2015ஆம் ஆண்டு தென்னிந்திய சினிமாவில் முன்னணி நடிகையாக இருந்த காஜல் அகர்வால், ஒரு பிரபல ஆணுறை நிறுவனத்தின் விளம்பரத்தில் நடிக்க ஒப்புக்கொண்டார். அதற்கான அட்வான்ஸ் தொகையையும் பெற்றுக்கொண்டார்.
ஆனால் இந்த செய்தி வெளியானதும் பெரும் எதிர்ப்பு கிளம்பியது. ரசிகர்கள் மத்தியிலும், பொதுமக்கள் மத்தியிலும் கடும் விமர்சனம் எழுந்த நிலையில், காஜல் அந்த அட்வான்ஸ் தொகையை திருப்பிக் கொடுத்துவிட்டு, ஆணுறை விளம்பரத்தில் நடிக்க மறுப்பு தெரிவித்தார்.
இந்த விவகாரம் அப்படியே முடிந்துவிடவில்லை. 2017-2018 ஆண்டுகளில் மத்திய அரசு விளம்பரங்களுக்கு கடுமையான கட்டுப்பாடுகளை விதித்தது.
தொலைக்காட்சிகளை அதிக அளவில் குழந்தைகள் பார்க்கிறார்கள் என்ற காரணத்தை முன்வைத்து, காலை 6 மணி முதல் இரவு 10 மணி வரை தொலைக்காட்சிகளில் ஆணுறை விளம்பரங்களை ஒளிபரப்பக் கூடாது என்று அதிரடி உத்தரவு பிறப்பிக்கப்பட்டது. இந்த கட்டுப்பாடு பல தரப்பினரிடமும் கடும் எதிர்ப்பை ஏற்படுத்தியது.
இந்த கட்டுப்பாடுகளை எதிர்த்து பல நடிகைகள் குரல் கொடுத்தனர். அதில் முன்னணியில் நின்றவர் காஜல் அகர்வால். இந்தியா டுடே கான்ட்ளேவ் சவுத் 2018 நிகழ்ச்சியில் பேசிய அவர், “ஜனத்தொகையை கட்டுப்படுத்த வேண்டும் என்றால் கண்டிப்பாக ஆணுறை விளம்பரம் அவசியம்.
உடலுறவு 10 மணி முதல் காலை 6 மணி வரைதான் நடக்கிறதா? அது பகலிலும் நடக்கிறது, இரவிலும் நடக்கிறது. அப்படியானால் அந்த நேரங்களில் ஆணுறை அவசியமில்லை என்று சொல்கிறார்களா? இது ஒரு அத்தியாவசியமான பொருள். நாட்டிற்கு மிகவும் தேவையான பொருள். இதனை விளம்பரம் செய்யக்கூடாது என்று தடுப்பது சரியல்ல” என்று நேரடியாகக் கேள்வி எழுப்பினார்.
காஜலின் இந்த கருத்துக்கு நடிகை குஷ்பூ, நடிகை டாப்ஸி பன்னு, நடிகை கௌதமி ஆகியோர் வலுவான ஆதரவு தெரிவித்தனர். குஷ்பூ, “இரவு 11 மணிக்குப் பிறகுதான் ஆணுறை விளம்பரம் காட்டலாம் என்று சொல்வது அபத்தம்.
உடலுறவு இரவு நேரத்தில் மட்டும்தானா நடக்கிறது?” என்று கேள்வி எழுப்பியிருந்தார். டாப்ஸியும் கௌதமியும் பாதுகாப்பான உடலுறவு குறித்த விழிப்புணர்வு அவசியம் என்பதை வலியுறுத்திப் பேசினர்.
ஆணுறை போன்ற அத்தியாவசிய பொருட்களின் விளம்பரங்களை நேரக் கட்டுப்பாட்டுக்குள் வைப்பது சரியானதா என்ற விவாதம் அப்போது பெரிய அளவில் நடைபெற்றது. காஜல் அகர்வால் உள்ளிட்ட நடிகைகள் எழுப்பிய இந்த கேள்விகள் இன்றும் பொருத்தமாகவே ஒலிக்கின்றன.
Summary in English : In 2015, actress Kajal Aggarwal agreed to appear in a protective product advertisement and accepted an advance payment. After strong public opposition, she returned the amount and refused the offer.
When daytime television restrictions on such ads were later introduced, she and fellow actresses including Khushbu, Taapsee, and Gautami strongly opposed the ban, highlighting the need for awareness to help manage population growth.
