பிகார் மாநிலத்தின் மதுபானி மாவட்டத்தைச் சேர்ந்த ஒரு கிராமத்தில் நடந்த சம்பவம் சமூக வட்டாரங்களில் பெரும் பரபரப்பை ஏற்படுத்தியுள்ளது. திருமணம் ஆன ஆறு மாதங்களுக்குப் பிறகு வேலை நிமித்தமாக துபாய் சென்ற கணவர் ராம் குமார் யாதவ், கிட்டத்தட்ட 18 மாதங்கள் கழித்து வீடு திரும்பினார்.
ஆனால் அவரது வீட்டுக்கு அருகில் வசிக்கும் அக்கம் பக்கத்தார் யாருமே “நீங்க இவ்வளவு நாள் வெளியூரில் இருந்தீர்களா?” என்று கேட்கவில்லை. நேற்று வரை அவரை நேரில் பார்த்து பழகிக் கொண்டிருந்தது போலவே பேசினார்கள்.
“நான் துபாயில் இருந்து நேற்றுதான் வந்தேன். நீங்க எல்லாரும் போன வாரம் என்னிடம் பேசியது போல பேசிக் கொண்டிருக்கிறீர்களே?” என்று ராம் குமார் ஆச்சரியத்துடன் கேட்டபோது, அக்கம் பக்கத்தார் “என்ன சொல்றீங்க? துபாயில் இருந்தீங்களா?” என்று வியப்புடன் பதிலளித்தனர். ராம் குமாருக்கு எதுவுமே புரியவில்லை.
ஒரு வாரம் கழித்து மனைவி கீதா தேவியின் வயிற்றை கவனித்தார். அவள் கர்ப்பமாக இருந்தாள். வீட்டில் சண்டை வெடித்தது. “இந்த கர்ப்பத்திற்கு யார் காரணம்?” என்று ராம் குமார் கேட்டார். வீட்டார் தரப்பிலும் பேச்சுவார்த்தை நடந்தது. இறுதியில் கீதா தேவி உண்மையை உடைத்தார்.
கணவர் துபாய் சென்ற பிறகு, வீட்டிற்கு அருகிலிருந்த டைலர் கடையில் வேலைக்குச் சேர்ந்திருக்கிறார் கீதா. அங்கே பணியாற்றிய சுரேஷ் குமார் என்ற நபர், தனது கணவர் ராம் குமாரைப் போலவே உருவ ஒற்றுமையுடன் இருந்ததால் அவருடன் நெருக்கமாகப் பழகத் தொடங்கியிருக்கிறார். ஒரு கட்டத்தில் அந்த நெருக்கம் திருமண எல்லையைத் தாண்டி உறவாக மாறியிருக்கிறது. அதனால் கர்ப்பமானார்.
சுரேஷ் குமார் கீதா தேவியின் வீட்டுக்கு வந்து செல்லும்போது, அக்கம் பக்கத்தார் அவரை ராம் குமார் தான் என்று நினைத்திருக்கிறார்கள். உருவ ஒற்றுமை அவ்வளவு அதிகம்.
அதனால்தான் 18 மாதம் கழித்து துபாயில் இருந்து திரும்பியிருக்கிறார் என்ற எந்த விசாரணையும் இல்லாமல், போன வாரம் வரை பேசிக்கொண்டிருப்பது போலவே அனைவரும் நடந்து கொண்டிருக்கிறார்கள் என்பது புரிய வந்தது.CCTV காட்சிகளும் இந்த ரகசியத்தை அம்பலப்படுத்தின.
இந்நிலையில் காவல் நிலையத்தில் புகார் கொடுத்த ராம் குமார், “நான் வெளிநாட்டில் வேலை செய்து சம்பாதித்த பணம் அனைத்தையும் என் மனைவியின் கணக்குக்கே அனுப்பினேன்.
அந்தப் பணம் அனைத்தையும் எனக்குத் திருப்பித் தர வேண்டும்” என்று கூறினார். கீதா தேவி பெரிய அளவில் செலவு செய்யாமல் சேமித்து வைத்திருந்தார்.
அனைத்துப் பணமும் ராம் குமாரிடம் ஒப்படைக்கப்பட்டது. கணவரின் செல்போனுக்கு வரும் OTP இல்லாமல் வங்கியில் இருந்து பெரிய தொகை எடுக்க முடியாத காரணத்தால், அவரால் பணத்தை சுதந்திரமாகச் செலவழிக்கவும் முடியவில்லை.
காவல் நிலையத்தில் கீதா தேவியும், கர்ப்பத்திற்குக் காரணமான சுரேஷ் குமாரும், “நாங்கள் இருவரும் சேர்ந்து வாழப் போகிறோம். விவாகரத்துக்குப் பிறகு அதிகாரப்பூர்வமாகத் திருமணம் செய்து கொள்வோம்” என்று கூறிச் சென்றுள்ளனர்.
அதே சமயம், கணவர் உயிருடன் இருக்கும்போதே வேறு ஒருவருடன் தொடர்பு வைத்துக் கொண்டு கர்ப்பமானது தொடர்பாக கீதா தேவி மீதும், ராம் குமார் மீதும் வழக்கு பதிவு செய்யப்பட்டு விசாரணை நடைபெற்று வருகிறது. இந்த சம்பவம் பிகார் மாநிலத்தின் மதுபானி பகுதியில் பெரும் பேச்சுக்குள்ளாகியுள்ளது.
Summary in English : Husband returns home after 18 months abroad only to find neighbours treating his absence as normal. A man resembling him had been visiting regularly. His wife is expecting and later admits a close relationship with the lookalike. The savings he sent are returned. Both decide to live together after divorce while a case proceeds.
