கை சுடர் விருது" பெற்ற தமிழ் திரைப்பட நடிகை கேப்ரியல்லா (கேபி), தனது வாழ்க்கைப் பயணம், தன்னம்பிக்கை, குடும்ப ஆதரவு மற்றும் சமூகப் பிரச்சினைகள் குறித்து உணர்ச்சி மிகுந்த உரையாற்றினார்.
அந்த மேடையில் அவர் பேசிய வார்த்தைகள் சமூக ஊடகங்களில் பெரும் வரவேற்பைப் பெற்றுள்ளன.
"நான் இன்னும் அழுவேன்... ஆனால் அழுதுகொண்டே இருக்க மாட்டேன்"
விருது வழங்கும் நிகழ்ச்சியில் கேப்ரியல்லா தனது தன்னம்பிக்கை பற்றி பேசுகையில், “எனக்கு இப்போதும் அழுகை வரும். நான் நன்றாக அழுவேன். பிரச்சனை வந்தால் அழுவேன். ஆனால் அழுதுகொண்டே இருக்க மாட்டேன். அடுத்த நிமிடம் எழுந்து ஓட ஆரம்பித்துவிடுவேன்.
ஏனென்றால் வாழ்க்கை ரொம்ப சுருக்கமானது. இன்று இருப்பவர்கள் நாளை இருக்க மாட்டார்கள். அந்தக் குறுகிய காலத்தில் நாம் எப்படி இருக்கிறோம் என்பது முக்கியம்” என்றார்.
தான் எதிர்கொள்ளும் விமர்சனங்கள் குறித்தும் அவர் பேசினார். “எனக்குப் பிடித்த ஆடையை அணிவது, எனக்குப் பிடித்த மாதிரி இருப்பது ஏன் மற்றவர்களுக்கு பிடிக்கவில்லை என்று கேட்கிறார்கள்.
ஆனால் எனக்கு எந்த பிரச்சனையும் இல்லை. சாப்பாடுதான் வாழ்க்கையில் முக்கியம். மற்ற விஷயங்கள் பிரச்சனையில்லை” என்று தெளிவாகக் கூறினார்.
ஆடை அரசியல் மற்றும் நிற வெறி
தமிழ் சினிமாவில் நிலவும் நிற அரசியல் (Colour Politics) மற்றும் ஆடை அரசியல் (Dress Politics) பற்றி கேப்ரியல்லா கடுமையாக விமர்சித்தார். “ஒரு பெண்ணை அவள் உடுத்தும் உடையை வைத்து ஒரு செகண்டில் தீர்ப்பளிப்பது மிகவும் தவறு. நான் இதை ரொம்ப தவறாகப் பார்க்கிறேன்” என்றார்.
தான் தமிழ்நாட்டில் நிற வெறியை உடைத்து வெற்றிகரமாக வந்திருப்பதாகவும், ஆரம்பத்தில் பல வாய்ப்புகள் நிராகரிக்கப்பட்டாலும், திறமையே முக்கியம் என்ற எண்ணத்தில் முன்னேறியதாகவும் தெரிவித்தார்.
குடும்ப ஆதரவு - அம்மா மேரி கிளாரா தான் என் அரசி
கேப்ரியல்லா தனது குடும்பத்துக்கு நன்றி தெரிவித்தார். “என் அம்மா, அப்பா இருவரும் ஹெட் மாஸ்டர், டீச்சர் குடும்பம். நான் சினிமாவுக்கு வருவதாகச் சொன்னபோது பலர் எதிர்த்தனர். ஆனால் என் அம்மா ஒரே நம்பிக்கையுடன் என்னை ஆதரித்தார். அவர்தான் என் அரசி” என்று உணர்ச்சி பொங்கக் கூறினார்.
தனது மகள் அக்கீராவுடன் அரசி அவார்ட் வாங்கிய புகைப்படத்தைக் காட்டிய அவர், “அம்மாவும் மகளும் சேர்ந்து விருது பெற்ற தருணம் எனக்கு மிகவும் சந்தோசமானது” என்றார்.
கர்ப்பகாலம், பிரசவ வலி மற்றும் தாய்மை
பிரசவ அனுபவம் குறித்து பேசிய கேப்ரியல்லா, “நார்மல் டெலிவரி செய்ய வேண்டும் என்று மனதில் உறுதியாக இருந்தேன். ஆனால் வலி தாங்க முடியவில்லை. பாப்பா வெளியே வர வேண்டும் என்ற எண்ணம் மட்டுமே இருந்தது. பிறந்த உடன் அந்த வலி எல்லாம் மறைந்தது.
என் மார்பை பற்றி என்னனமோ பேசுகிறார்கள், மோசமாக கமெண்ட் செய்கிறார்கள். நான் என்னுடைய மகள் என் மார்பில் பால் குடிக்கும் போது அவளுடைய கண்களை பார்த்தேன். என் தாய்மையை உணர்ந்தேன். இப்போ சொல்கிறேன்.. நீங்க என்ன வேணும்னாலும் என் மார்பை பற்றி கமெண்ட் பண்ணிக்கோங்க.. என் மார்பு என் மகளுக்குதான்டா..” என்றார்.
சமூக ஊடக நெகட்டிவிட்டி - எப்படி ஹேண்டில் செய்கிறார்?
“டெலீட் என்ற ஆப்ஷன் இருக்கிறது. கண்ணுக்கு தெரியாததை டெலீட் செய்துவிடுகிறேன். என்னைச் சுற்றி இருப்பவர்கள் - அம்மா, நண்பர்கள், தம்பி தங்கைகள் - அவர்கள் என்னைப் பற்றி என்ன நினைக்கிறார்கள் என்பதுதான் முக்கியம். மற்றவர்களின் கருத்துகள் என்னை பாதிக்காது” என்று உறுதியாகக் கூறினார்.
புறம் பேசுவது, நம்பிக்கைத் துரோகம் மற்றும் இளையராஜா பாடல்கள்
புறம் பேசுபவர்களை “அவர்களின் தொழில்” என்று சிரித்துக் கூறிய கேப்ரியல்லா, நம்பிக்கைத் துரோகம் தன்னை வலிமையாக்கியதாகவும், அதை கடக்க இளையராஜா பாடல்கள் உதவியதாகவும் தெரிவித்தார்.
“நன்றி கெட்டவர்களிடமிருந்து விலகிவிட வேண்டும். எதிர்பார்ப்பு இல்லாமல் செய்யுங்கள்” என்ற அவரது அறிவுரையும் கவனம் பெற்றது.
இறுதி செய்தி
அரசி அவார்ட்ஸ் மேடையில் கேப்ரியல்லா பெண்களுக்கு வழங்கிய செய்தி இதுதான்: “ஒவ்வொரு பெண்ணும் தன்னை அரசியாக நினைக்க வேண்டும். அன்புக்கு அடிமையாகலாம், ஆணவத்துக்கு அடிமையாகக் கூடாது.”
அவர் தனது அம்மா மேரி கிளாரா, மகள் அக்கீரா, குடும்பத்தினர் மற்றும் ரசிகர்களுக்கு நன்றி தெரிவித்து உரையை நிறைவு செய்தார்.
கேப்ரியல்லாவின் இந்த உரை, தன்னம்பிக்கை, பெண் வலிமை மற்றும் நேர்மறைச் சிந்தனையின் அழகிய உதாரணமாக திகழ்கிறது.
Summary : Gabriella received the Self-Confidence Flame Award at the 2026 Arasi Awards. In her speech, she shared her life journey, the importance of resilience, and strong family support especially from her mother. She spoke about personal choices in clothing, managing social media opinions, and her motherhood experiences while encouraging women to value themselves.
