சென்னையில் கல்லூரி மாணவி காரில் கடத்தப்பட்டு பாலியல் வன்கொடுமை! சந்தி சிரிக்கும் சட்டம் ஒழுங்கு!
சென்னையில் கல்லூரி மாணவி பாலியல் வன்கொடுமைக்கு உள்ளான சம்பவம் பெரும் அதிர்ச்சியை ஏற்படுத்தியுள்ளது. திருச்சியைச் சேர்ந்த இந்த மாணவி, கல்லூரி திட்டப்பணி (ப்ராஜெக்ட்) நிமித்தம் கடந்த பிப்ரவரி 14ஆம் தேதி சென்னைக்கு வந்திருந்தார். சென்னைக்கு வந்த சில நாட்களிலேயே, மாணவியின் புகைப்படத்தை மார்பிங் செய்து (முகம் மாற்றி) வாட்ஸ்அப்பில் யாரோ அனுப்பியதாக தகவல் வெளியாகியுள்ளது. இது மாணவியை மனரீதியாக பாதித்திருக்கலாம் எனக் கருதப்படுகிறது. கடந்த மார்ச் 9ஆம் தேதி, வெளியே செல்ல காத்திருந்த மாணவியை அடையாளம் தெரியாத நான்கு பேர் கொண்ட கும்பல் காரில் வலுக்கட்டாயமாக ஏற்றிச் சென்றதாக புகாரில் தெரிவிக்கப்பட்டுள்ளது. அவர்கள் மாணவியின் முகத்தில் மயக்க மருந்து (மயக்கப் பொடி) பூசியதாகவும், சுமார் ஒரு மணி நேரம் கழித்து வேறு இடத்தில் இறக்கி விட்டுச் சென்றதாகவும் கூறப்படுகிறது. உடல் நிலையில் ஏற்பட்ட மாற்றத்தை உணர்ந்த மாணவி, அடுத்த நாள் (மார்ச் 10) மாலை அடையாரில் உள்ள ஒரு தனியார் மருத்துவமனைக்குச் சென்று சிகிச்சை பெற்றார். மருத்துவமனையிலிருந்து வெளியே வந்தபோது, மீண்டும் மூன்று பேர் கொண்ட கும்பல் காரில் ஏற்றிச் சென்று...